ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⵓⴷⴷⴻⵙ ⴰⵔⵎⴰⵙ ⵓⵏⵚⵉⴱ ⵉ ⵓⵏⴻⵖⵍⴰⴼ ⴰⵎⴻⵏⵣⵓ ⵏ ⵍⵉⵙⴱⴰⵏ ⴷⴻⴳ ⵜⴻⵙⵖⵉⵎⵜ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⵓⴷⴷⴻⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵡⴰⵙⵙ ⵏ ⵓⵢⵏⴰⵙ ⴷⴻⴳ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⴰⵏⴻⵖⵍⴰⴼ ⴰⵎⴻⵏⵣⵓ ⵏ ⵜⴳⴻⵍⴷⴰ ⵏ ⵍⵉⵙⴱⴰⵏ, ⵎⴰⵙⵙ ⴱⴻⴷⵔⵓ ⵙⴰⵏⵛⴻⵣ ⴰⵔⵎⴰⵙ ⵓⵏⵚⵉⴱ, ⴷⴻⴳ ⵓⴽⴰⵜⴰⵔ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⴷ ⵜⵉⵎⵎⵉⴷⵡⴰ ⵉ ⴷ-ⵢⴻⵜⵜⴻⴳ ⵖⴻⵔ ⴷⵣⴰⵢⴻⵔ. ⵉⵀⴻⵏⵏⴰ ⵓⵏⴻⵖⵍⴰⴼ ⴰⵎⴻⵏⵣⵓ ⵏ ⵜⴳⴻⵍⴷⴰ ⵏ ⵍⵉⵙⴱⴰⵏ ⵜⴰⵙⵉⵍⴻⵖⵜ ⵏ ⵜⵉⴹⴰⴼ ⴰⵏⴰⴳⴷⵓⴷ ⵉ ⴰⵙ-ⵉⴳⵉⵏ ⴰⵣⵓⵍⵓ ⵏ ⵓⵙⴻⵔⵀⵓ. ⵢⴻⵔⵏⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴳⴰⵔⴰ ⵏ ⵢⵉⵏⴻⴱⴳⵉ ⵏ ⴷⵣⴰⵢⴻⵔ ⵡⵡⵉⵏ ⵜⴰⵡⵍⴰⴼⵜ ⵏ ⵓⵎⴻⴽⵜⵉ ⵙⴷⴰⵜ ⵏ ⵢⵉⴳⴻⵏⵙⴰⵙⴻⵏ ⵏ ⵡⴰⵍⵍⴰⵍⴻⵏ ⵏ ⵓⵍⵖⵓⴷ ⵉⵖⴻⵍⵏⴰⵡⵏ ⴷ ⵢⵉⴳⵔⴰⵖⵍⴰⵏⴻⵏ. ⴱⴻⴷⵔⵓ ⵙⴰⵏⵛⴻⵣ ⵢⴻⵍⵍⴰ ⵢⴻⵔⵣⵉ ⵖⴻⵔ ⵓⵎⵇⴰⵎ ⵏ ⵓⵎⴻⵖⵔⴰⵙ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⵎⴰⵏⵉ ⵉ ⴷ-ⵉⴱⴻⴷ ⵜⵉⵎⵉⴽⵜ ⵏ ⵜⵙⵓⵙⵎⵉ ⵢⴻⵔⵏⵉ ⵢⴻⵙⵙⴻⵔⵙ ⵜⴰⵎⴻⵇⵇⵓⵏⵜ ⵏ ⵜⵉⵊⴻⴵⴵⵉⴳⵉⵏ ⵙⴷⴰⵜ ⵏ ⵜⵎⴻⵏⵣⵉⵜ ⵏ ⵓⵎⴻⴽⵜⵉ ⵏ ⵢⵉⵎⴻⵖⵔⴰⵙⴻⵏ ⵏ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ ⵜⴰⵎⴰⵏⴳⴰⵏⵜ.