ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ (APS)
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⴷ ⴰⵖⴱⴰⵍⵓ ⴰⵎⴻⵣⵡⴰⵔⵓ ⴷ ⵓⴳⴻⵊⴷⴰⵏ ⵏ ⵢⵉⵙⴰⵍⴰⵏ ⴷⴻⴳ ⴷⵣⴰⵢⴻⵔ, ⵢⴻⵔⵏⵓⵜ ⵍⴰ ⵙⴻⵎⵎⵓⵙⴻⵜ (5) ⵏ ⵜⵎⴻⵀⵍⵉⵡⵉⵏ ⵜⵉⵎⵏⴰⴹⴰⵏⵉⵏ (ⴷⵣⴰⵢⴻⵔ ⵜⴰⵎⴰⵏⴻⵖⵜ, ⵡⴻⵀⵕⴰⵏ, ⵇⵙⴻⵏⵟⵉⵏⴰ, ⵡⴰⵔⴻⴳⵍⴰ ⴷ ⴱⴻⵛⵛⴰⵕ), ⵢⴻⵙⵙⴻⵎⵢⵓⴷⴷⵓⵙⴻⵏ ⴰⵔⵎⵓⴷ ⴷ 58 ⵏ ⵜⵏⴰⵔⵉⵢⵉⵏ ⵏ ⵜⵡⵉⵍⴰⵢⵜ. ⴷⴻⴳ ⵓⵣⵖⴰⵔ, ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⵍⴰ ⵜⵉⵏⴰⵔⵉⵢⵉⵏ ⵜⵜ-ⵉⴷ-ⵢⴻⵜⵜⴳⴻⵏⵙⵉⵙⴻⵏ ⴷⴻⴳ ⵎⴻⵏⵏⴰⵡ ⵏ ⵜⵎⵓⵏⴰⵖ (ⴱⴰⵔⵉⵙ, ⴱⵔⵓⵅⴻⵍⵍⴻⵙ, ⵍⵓⵏⴷⵓⵏ, ⵕⵓⵎⴰ, ⵎⴰⴷⵔⵉⴷ, ⵎⵓⵙⴽⵓ, ɛⴻⵎⵎⴰⵏ, ⵍⵇⴰⵀⵉⵔⴰ, ⴷⴰⴽⴰⵔ, ⵜⵓⵏⴻⵙ, ⵏⵡⴰⴽⵛⵓⵟ, ⴰⴷⴷⵉⵙ ⴰⴱⴻⴱⴰ, ⵡⴰⵛⵉⵏⵜⵓⵏ …).
ⴷⴻⴳ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ, ⵏⴻⵙⵙⴻⴳⵔⴰⵡ-ⴷ ⵉⵙⴰⵍⴰⵏ, ⵏⴻⵙⵎⵓⴽⵓⵏ-ⵉⵜⴻⵏ, ⵏⴻⵙⵙⴻⵎⵢⴻⵍⵍⴰⵍ-ⵉⵜⴻⵏ ⵢⴻⵔⵏⵓ ⵏⴻⵜⵜⴻⵎⵙⴰⴽⴰ-ⵜⴻⵏ ⴷ ⵓⵎⴰⵜⵓ ⵙ ⵢⵉⵙⴼⵉⵔⵉⵢⴻⵏ-ⵏⵏⴻⵖ ⵉⵍⴻⵎⵎⴰⵙⴻⵏ ⴷ ⵢⵉⵎⵏⴰⴹⴰⵏⴻⵏ. ⴰⵢⴰ ⵉⵃⵓⵣⴰ-ⴷ ⵉⵙⴰⵍⴰⵏ ⵉⵖⴻⵍⵏⴰⵡⴻⵏ, ⴰⴷⴷⴰⵍⴰⵏⴻⵏ, ⵉⴷⴰⵎⵙⴰⵏⴻⵏ ⴷ ⵢⵉⴳⵔⴰⵖⵍⴰⵏⴻⵏ ⵢⴻⵔⵏⵓ ⵏⴻⵙⵙⵓⵇⵇⵓⵍ-ⵉⵜⴻⵏ-ⵉⴷ ⵖⴻⵔ ⵜⵓⵜⵍⴰⵢⵉⵏ ⵢⴻⵎⴳⵉⵔⵔⴷⴻⵏ. ⵏⵏⵉⴳ ⵓⵥⴻⴹⵡⵓ-ⵏⵏⴻⵙ ⵏ ⵓⵙⴻⴳⵔⴻⵡ, ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⵜⴰⵡⴹⴻⵏ-ⵜⵜ-ⵉⴷ ⴰⵎⴰ ⵙ ⵓⴳⴻⵏⵙⴰ, ⴰⵎⴰ ⵙ ⴼⵜⵒ ⵢⴻⵍⵍⴰⵏ ⴷ ⵜⵉⵏⴻⵍⵍⵉ ⵏ ⵢⵉⵙⴰⵍⴰⵏ ⵏ ⵜⵏⴻⴳⴳⵉⵡⵉⵏ ⵏ ⵜⵖⴻⵎⵙⴰ ⵏ ⵜⵎⵓⵔⴰ ⵢⴻⵎⴳⵉⵔⵔⴷⴻⵏ ⵏ ⵓⵎⴰⴹⴰⵍ ⵡⵓⴽⴽⵓⴷ ⵜⵍⴰ ⵜⵏⴻⴳⴳⴰ ⵉⵎⵜⴰⵡⴰⵢⴻⵏ ⵏ ⵓⵎⵙⴻⵏⴼⴰⵍ.
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ: ⴷ ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⵙⴰⵍⴰⵏ.. ⵜⴰⵎⵓⴷⴻⵎⵜ ⵏ ⵡⴻⵍⵖⵓⴷ ⴰⵎⵡⴰⴽⴽⵉ
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⴻⵜⵜⵡⴰⵙⵙⴻⵖⵏⴻⵡ-ⴷ ⴰⵙⵙ ⵏ 1 ⴷⵓⵊⴻⵎⴱⴻⵕ 1961 ⴷⴻⴳ ⵜⵓⵏⴻⵙ ⵜⴰⵎⴰⵏⴻⵖⵜ, ⴷⴻⴳ ⵜⴰⵍⵍⵉⵜ ⵏ ⵓⵎⴳⴰⵔⵓ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵢⴻⵔⵏⵓ ⵜⴻⵍⵍⴰ ⴷ ⵜⴰⵎⴰⵡⴰⵢⵜ ⵏ ⵜⴻⴽⴱⴰⴱⵜ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⴷⴻⴳ ⵓⵏⵔⴰⵔ ⴰⴳⵔⴰⵖⵍⴰⵏ ⵏ ⵢⵉⵍⵖⵓⴷⴻⵏ. ⵎⵉ ⴷ-ⵜⴻⵙⵙⵓⵖⴰⵍ ⵜⵎⵓⵔⵜ ⴰⵣⴰⵔⵓⴳ, ⵜⴻⵙⴳⵓⴵⴵ-ⴷ ⵜⵏⴻⴳⴳⴰ ⵜⴰⵙⵖⵉⵎⵜ-ⵏⵏⴻⵙ ⵖⴻⵔ ⴷⵣⴰⵢⴻⵔ ⵜⴰⵎⴰⵏⴻⵖⵜ.
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⴻⵜⵜⴻⴳ ⵜⵓⵖⴷⴰⴹⵜ-ⵏⵏⴻⵙ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⵙ ⵓⵙⵏⴻⴳⵎⵓ ⵏ ⵓⴼⴰⵔⴻⵙ ⵏ ⵢⵉⵙⴰⵍⴰⵏ ⵉⵎⵓⵜⴰ ⴷ ⵢⵉⵙⴰⵍⴰⵏ ⵢⴻⵎⵎⵓⵣⵣⴳⴻⵏ ⵙ ⵜⵉⵔⴰ ⴷ ⵡⴰⵎⵎⴰⴽⴻⵏ ⵉⵙⵍⵉⵥⵔⴰⵏⴻⵏ, ⵢⴻⵔⵏⵓ ⵡⵉ ⴷ ⵉⵙⴰⵍⴰⵏ ⵉⵙⴻⵔⵜⴰⵏⴻⵏ, ⵉⴷⴰⵎⵙⴰⵏⴻⵏ, ⵉⴷⴻⵍⵙⴰⵏⴻⵏ ⴷ ⵢⵉⵏⵎⴻⵜⵜⵉⵢⴻⵏ. ⵉⵙⵡⵉ-ⵏⵏⴻⵙ ⴰⵎⴰⵜⵓ ⴷ ⴰⵙⵎⵓⵙⵙⴻⵏ ⵏ ⵢⵉⵢⴳⴰⵜⴻⵏ, ⵜⵉⴳⴰⵡⵉⵏ ⴷ ⵢⵉⵙⴻⴹⵔⴰ ⴷ-ⵢⴻⵜⵜⵉⵍⵉⵏ ⴰⵎⴰ ⴷⴻⴳ ⴷⵣⴰⵢⴻⵔ, ⴰⵎⴰ ⴷⴻⴳ ⵓⵎⴰⴹⴰⵍ.
ⵉⵍⵎⴻⵏⴷ ⵏ ⵡⴰⵢⴰ, ⵜⴰⵏⴻⴳⴳⴰ ⵜⴻⵙⵙⴻⴳⵔⴰⵡ-ⴷ, ⵜⴻⵙⵎⵓⴽⵓⵏ, ⵜⴻⵜⵜⴻⵎⵙⴰⴽⴰ-ⴷ ⴰⴽⴽ ⵉⵙⴰⵍⴰⵏ, ⵉⵡⴻⵏⵏⵉⵜⴻⵏ, ⵜⵉⴼⵜⴰⵔⵉⵏ ⵢⵓⵔⴰⵏ, ⵜⵉⵡⵍⴰⴼⵉⵏ ⴷ ⵜⴻⴼⵜⴰⵔⵉⵏ ⵜⵉⵙⵍⵉⵥⵔⴰⵏⵉⵏ ⵜⵉⵅⴰⵜⴰⵔⵉⵏ, ⵢⴻⵔⵏⵓ ⵉⵙⴰⵍⴰⵏ-ⵏⵏⴻⵙ ⴷ ⵓⵎⵎⵉⴷⴻⵏ, ⴷ ⵉⵙⴻⴷⵎⵉⵢⴻⵏ, ⴷ ⵉⵎⴻⵙⵖⵓⵔⴰ ⵢⴻⵔⵏⵓ ⵜⵜⵡⴰⵙⴼⴻⵇⴷⴻⵏ ⴷⴻⴳ ⵓⴽⴰⵜⴰⵔ ⵏ ⵢⵉⵍⵓⴳⴰⵏ ⵉⵙⵏⴰⵖⴰⵏⴰⵏⴻⵏ ⴷ ⵢⵉⵙⵓⵖⵏⴻⵏ ⵏ ⵜⵓⵖⴷⴰⴹⵜ ⵏ ⵓⵎⴻⵥⵍⵓ ⴰⵏⴰⴳⴷⵓⴷ.
ⵉⵙⴰⵍⴰⵏ ⴷ-ⵜⴻⵙⵙⴻⴳⵔⴰⵡ ⵢⴻⵔⵏⵓ ⵜⴻⵙⵎⵓⴽⵓⵏ-ⵉⵜⴻⵏ ⵜⵏⴻⴳⴳⴰ ⵜⴻⵙⵔⵓⵙⵓⵢ-ⵉⵜⴻⵏ-ⵉⴷ ⵉ ⵓⵥⴻⴹⵡⵓ ⴷ ⴰⵎⴻⵇⵇⵔⴰⵏ ⵏ ⵢⵉⵎⵏⴻⵣⴷⵉⵢⴻⵏ (ⵜⵉⵙⵓⴷⴰ, ⵜⴰⵖⴻⵎⵙⴰ ⵜⴰⵙⵍⵉⵥⵔⴰⵏⵜ, ⵜⴰⵖⴻⵎⵙⴰ ⵢⵓⵔⴰⵏ ⴷ ⵜⵍⵉⴽⵜⵕⵓⵏⴰⵏⵜ, ⵉⵙⴻⵎⵍⴰⵏ ⵏ ⵉⵏⵜⴻⵔⵏⴻⵜ ⴷ ⵢⵉⵎⵏⴻⵣⴷⵉⵢⴻⵏ ⵙⴻⴳ ⵢⵉⴳⵍⴰⵏ ⵢⴻⵎⴳⵉⵔⵔⴷⴻⵏ).
ⵉⵎⴻⵥⵍⴰ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⴻⵜⵜⵉⵍⵉ ⵎⴰⵏⵉ ⴷ-ⵜⴹⴻⵔⵔⵓ ⵜⴻⴷⵢⴰⵏⵜ ⵢⴻⵔⵏⵓ ⵜⴻⵜⵜⴻⵎⵙⴰⴽⴰ-ⴷ ⵜⵉⵎⴰⴹ ⵏ ⵜⵓⵣⵣⵉⵍⵉⵏ ⵏ ⵢⵉⵙⴰⵍⴰⵏ ⴷⴻⴳ ⵡⴰⵙⵙ ⵙ ⵎⴻⵏⵏⴰⵡ ⵏ ⵜⵓⵜⵍⴰⵢⵉⵏ (ⵜⴰɛⵕⴰⴱⵜ, ⵜⴰⵎⴰⵣⵉⵖⵜ, ⵜⴰⵏⴳⵍⵉⵣⵉⵜ, ⵜⴰⴼⵕⴰⵏⵙⵉⵜ, ⵜⴰⵙⵒⴻⵏⵢⵓⵍⵉⵜ ⴷ ⵜⵔⵓⵙⵉⵜ), ⴰⵎ ⵡⴰⴽⴽⴻⵏ ⵉ ⵜⴹⴻⵎⵎⴻⵏ ⵜⴰⴷⵓⵍⵉ ⴷ ⵜⴰⵡⴻⵙɛⴰⵏⵜ ⵏ ⵜⴻⴷⵢⴰⵏⵉⵏ ⵢⴻⵔⵣⴰⵏ ⵉⵙⴰⵍⴰⵏ ⵉⵖⴻⵍⵏⴰⵡⴻⵏ ⴷ ⵢⵉⴳⵔⴰⵖⵍⴰⵏⴻⵏ. ⵜⴰⵏⴻⴳⴳⴰ ⵜⴻⵙⵙⴻⵇⴷⴰⵛ ⵜⵓⵖⵓⵏⵉⵏ ⵜⵉⴳⴻⵏⵙⴰⵏⵉⵏ ⵏ ⴽⵔⴰⴹ ⵏ ⵢⵉⴳⴻⵏⵙⴰⵜⴻⵏ ⴷ ⵓⵎⵙⴰⴽⴰ ⵙ ⵉⵏⵜⴻⵔⵏⴻⵜ. ⴰⵎⴻⵥⵍⵓ ⵏ ⵓⵙⴻⵡⵍⴻⴼ, ⵉ ⴷ-ⵜⵛⴰⵔ ⵜⵏⴻⴳⴳⴰ ⴷⴻⴳ 1998, ⵢⴻⵙⵙⵓⵎⵓⵔ-ⴷ ⵜⴰⵡⵡⴰⵢⵉⵏ ⵢⴻⵔⵣⴰⵏ ⵜⵉⵖⵓⵍⴰ ⵢⴻⵎⴳⵉⵔⵔⴷⴻⵏ ⴰⵎⴰ ⴷⴻⴳ ⵜⵙⴻⵔⵜⵉⵜ, ⵉⴷⵍⴻⵙ ⵏⵉⵖ ⴰⴷⴷⴰⵍ, ⴰⵎⴰ ⵙⴷⴰⵅⴻⵍ ⵜⵎⵓⵔⵜ, ⴰⵎⴰ ⴷⴻⴳ ⵓⵣⵖⴰⵔ. ⵜⵉⵡⵍⴰⴼⵉⵏ-ⴰ ⵜⵜⵔⵓⵙⵓⵏⵜ-ⴷ ⴷⴻⴳ ⵓⵙⵎⴻⵍ ⵏ http://photo.aps.dz (ⵉ ⵢⵉⵎⵏⴻⵣⴷⵉⵢⴻⵏ ⴽⴰⵏ).
ⵏⵏⵉⴳ ⵡⴰⵢⴰ, ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⵍⴰ ⵜⵉⵀⴰⵡⵜ ⴷ ⵜⴰⵡⴻⵙɛⴰⵏⵜ ⴷⴻⴳ ⵓⴷⴻⵎⴽⴰⵍ ⴰⵍⵖⵓⴷⴰⵏ ⵙ ⵓⴳⴱⵓⵔ-ⵏⵏⴻⵙ ⴷ ⵢⵉⴼⴰⵔⵉⵙⴻⵏ ⵉⴳⵜⴰⵍⵖⵓⴷⴰⵏⴻⵏ ⵢⴻⵙⵙⴻⵇⴷⴰⵛⴻⵏ ⴰⴹⵔⵉⵙ, ⵜⴰⵥⵔⵉⵜ, ⵜⴰⵡⵍⴰⴼⵜ ⴷ ⵜⴻⵙⵏⴻⵙⴽⴰⵏⵜ (ⵢⴻⵜⵜⵡⴰⵙⵎⵓⵙⵙⴻⵏ ⵏⵉⵖ ⵜⵓⴷⵎⵉⵙⵜ).
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⴻⵙⴼⵓⴽⵜⵉ ⴷⴰⵖ ⴷⴻⴳ ⵢⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ ⵢⴻⵔⵏⵓⵜ ⵍⴰ ⵉⵙⴻⴱⵜⴰⵔ ⵏ ⴼⴰⵙⴱⵓⴽ ⵙ ⵡⴰⴽⴽ ⵜⵓⵜⵍⴰⵢⵉⵏ ⵢⴻⵍⵍⴰⵏ ⴷⴻⴳ ⵢⵉⵙⴻⵎⵍⴰⵏ-ⵏⵏⴻⵙ ⴷ ⵓⵎⵉⴹⴰⵏ ⵏ X ⵎⴰⵏⵉ ⴷ-ⵜⴻⵙⵔⵓⵙⵓⵢ ⵜⵓⵣⵣⵉⵍⵉⵏ, ⵜⵉⵡⵍⴰⴼⵉⵏ ⴷ ⵢⵉⵙⴰⵍⴰⵏ ⵙ ⵜⴻⵥⵔⵉⵜ.
ⴰⵔⵎⴰⵙ ⵏ ⵢⵉⵎⴻⵥⵍⴰ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ
ⵉⵎⴻⵥⵍⴰ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⵣⴻⵎⵔⴻⵎ ⴰⴷ ⵜⴻⵏ-ⵜⴰⴼⴻⵎ ⴷⴻⴳ internet:
ⴰⵎⴻⵥⵍⵓ ⵏ ⵓⴹⵔⵉⵙ ⵜⵣⴻⵎⵔⴻⵎ ⴰⴷ ⵜ-ⵉⴷ-ⵜⵔⴻⵎⵙⴻⵎ ⵙ ⵓⴳⴻⵏⵙⴰ ⴷ ⵓⵎⴰⵜⵓ. ⵉⵍⵎⴻⵏⴷ ⵏ ⵡⴰⵢⴰ, ⴰⵙⴻⵇⴷⴰⵛ ⵢⴻⵙⵙⴻⴼⴽ ⴰⴷ ⵉⵍⵉ ⴰⵙⴻⵍⴽⵉⵎ, ⵜⴰⵙⴽⴰ ⵏ ⵓⴳⴻⵏⵙⴰ ⵜⴰⵡⴰⴷⴷⴰⵔⵜ ⵙ ⵢⵉⵖⴻⴼ ⴰⵎⴻⵖⵔⴰⴷⴰⵏ ⵏ 12 ⴳⵀⵣ ⴷ ⵓⵏⴻⵔⵎⴰⵙ ⵙ ⵡⵓⴼⵓⵖ ⵏ ⵜⴻⵥⵔⵉⵜ. ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⴻⵜⵜⴰⴼⴽ ⵉ ⵢⵉⵎⵏⴻⵣⴷⵉⵢⴻⵏ-ⵏⵏⴻⵙ ⵜⴰⴳⵔⵓⵎⵎⴰ ⵏ ⵢⵉⵙⴻⵖⵥⴰⵏⴻⵏ ⴷ ⵓⵏⴻⵣⵎⴰⴽ ⵏ ⵜⵏⴻⴼⴽⵉⵢⵉⵏ ⵉ ⵓⵔⵎⴰⵙ ⵏ ⵢⵉⵙⴰⵍⴰⵏ.
ⴰⵎⴻⵥⵍⵓ ⵏ ⵜⴻⵥⵔⵉⵜ (ⵜⵉⵏⴻⵍⵍⵉ ⵜⴰⵙⵍⵉⵥⵔⴰⵏⵜ ⵏ ⵢⵉⵙⴰⵍⴰⵏ) ⵢⴻⵜⵜⵡⴰⴹⵎⴻⵏ ⵙ ⵢⵉⵡⴻⵜ ⵏ ⵜⵖⴻⵔⵖⴻⵔⵜ ⵏ ⵓⵎⵙⴰⴽⴰ ⵙ ⵉⵏⵜⴻⵔⵏⴻⵜ (ⴷ-ⵢⴻⵜⵜⵡⴰⵛⴰⵔⴻⵏ ⴷⴻⴳ 2024) ⵉ ⵢⵉⵎⵏⴻⵣⴷⵉⵢⴻⵏ (ⵜⵉⵔⴻⴳⵡⴰ ⵏ ⵜⵍⵉⵥⵔⵉⵜ ⴷ ⵜⵍⵉⵥⵔⵉⵜ ⵏ ⵉⵏⵜⴻⵔⵏⴻⵜ). ⴰⵎⴻⵥⵍⵓ-ⴰ ⵢⴻⴹⵎⴻⵏ ⵜⴰⴷⵓⵍⵉ ⵏ ⵢⵉⵙⴰⵍⴰⵏ ⵉⵖⴻⵍⵏⴰⵡⴻⵏ ⴷⴻⴳ 58 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⵢⴻⵔⵏⵓ ⵢⴻⵜⵜⵉⵍⵉ ⴷⴻⴳ ⵡⴰⴽⴽ ⵜⵉⴷⵢⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵎⴻⵇⵇⵔⴰⵏⵉⵏ.
ⵙ ⵡⴰⵢⴰ, ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵜⵍⴰ ⵜⴰⵖⵍⴰⵎⵜ ⵜⴰⵜⵡⵉⵍⴰⵏⵜ ⴷ ⵜⴰⴳⵜⵓⴳⵔⵉⵏⴰⵏⵜ ⵎⴰⵏⵉ ⵍⵍⴰⵏ ⵢⵉⵊⴻⵏⵢⵓⵕⴻⵏ ⴷ ⵢⵉⵎⵙⴰⵜⵡⵉⵍⴰⵏ ⵢⴻⵔⵏⵓ ⴹⴻⵎⵏⴻⵏ ⴰⵙⵉⵜⴻⵏ ⴷ ⵜⴰⵡⵡⴰⵣⵜ ⵜⴰⵙⵏⴰⵜⵡⵉⵍⴰⵏⵜ ⵏ ⵢⵉⵎⴻⵥⵍⴰ ⵏ ⵜⵏⴻⴳⴳⴰ ⴷⴻⴳ ⵢⵉⴹ, ⴷⴻⴳ ⵡⴰⵙⵙ.
ⵜⴰⵖⵍⴰⵎⵜ ⵜⴰⵜⵡⵉⵍⴰⵏⵜ ⵜⴻⵣⴳⴰ ⵜⵍⴰ ⴰⵏⴻⵔⵎⵉⵙ ⴷ ⵢⵉⵎⵏⴻⵣⴷⵉⵢⴻⵏ ⵏ ⵜⵏⴻⴳⴳⴰ, ⵢⴻⵔⵏⵓ ⵜⴻⵙⵙⴻⵃⴱⵉⴱⵉⵔ ⵖⴻⴼ ⵜⵖⴰⵔⴰ ⵏ ⵓⵔⵎⴰⵙ ⵏ ⵢⵉⵎⴻⵥⵍⴰ ⵏ ⵓⵙⴻⵍⵖⵓ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⴰⵎⴰ ⵙ ⵓⴳⴻⵏⵙⴰ, ⴰⵎⴰ ⵙ ⵓⵎⴻⵥⵍⵓ ⵏ ⵉⵏⵜⴻⵔⵏⴻⵜ ⵙ ⵢⵉⵥⴻⴹⵡⴰⵏ ⵉⵏⴰⴳⴷⵓⴷⴻⵏ.
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⵢⴻⵙⵙⴻⴼⵔⴰⴽ-ⵉⵜⵜ ⵓⵏⴻⵎⵀⴰⵍ ⴰⵎⴰⵜⵓ, ⵎⴰⵙⵙ ⴳⴰⵉⴷ ⵙⴰⵎⵉⵔ, ⴷ-ⵢⴻⵜⵜⵡⴰⵙⵙⵓⵎⵎⴷⴻⵏ ⵙ ⵜⴰⵏⴰⴹⵜ ⵜⴰⵙⴻⵍⵡⴰⵢⴰⵏⵜ ⵢⴻⵔⵏⵓ ⴷ ⵏⴻⵜⵜⴰ ⵉ ⴷ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ-ⵏⵏⴻⵙ ⵏ ⵜⴻⴷⴱⴻⵍⵜ.
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ (aps) – ⴰⵣⴻⴳⵍⴰⵍ ⵏ ⵡⴰⵢⵜⵎⴰⵜⴻⵏ ⴱⵓⵡⴰⴷⴷⵓ, ⴱⵉⵔ ⵎⵓⵕⴰⴷ ⵕⴰⵢⴻⵙ – ⴷⵣⴰⵢⴻⵔ ⵜⴰⵎⴰⵏⴻⵖⵜ – ⴷⵣⴰⵢⴻⵔ
ⵏⵏⴻⵔⵎⴻⵙ-ⴰⵏⴻⵖ-ⴷ
ⴰⵙⴰⵡⴰⵍ
+213 (0) 23 56 96 90 / 91 - 92 - 93 - 94 - 95 - 97
ⴰⴼⴰⴽⵙ
+213 (0) 23 56 96 47 / 63
ⴰⵎⴰⵢⴻⵍ
contact@aps.dz / commercial@aps.dz / redaction@aps.dz