ⵜⵓⵎⴻⵍ ⵉⵜⵢⵓⵒⵢⴰ ⴰⵜⴻⴽⴽⵉ ⵏ ⵓⵏⵎⵓⴳⴻⵔ ⴷⴻⴳ ⵓⵙⴻǧⵀⴻⴷ ⵏ ⵓⵖⴰⵡⴰⵙ ⴰⴼⵔⵉⵇⵉ ⴷⴻⴳ ⵜⵖⵓⵍⵜ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵜⵜⵡⴻⴽⴽⴷⴻ-ⴷ ⵜⴳⴻⵏⵙⴰⵙⵜ ⵜⵉⵎⴻⵣⴳⵉⵜ ⵏ ⵉⵜⵢⵓⵒⵢⴰ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵙⵎⵉⵔⵜ ⵜⴰⴷⴰⵎⵙⴰⵏⵜ ⵏ ⵜⴻⴼⵔⵉⵇⵜ, ⵀⵉⵔⵓⵜ ⵣⴻⵎⴻⵏⴻ ⴽⴰⵙⵙⴰ, ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ) ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ « ⴰⴽⴰⵍⴰ ⵏ ⵡⴻⵀⵔⴰⵏ » ⵉⵃⴻⵜⵜⵎⴻ-ⴷ ⵉⵎⴰⵏ-ⵏⵏⴻⵙ ⴷ ⵜⴰⵙⴻⵎⵙⴻⴷⴷⵓⵜ ⵜⴰⴳⴻⵊⴷⴰⵏⵜ ⵉ ⵢⴻⵜⵜⴻⴽⴽⴰⵏ ⵙ ⵜⴻⵍⵖⴰ ⵜⴰⴽⵎⴰⵎⴰⵏⵜ ⴷⴻⴳ ⵓⵙⴻǧⵀⴻⴷ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ ⵙ ⵜⵓⵇⵇⵏⴰ ⵏ ⵢⵉⵎⴰⵀⴰⵍⴻⵏ ⴷ ⵜⴰⴽⴽⴰⵢⵉⵏ ⵜⵉⵎⴰⵀⵍⴰⵏⵉⵏ ⴷ ⵢⵉⴳⵍⴰⵏ ⵏ ⵓⵙⵍⴰⴹ ⴷ ⵜⵉⵔⵉⵔⵜ ⵖⴻⴼ ⵜⵉⵙⵔⴰⵢⴻⵏ ⵏ ⵓⵎⴻⵏⵥⴰⵡ.
ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ ⴷⴻⴳ ⵜⴻⵥⵔⵉⴳⵜ ⵜⵉⵙ 12 ⵏ ⵜⵖⵉⵎⵉⵜ ⵏ ⵓⵙⵡⵉⵔ ⵓⵏⵏⵉⴳ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ, ⵎⴰⵙⵙⴰ ⵀⵉⵔⵓⵜ ⵣⴻⵎⴻⵏⴻ ⵜⴻⴱⴷⴻⵔ-ⴷ ⵜⴰⵎⵍⵉⵍⵜ ⵜⴰⴳⴻⵊⴷⴰⵏⵜ ⵏ ⵓⴽⴰⵜⴰⵔ-ⴰ: ⴰⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ (ⴰ3+), ⵜⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵉⵎⴰⵀⵉⵍⴻⵏ-ⴰ ⴰⵏ-ⴷ « ⴰⴷ ⴷ-ⵢⵉⵍⵉ ⵓⵙⵉⵀⵔⴻⵡ ⵏ ⵜⴻⴽⵜⵉⵡⵉⵏ, ⴰⴽⵜⴰⵣⴻⵍ ⵏ ⵉⵛⵇⵉⵔⵔⵡⴻⵏ ⴷ ⵓⵙⴱⴰⴹ ⵏ ⵜⵍⴻⵎⵎⵉⵥⵉⵏ », ⴷⴻⴳ ⵜⴰⵍⵍⵉⵜ ⵉⴷⴻⴳ ⵜⴰⴼⵔⵉⵇⵜ ⵜⴻⵜⵜⵇⴰⴱⴰⵍ « ⴰⵖⴻⵍⵍⵓⵢ ⵏ ⵓⵏⴰⴳⵔⴰⵡ ⴰⴳⴻⴷⴷⵉⵙⴰⵏ, ⵜⴰⵔⴻⵎⵖⴰ, ⵜⴰⴽⵔⵉⴹⵜ, ⵜⴰⵥⴻⵉⵖⴻⴼⵜ ⴷ ⵢⵉⵏⴼⴰⵍⴻⵏ ⵉⵔⵓⵙⴹⵉⴼⴻⵏ ⵏ ⵢⵉⵏⴰⴱⴰⴹⴻⵏ ».
ⵜⴻⵔⵏⴰ-ⴷ ⵜⴷⵉⵒⵍⵓⵎⴰⵜⵉⵜ-ⴰ ⴷⴰⴽⴽⴻⵏ ⵉⵎⴰⴷⵔⴰⵡⴻⵏ « ⵙⵓⴽⴽⵙⴻⵏ-ⴷ ⵜⵉⵎⵙⵉⵔⵉⵏ ⵉ ⵢⴻⵙⵙⴻⴼⴽⴻⵏ » ⵢⴻⵔⵏⵓ ⵙⴱⴻⴷⴷⴻⵏ-ⴷ « ⵜⵉⵙⴻⴽⴽⵉⵔⵉⵏ ⵜⵉⵍⵓⴼⴰⵏⵉⵏ ⵢⴻⵙⵙⴻⴼⴽⴻⵏ ⵉ ⵓⵙⵙⴻǧⵀⴻⴷ ⵏ ⵓⵎⴰⵀⵉⵍ ⵏ ⵜⴻⴳⵔⴰⵡⵜ ⵏ ⴰ3+ ⴷ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ».
ⵜⴻⴱⴷⴻⵔ-ⴷ ⵜⴳⴻⵏⵙⴰⵙⵜ ⵏ ⵉⵜⵢⵓⵒⵢⴰ « ⵉⵎⵉⵔⵡⴻⵏ ⵉ ⵜⴻⴷⴷⴻⵎ ⵜⵖⴻⵔⵖⴻⵔⵜ-ⴰ ⵜⵓⴼⵔⵉⵥⵜ », ⵜⴻⵔⵏⵉ ⵜⵓⵎⴻⵍ-ⴷ ⵜⴰⵖⴰⵔⴰ ⵏ ⵓⵜⴻⴽⴽⵉ ⵏ ⵢⵉⵎⴰⴷⵔⴰⵡⴻⵏ.