« Nnan-d Tagduda tadzayrit tamegdayt taɣerfant d Tegduda n Lalman Yeddukklen ɣef wassaɣen-nsen izegraren d yisurfanen, rnint wekkdent ɣef tmeɣsiwt-nsent I usegder n ublag n unmireg asindisan deg tɣulin yemgerraden.

Wekkden yidisen ɣef tixxutert n udiwenni d umfahem d unmireg deg uqabel n yicqirriwen inmaḍalen.

Deg wattal-aya, ulsen awekked ɣef umirew-nsen s unmireg agetdisan, yellan ttiraren deg-s Yiɣlanen Yeddukklen tamlilt tagellusant, s unagraw anmaḍal ibedden ɣef usaḍuf agraɣlan, ladɣa arzak n tnaya n yal awanak d uzarug-nnes d tɣellist n tmura-nnes, d umesten n yizerfen n umdan d yimenzayen imdananen.

Mmektin yidisen akatar yellan yesseddi-t umtawa n ublag jar Tdukli Taṛufit d Dzayer, d Teftart n Tdukli taṛufit ilmend n ugrakal, yellan d lasa n wassaɣen-nsen isindisanen.

Snemmren yidisen asemres n ulɣu-aya ublig ɣef teswast tasnuddsant n ublag-nsen asindisan, d azamul n umgirred yet beyyanen legder n wassaɣen d wuggumen-nsen ubligen n yimal, rnin snemmren imtawayen yettwazemlen jar termiṣin tilmaniyin d tidzayriyin deg tirzi-aya.

Xsen yidisen ad kemmlen deg usegder n tɣulin n unmireg-nsen, ad nebder qli seg-sen deg waggazen I d-yusin:

1- Anmireg asertan d udiblumati :

Mfahmen yidisen ɣef usuddes n:

- adiwenni asertan yettwasuddsen d uciwer amaki ɣef wassaɣen isindisanen, tmusal tigelluyanin d tigraɣlanin, inig d tɣellist.

- aciweṛ asertan yettwasuddsen deg uswir unnig jar yiɣlifen nYiweẓla iwerdaniyen n yiwanaken-aya d jar waggazen n teɣwalt deg yiɣlifen d Tneggiwin tiwnabaḍin, akked jar yisuda idiblumatiyen d tmazalin n yiwanaken.

- idiwenniyen deg labas n yisental.

Ssenfalin yidisen ɣef tumert-nsen seg yigmaḍ n yidiwenniyen yellan jar yinemɣuren-nsen deg 16 yulyez 2026.

2- Anmireg adamsan d unezzan d uẓewṛan:

Bedren yidisen tɣara n wassaɣen, inezzanen isindisanen, rnin kelsen s tumert tameqqṛant aswir irennin n tnezzut-nsen tasidisant.

Ad yeqqim Lalman seg yineblagen d yimaǧǧawen iṛufiyen I Dzayer, ladɣa deg tɣulin n wallalen imguranen, d waruumen itrisanen d tkerrusin d yifarisen ikruranen d yiwesfaren.

Ssenfalayen yidisen ɣef tmeɣsiwt-nsen deg usegder nwassaɣen inezzanen d yisfuktanen isidisanen ilmend n umeẓlu n tdamsiwin-nsen, ladɣa deg uselhu n unezwi n yimahilen deg yiwanaken, rnin wekkden amirew-nsen s yinawayen igraɣlanen n unbaḍ n usfukti, ladɣa taferwa d tnaya n usaḍuf.

Beyynen yidisen tixxutert tasnuddsant n ublag-nesn asidisan aẓewṛan azegrar, akked anmireg-nsen asnegman deg ugzum n teẓwert, ladɣa deg wattal n wussisen n Lalman deg usemgirred, d temlilt n Dzayer d amsiǧǧew yettwafelsen d tesnuddest-nnes n usemhez n ugzum tezwar d-yettuɣalen.

Wekkden yidisen ɣef tixxutert tasnuddsant n usenfar n ubrid n uhidrujin anẓulan, yettwsemlen d asenfar n “tawwurt tanmaḍal”t d “ubrid n teẓwert taṛufi”, yellan yetteg tasɣunt tunzigt tazegrart jar-atsen.

Ilmend n usemgirred n yineblagen inezzanen, tamerna n usigeẓ n wurrig ilmend numeẓlu n yidisen, rnin tteqqlen ɣer timlilit taɣlifant I d-yusin n usenfar yettwabedren.

Wekkden yidisen ɣef tmeɣsiwt-nsen ilmend n uskasi ɣef unmireg deg yimal ɣef tɣulin n teẓwert d umussu aẓewṛan, d tḍumṣukt d ugzum asnatwilan d yigzumen n umesni d tdawsa d tnesfart d yimɣuzen imedduranen d tkerrazt d temguri.

Tteqqlen yidisen ɣer usarag adamsan asindisan ad yettwasuddsen deg 17 yulyez 2026.

Mfahmen ɣef usermed n Tseqqimt tadamsant tubligt tadzayrit-talmanit, d usnulfu Useqqamu n Yimahilen asindisan ad Yilin d anebdid n udiwenni jar timettiyin n yimahilen deg Dzayer d Lalman, tgara n twuriwin d yirmad yellan ssuddusen-ten tgara n Texxamt n tnezzut tadzayrit talmanit, d Useqqamu n Usemhez adamsan adzayri d Texxamt tadzayrit n Tnezzut d temguri.

3- Asnegmu unzig d tmeṣkiwt n tzemmar :

Snemmren yidisen isenfaren yellan deg useḍrew deg yigzumen isnuddsanen ubligen, akked s unmireg deg taɣult n tesnatwilin n ulkat n tetrist ɣer yifarisen iẓewranen d yimguranen izegzawen.

Ilmend n unmireg adriman deg yimal, yidisen sɛan iswi n usegder n udiwenni ɣef tzemmar d tisemsedda n ukellek n udhal n usemgirred aẓewṛan, rnin mfahmen ɣef usegder n unmireg-nsen ilmend n useḥbes n wurrig n umitan, akked asegder n unmireg-nsen deg taɣult n umesten n twennaḍt d unezwi.

4- Idles d usegmi d tutlayt d umyefk jar yiɣerfen:

Snemmren yidisen iblagen ikadimanen d unmireg n unadi d wahilen n tikkiwin n tezrawt d yirmad n umyefk adelsan d wahilen imiranen i d-yewwsen deg usegder n umfahem ublig, deg ukatar-aya snemmren yidisen amtawa adzayri almani ɣef unmireg adelsan d ussnan.

5- Tussniwin d tesnatwilt d usnulfu:

Mfahmen yidisen ɣef usnirem n tzemmar n usnas n yisenfaren n unadi ubligen, akked anmireg deg taɣult n tesnatwilt igemmun d yinagrawen n usnulfu, rnin wekkden ɣef leɛnaya-nsen s usmal n yiblagen deg tɣulin timguranin d tisnatwilin tubligin, am ugzum n umikanik, arrumen n tmṣkiwt, amesni, apitrukruran, timguriwin tiẓewranin, tgara n tamguri tawesfart.

6- Taɣellist tagelluyant n yinig d unmireg n umzaɣ :

Snemmren yidisen adiwenni amiran ɣef tmusal n tɣellist tagelluyant d tenmaḍalt, ladɣa anmireg deg taɣult n umzaɣ, taremɣa, taɣellist tasenwelhant, d yiserkas ilɣudanen.

Snemmren yidisen taɣara n unmireg-nsen deg tɣulin n yinig, aserḥel, aɛawed n uqbal d unummed, akked amyefk asindisan yettwasuddsen ɣef yisental-aya.

Wekkden yidisen amirew-nsen s ukemmel n unmireg yelhan deg ukatar n uprutukul adzayri almani ɣef tussna n timagit d uqbal deg 14 furar 1997, d usemhez n unmireg mani yelzem.

Wwḍen ɣer ulɣu-aya ublig deg wattal n tirzi tunṣibt n uselway n Tegduda Mass Abdelmadjid Tebboune ɣer Berlin deg 16 yulyez 2026, d timlilit-nnes s unsfaw afidirali Friedrich Merz, ad yebdu usnas n ulɣu-aya seg wass-aya.

Dzayer/Lalman

Alɣu ublig ɣef teswast tasnuyddsant n ublag asindisan