TANEGGA N YISALAN N DZAYER (APS)
Tanegga n Yisalan n Dzayer d aɣbalu amezwaru d ugejdan n yisalan deg Dzayer, yernu tla semmuset (5) n tmehliwin timnaḍanin (Dzayer Tamaneɣt, Wehṛan, Qsenṭina, Waregla d Beccaṛ), yessemyuddusen armud d 58 n tnariyin n twilayt. Deg uzɣar, Tanegga n Yisalan n Dzayer tla tinariyin tt-id-yettgensisen deg mennaw n tmunaɣ (Paris, Bruxelles, London, Ṛuma, Madrid, Musku, Ɛemman, Lqahira, Dakar, Tunes, Nwakcuṭ, Addis Abeba, Washington …).
Deg Tnegga n Yisalan n Dzayer, nessegraw-d isalan, nesmukun-iten, nessemyellal-iten yernu nettemsaka-ten d umatu s yisfiriyen-nneɣ ilemmasen d yimnaḍanen. Aya iḥuza-d isalan iɣelnawen, addalanen, idamsanen d yigraɣlanen yernu nessuqqul-iten-id ɣer tutlayin yemgirrden. Nnig uẓeḍwu-nnes n usegrew, Tanegga n Yisalan n Dzayer ttawḍen-tt-id ama s ugensa, ama s FTP yellan d tinelli n yisalan n tneggiwin n tɣemsa n tmura yemgirrden n umaḍal wukkud tla Tnegga imtawayen n umsenfal.
TANEGGA N YISALAN N DZAYER: D TANEGGA TAƔELNAWT N YISALAN.. TAMUDEMT N WELƔUD AMWAKKI
Tanegga n Yisalan n Dzayer tettwasseɣnew-d ass n 1 dujembeṛ 1961 deg Tunes Tamaneɣt, deg tallit n Umgaru n Uslelli Aɣelnaw, yernu tella d tamawayt n tekbabt n Tegrawla Tadzayrit deg unrar agraɣlan n yilɣuden. Mi d-tessuɣal tmurt azarug, tesguǧǧ-d Tnegga tasɣimt-nnes ɣer Dzayer Tamaneɣt.
Tanegga n Yisalan n Dzayer tetteg tuɣdaḍt-nnes n umeẓlu anagdud s usnegmu n ufares n yisalan imuta d yisalan yemmuzzgen s tira d wammaken isliẓranen, yernu wi d isalan isertanen, idamsanen, idelsanen d yinmettiyen. Iswi-nnes amatu d asmussen n yiygaten, tigawin d yiseḍra d-yettilin ama deg Dzayer, ama deg umaḍal.
Ilmend n waya, Tanegga tessegraw-d, tesmukun, tettemsaka-d akk isalan, iwenniten, tiftarin yuran, tiwlafin d teftarin tisliẓranin tixatarin, yernu isalan-nnes d ummiden, d isedmiyen, d imesɣura yernu ttwasfeqden deg ukatar n yilugan isnaɣananen d yisuɣnen n tuɣdaḍt n umeẓlu anagdud.
Isalan d-tessegraw yernu tesmukun-iten Tnegga tesrusuy-iten-id i uẓeḍwu d ameqqran n yimnezdiyen (tisuda, taɣemsa tasliẓrant, taɣemsa yuran d tliktṛunant, isemlan n Internet d yimnezdiyen seg yiglan yemgirrden).
IMEẒLA N TNEGGA N YISALAN N DZAYER
Tanegga n Yisalan n Dzayer tettili mani d-tḍerru tedyant yernu tettemsaka-d timaḍ n tuzzilin n yisalan deg wass s mennaw n tutlayin (taɛṛabt, tamaziɣt, tanglizit, tafṛansit, taspenyulit d trusit), am wakken i tḍemmen taduli d tawesɛant n tedyanin yerzan isalan iɣelnawen d yigraɣlanen. Tanegga tesseqdac tuɣunin tigensanin n kraḍ n yigensaten d umsaka s Internet. Ameẓlu n usewlef, i d-tcar Tnegga deg 1998, yessumur-d tawwayin yerzan tiɣula yemgirrden ama deg tsertit, idles niɣ addal, ama sdaxel tmurt, ama deg uzɣar. Tiwlafin-a ttrusunt-d deg usmel n http://photo.aps.dz (i yimnezdiyen kan).
Nnig waya, Tanegga n Yisalan n Dzayer tla tihawt d tawesɛant deg udemkal alɣudan s ugbur-nnes d yifarisen igtalɣudanen yesseqdacen aḍris, taẓrit, tawlaft d tesneskant (yettwasmussen niɣ tudmist).
Tanegga n Yisalan n Dzayer tesfukti daɣ deg yiẓeḍwan inmettiyen yernut la isebtar n Facebook s wakk tutlayin yellan deg yisemlan-nnes d umiḍan n X mani d-tesrusuy tuzzilin, tiwlafin d yisalan s teẓrit.
ARMAS N YIMEẒLA N TNEGGA N YISALAN N DZAYER
Imeẓla n Tnegga n Yisalan n Dzayer tzemrem ad ten-tafem deg INTERNET:
Ameẓlu n uḍris tzemrem ad t-id-tremsem s ugensa d umatu. Ilmend n waya, aseqdac yessefk ad ili aselkim, taska n ugensa tawaddart s yiɣef ameɣradan n 12 GHZ d unermas s wufuɣ n teẓrit. Tanegga n Yisalan n Dzayer tettafk i yimnezdiyen-nnes tagrumma n yiseɣẓanen d unezmak n tnefkiyin i urmas n yisalan.
Ameẓlu n teẓrit (tinelli tasliẓrant n yisalan) yettwaḍmen s yiwet n tɣerɣert n umsaka s Internet (d-yettwacaren deg 2024) i yimnezdiyen (tiregwa n tliẓrit d tliẓrit n Internet). Ameẓlu-a yeḍmen taduli n yisalan iɣelnawen deg 58 n twilayin n tmurt yernu yettili deg wakk tidyanin tigraɣlanin timeqqranin.
S waya, Tanegga n Yisalan n Dzayer tla taɣlamt tatwilant d tagtugrinant mani llan yijenyuṛen d yimsatwilan yernu ḍemnen asiten d tawwazt tasnatwilant n yimeẓla n Tnegga deg yiḍ, deg wass.
Taɣlamt tatwilant tezga tla anermis d yimnezdiyen n Tnegga, yernu tesseḥbibir ɣef tɣara n urmas n yimeẓla n uselɣu n Tnegga n Yisalan n Dzayer ama s ugensa, ama s umeẓlu n Internet s yiẓeḍwan inagduden.
Tanegga n Yisalan n Dzayer yessefrak-itt unemhal amatu, Mass Gaid Samir, d-yettwassummden s tanaḍt taselwayant yernu d netta i d aselway n useqqamu-nnes n tedbelt.
Tanegga n Yisalan n Dzayer (APS) – Azeglal n Waytmaten Bouadou, Bir Muṛad Ṛayes – Dzayer Tamaneɣt – Dzayer
Nnermes-aneɣ-d
Asawal
+213 (0) 23 56 96 90 / 91 - 92 - 93 - 94 - 95 - 97
Afaks
+213 (0) 23 56 96 47 / 63
Amayel
contact@aps.dz / commercial@aps.dz / redaction@aps.dz