Aselway n Tegduda yesselwi timlilit n Useqqamu n Yineɣlafen

DZAYER TAMANEƔT – Yesselwi uselway n Tegduda, anemɣur unnig n Yiɣallen umrigen, aneɣlaf n Umzaɣ aɣelnaw, Mass Abdelmadjid Tebboune, deg wass n usamas, timlilit n Useqqamu n Yineɣlafen yeskasi isumren yeɛnan tawwurt taɣelnawt n yimeẓla umḍinen, aḍfar n usnas n yimtawayen tgara n Nijir d Ččad d usemhez n unagraw awennaḍan n termiṣin tigemma, akked asumer ɣef tasemhuyt tamerrant, ammek i d-yenna ulɣu n Tselwit n Tegduda.