Tirzi n Ubaba Leon XIV temmures yerni tella-d d taɣsert taxatart i usdusu n wassaɣen gar Dzayer d Vatican

DZAYER TAMANEƔT – Iwekked-d uselway n tegduda, Mass Abdelmadjid Tebboune, dakken tirzi n Ubaba Leon XIV ɣef Dzayer temmures yernu tella-d d taɣsert taxatart i usdusu n wassaɣen gar Dzayer d Vatican.

Ilmend n temlilit-is n tawalant d yigensasen n tɣamsa taɣelnawt, i d-yeffɣen ass n usiḍyas tameddit deg tregwa n tiliẓri d rradyu taɣelnawt, yessegza-d uselway n tegduda dakken idiwenniyen-is d ubaba n Vatican llan-d s umata ɣef wassaɣen isindisanen, mani i msegzan akken ad ilin d “assaɣen ummiden” d inbaɣuren i sin n yidisan”.