Taseɣrut-a yenna-tt-id ass n usinas tameddit ugensas imezgi n Dzayer deg Yiɣlanen Yeddukklen, Mass Amar Benjamaa, deg ukatar n uskasi amatu ublig n tesmilt tis 4 n ugraw amatu n yiɣlanen yeddukklen, i d-yelhan s temsal tisertanin tuzzigin d tukksa n usehres, mzni i d-yules awekked ɣef waddud n Dzayer ameẓẓu deg wayen yerzan tamsalt n tniri tutrimt.

Mass Benjamaa iwekked-d dakken Taniri Tutrimt werɛa-itt d tamsalt n tukksa n usehres ur ikemlen ara, am wakken i d-iwekked dakken aẓayer-nnes azerfan sbedden-t-id Yiɣlanen Yeddukklen s ussidef-nnes ukatar-nnes usḍuf deg wumuɣ n yigelluyen ur yesɛin aguccleman, yerna-d dakken tineɣtusin n Ugraw Amatu sǧehdent-d tagnit-a tusḍigt, d matta i tedhel tsenbert n teɣdemt tagraɣlant deg ṛṛay-nnes n uciweṛ.

Deg wattal-a, yebder-d tineɣtusin n Ugraw Amatu n 1514 d 1541 i d-yesbedden amenzay n ufran n tegnit tasertant n yal agelluy yessefk ad d-yekk seg tmeɣsiwt tilellit n weɣref-nnes, iḥettet-d dakken amenzay-a d netta ay d ul n yal akala adettan tukksa n usehres.

Iwekked-d dakken « ulac akk d yidis yesɛan azref ad yuc tanaya ɣef wakal-a, ula d Aseqqamu n Tɣellist n Yiɣlanen Yeddukklen », am wakken i d-yessegza dakken tanaya tayiwnant netta d aɣref awniri, yernu yessefk ad yili d idis deg uciweṛ-a s telɣa tuḥtimt ɣef timal-nnes.

Iḥettet-d daɣ dakken ulac tifrat i izemren ad tili d tuɣdimt d tummidt ma yella tettwaḥettem d aɣil d taneqqiḍt n tazwara d tagara, am wakken i d-iwekked dakken istagen yessefk ad ilin d akala ɣer tifrat, maci d allal i lmend n uḥettem n ufran i d-yettwasɣenwen uqbel.

Deg tgara n yinaw-nnes, Mass Ben Djema yules iwekked-d tuṭṭfa n Dzayer deg usaḍuf agraɣlan d usaḍuf amdanan agraɣlan, d tmeɣsiwt-nnes i tifrat tummidt i umyenkaf n Tniri tutrimt, s matta ara yerren taɣdemt d yisirmen n weɣref awniri, d matta ara yettekkin deg usuɣel n talwit d umsuɣel i temnaḍt.

Tules-d Dzayer s tuṭṭfa-nnes i uferru uɣdim n temsalt n Tniri n Tutrimt i bedden ɣef uzref n uguccelman