Deg usarag-aya yellan ḍran leqdicat-nnes s tihawt n yimasayen imeqqranen, s udraw n yirgazen n yimahilen, d yimesfuktiyen seg sen-aya n yiwanaken, yettwazmel ɣef umtawa n unmireg jar Sintrach d termist n VNG talmanit, yeɛnan abuddu n wastagen ɣef usetrer n umlu n usiǧǧew n wurrig d trennit n tnecta-nnes.

Yerni yettwazmel ɣef tsektayt n umtawa jar « tarmist n Opel » d tegrawt n « Halil », yesɛan iswi n usersi n ukatar n unmireg ɣer yimal d usnirem n tlemmiẓin n yimahilen d usfukti jar yidisen, akked tasektayt n umfahem jar Tegrawt n Saidal, d termiṣt n Boehringer Ingelheim talmanit, yeɛnan tamguri tadigant n yiwesfaren, d usemhez n ublag amguran deg taɣult n unadi d usemhez, deg ukatar n unmireg ussnan asindisan yellan jar Dzayer d Lalman.

Deg ugzum n umesni, zemlen ɣef semmus n yimtawayen jar termist n « Siemens Mobility » talmanit d termist taɣelnawt n umesni s yibruzzlanen « SNTF » d termiṣt n Umitṛu n Dzayer « EMA », yesɛan iswi n usegder n unmireg deg taɣult n umesni d yibruzzlanen, d usemhez n tufratin ɣef umesni aɣarim, d usiweḍ n tesnatwilin d termitin deg ugzum-aya.

Yerni yeẓra usarag-aya azmal n umtawa anezzan jar termist n « EXWOR » d termiṣt n « Field Equipment and Services” yeɛnan aǧǧaw n warrumen n yinurar n upitrul deg lfayedt n yilzaz adzayri d ufriqi, akked azmal n umtawa anezzan jar termiṣt n « EXWOR » d termist n « PSE Engineering GmbH » ɣef waǧǧaw n tetwilin ad iwatan agzum n upitrul d wurrig.

Deg wattal-aya, yettwazmel umtawa anezzan jar tarimst n “VET AGRI PHARMA” d termiṣt n « EQUINEXT SOLUTIONS Deutschland » yeɛnan aǧǧaw n walalen d waruumen imguranen ɣef useɣnew n tayunt n ufares n yiwesfaren ibiḍaranen deg Dzayer.

Azmal yeɛna tasektayt n umtawa jar termist n « OPEN DISK » d termiṣt n “EQUINEXT SOLUTIONS Deutschland,” yesɛan iswi n usuddes n ublag ad yesdukklen jar tirmit talmanit deg tijjenyert d tesnatwilt tamgurant d tirmit tadigant n termist n OPEN DISK.

Tgara n way-a yettwazmel ɣef umtawa n tsusmi “NDA” jar Tegrawt n MADAR d termiṣt n « Korber Technologies GmbH », yeɛnan amesten n tnefka inetlanen yellan deg ukatar n usenfar n termist tadzayrit n utaba, akked amtawa n unmireg n uktazel jar termist n « Focke & Co. GmbH & Co. KG » d tegrawt n Madar, iswi-nnes d aktazel n yiḥwajiyen imguranen n termist tadzayrit n utba, deg taɣult n yisgulaf n ujellel n yigarruten, d tezrawt n tlemmiẓin n unmireg amguran d unezzan jar yidisen.

Terni teẓra timlilit-aya azmal ɣef umtawa anezzan jar termiṣin tigraɣlanin n teẓwar ifukanen (International Company Renewable Solar SARL) d termist n « RCT Solutions » yeɛnan tizrawin tijenyuranin d usiggi ɣef useḍrew n tineɣreft n ufares n usilikun amɣuzan d teẓwert tafukant, akked azmal ɣef umtawa anezzan jar « Tagrawt n Bousouf Fatah » d termist n « Fleming Hotel » yeɛnan asefrek d tukci n yifaziyen n wammad i Usuddus amguran ad irefden 600 n usuten deg temdint n Tuggurt.

Tamawt belli asuddes n usarag-aya yus-d deg ukatar n tirzi tunṣibt I d-yetteg uselway n Tegduda ɣer Lalman, ilmend n uncaḍ n umeddukel-nnes aselway n Tegduda n Lalman Yeddukklen, Mass Frank-Walter Steinmeier.

Asarag adamsan adzayri-almani deg Berlin

Azmal ɣef labas n yimtawayen d tsektayin yeɣnan agzumen isnuddsanen imeqqṛanen