Yella-d umyager-a deg ukatar n « usdusu n unmireg agraɣlan d usemɣer n yiglan n ublag adamsan d usfukti ilmend n usuggel n tedgi n Dzayer s yisem-nnes d taneblaht taxatart deg wulzuzen iẓewranen imnaḍanen d yigraɣlanen”, ɣef wakken d-yerna ulɣu-a.

Deg umyager-a, d-yellan ass n usamas deg tesɣimt n uɣlif, s tihawt n yikataren-nnes, wwin-d awal ɣef waddad n unmireg gar uneblag-a amaṣri d twaẓit n yimtawayen d-yellan d umsemhel aẓewran n Sonelgaz.

Ilmend n waya, yumel-d uneɣlaf aneblag amaṣri i izerken aseḍru n yimirwen-nnes, yernu yezzireg-d dakken agzum-nnes yettafk tuzwirt, imir-a, i usdusu n wadaf ɣer wulzuzen ifriqiyen, dɣa ɣef waya i yettnadi ad d-yeg iblagen isnuddsanen d uggilen d yineblagen isedmiyen, ladɣa deg Tefriqt d Ugmuḍ Alemmas, ɣef wakken d-yenna ulɣu-a.

Iwekked-d daɣ Mass Adjal dakken aɣraf n yisgulaf iẓewranen, tijjenyeṛt, aseḍru n teɣsar titrisanin d wammasen n uselket gar tɣula d-yettwassutren aṭas akk deg wulzuzen uffiɣen, yernu d waya i d-yessuturen asugget n unmireg, azday n wussisen d ufareṣ seg wafuren yellan.

Ilmend n waya, yessumer-d uneɣlaf asekmem n yiwen n usenfar ublig n useḍru n teɣsar titrisanin deg tmura tifriqiyin deg ukatar n ublag amezlaɣ-amezlaɣ, yernu iger-d tiɣri i usekyed n ulfus n useɣnew n teṛmist turtikt ara yemmuzzgen ladɣa deg wulzuzen uffiɣen d usnegmu n yisenfaren igraɣlanen.

Deg tgara, yesmekti-d uneɣaf dakken “tuggla n wassaɣen idzayriyen-imaṣriyen tettgensis-d azadur i usdusu d usmal n unmireg-a akken ad yaweḍ ɣer yiswiren d unnigen yernu imellilen ugar”.

Seg yidis-nnes, yumer Mass Elsewedy s uswir n unmireg d tegrawt n Sonegaz d ugzum n teẓwert d teẓwar d-yettuɣalen, yernu yezzireg-d ɣef tmeɣsiwt n tegrawt n Elsewedy Electric d usemɣer n tɣula n unmieg d urẓam n yiglan imaynuten n ublag, ladɣa deg wayen yerzan ulzuzen iwerdaniyen d yifriqiyen, ɣef wakken tt-id-yextem ulɣu-a.

Yermes Adjal tamagla n tegrawt tamaṣrit n Elsewedy Electric