Tella-d tfugla-a deg yijifeṛ n wass n tezrawt d-yellan ɣef usduget, d tin i tessuddes tnegga-a deg ukatar n Tmesrit n Mechanica Algerie, s tihawt n unemhal amatu n teṛmisin timecṭuḥin d tlemmasin deg uɣlif n temguri, Abdelaziz Rebai, anemhal amatu n « Stellantis Algerie » i uɣraf n yimseddayen n Fiat, Raoui Badji, d unesmigal amnaḍan n Useqqamu n Usmuynet Adamsan Adzayri, Tazi Mohamed Amine.

Sfaydin-d yimesfuktiyen-a seg yiguta-a s tɣerɣert tumḍint n umesfukti, d-tcar Tnegga Tadzayrit n Usmal n Yisfuktiyen ilmend n usifses n wadaf ɣer tferka tadamsant.

Tamhelt-a terza tiṛmisin n “Hamoud Parts”, yemmuzzgen deg uɣraf d umday n yisegran, imerniyen d tsawiyin n usenfel n tkeṛṛusin (Wehṛan), « Adi-Net Or » yemmuzzgen deg yisgulaf iliktṛunanen yuɣden i usiten amguran deg Ɛin Timucent (sin n yiguta), d « Adi-Net Geolocalisation », yemmuzzgen deg uɣraf n yisgulaf yeqqnen ɣer teẓwert tafukant d tetrisant deg twilayt-a.

Deg yiwet n tesguri i tɣemsa ilmend n waya, yules iwekked-d Mass Rekkache ɣef umirew n Tnegga Tadzayrit n Usmal n Usfukti akken ad tessidew ayt bab n yisenfaren, ladɣa deg wayen yerzan tiṛmisin timecṭuḥin d tlemmasin d tgemma.

Yenna-d dakken tanegga tettmahal, s usemyuddes d wakk ineblagen, ladɣa aɣlif n temguri, aɣlif n tamda n tmussni, tigemma d temẓermisin, d wakk tisuda n uwanak, ilmend n tmerniwt n uktamur n unummed adigan d useɣnew n twennaḍt d tanaraft i yisenfaren-a, ladɣa s uzeddi n wasunen imuzzigen.

Seg yidis niḍen, deg yijifeṛ n tmesrit, sḍis n yimtawayen n ublag amguran i yettwazemlen, gar-asen semmus d tegrawt n « Stellantis », deg wakud mani wis sḍis yerza snat n teṛmisin yettmahalen deg tɣult n tsawiyin n usenfel n yimuṭuten.

Tamesrit n Mechanica Algerie: Tukci n kuẓ n yiguta n tmezrit n yimesfuktiyen