Deg wattal-aya, yessegzi-d umuzay adamsan, Houari Tigharsi deg tesguri-nnes ɣer Tnegga n Yisalan n Dzayer, belli tixxutert n usenfar-aya tettrɛedda tamlilt-nnes deg taɣult n Umesni, deg i d-yella d aferdis deg tmuɣli tameqqṛant n uɛawed n usileɣ n tkerḍa tadamsant d tlujistit n tmurt, d usegder n wassaɣen jar yigelluyen-nnes yemgerraden.

Yessegzi-d umuzay belli anẓul adzayri yesɛa tiɣbula timɣuzanin d tẓewranin, d tzemmar tikerrazanin d tmerranin tixatarin, maca asuteg n tzemmar-aya d usfayet-nsn deg uswir adamsan ad yeqqne ɣer usegfer n tḍumṣukt ɣef umesni n yimdanen d yilzaz d tnecta tameqqṛant d watigen imeẓẓyanen.

Deg ukatar-aya, yeqqra Mass Tigharsi belli izireg abruzzlan yezmer ad yili d tagidit I d-yetteqqnen timnaḍin n ufares s wammasen n usuder d ulkat d yisugan, ilmend n unummed n temnaḍin n unẓul ujar deg tdamsa taɣelnawt, akked awwas deg usemẓi n umgirred jar temnaḍin n tmurt, ɣef uselhu n unezwi n usfukti d yirmaden idamsanen.

Yerni yebder belli tixxutert tasnuddant n usenfar teqqen ɣer usegder n talqayt tafriqit n Dzayer, yerni ibeyyen belli akemmel n tuqqna deg yimal s yiẓedwa n umesni d yibriden d-yettawin ɣer yiwanaken n usaḥel yezmer ad yuc i tmurt tadusi tameqqṛant bac ad tesɛa tamlilt talujistit yetteqqnen tamnaḍat n Yilel agrakal s wul n umenẓaw afriqi.

Deg tama-nnes, iwekked umuzay deg usɣawes asnuddsan d usnegmu, Mohammed Cherif Daroui, belli asenfar yesɛa tmuɣliwin tidamsanin d tinmettiyin yemgerraden, izemren ad tessugir ɣer sdat tadamsa taɣelnawt.

Yessegzi-d belli aseḍru n yizireg-aya ad yerzem isaknen imaynuten yerni ad yessegfer axeddim, tgara n usermed n tsuda tidamsanin d termiṣin yeqqnen ɣer leqdicat imeqqṛanen, akked ibeyyen belli igmaḍ-nnes ad qqimen deffir n wadaf n yizireg-aya deg umeẓlu deg usemhez n yirmad n umesni d yimeẓla d ulujistik.

Yerni-d belli asenfar-aya ad yedhel deg ulday n tmuɣliwin tidamsanin timaynutin s usegder n tuqqna n temnaḍin tiwniriyin s temnaḍin n tmurt, ladɣa deg i d-llan timnaḍin-aya gemmun s tɣawla deg usnas n temlilt tameqqṛant bac ad ilin d isegbaren isnuddsanen deg usnegmu, deg wattal n yisenfaren imeqqṛanen imiranen deg tɣulin n teẓwert tafukant d tkerrazin tisnuddsanin d teyyiḍ.

Yerni yetthenna Mass Daroui belli aselhu s umesni abruzzlan yezmer ad yesselhu anezwi n usfukti deg temnaḍin-aya, deg usifses n umesni n yifarisen d yilzaz, akked asenqes n yixelliṣen n yimeẓla ilujistiyen, ɣef udhal n tsuda tidamsanin, akked aseɣnew n yirmad imaynuten ɣef usmuni n yizireg-aya.

Yerni yudef usenfar-aya, deg tmuɣliwin yesɛan iswi n usegdar n unummed adamsan deg uswir amenẓawan, ladɣa deg ukatar n teswast n Tefriqt 2063 d temnaḍt n tnezzut tilellit tamenẓawant tafriqit, deg i d-yella usemhez n yizeḍwa n umesni d aferdis agejdan deg usifses n umyefk d tuqqna n Dzayer s talqayt-nnes tafriqit.

Deg matta yeɛnan aḍfar n usenfar s ɣer uselway n Tegduda, Mass Abdelmadjid Tebboune, yetthenna belli aḍfar-aya yettbeyyan leɛnaya ɣef uḍman n umhaz n usenfar, d tukksa n wuguren yellan zemren ad bedden sdat-s, seg tixxutert-nnes tameṣkiwant d tesnegmant d tesnuddsant.

Yerni ibedd-d unabaḍ deg timlilit-nnes deg wass n ukras ɣef tsekkirin yemmuggen deg ukatar n usmuteg i ucuru n usenfar, ilempdn n usnasn n tannaḍin n uselway n Tegduda i d-yuca deg timlilit yineɣlafen yettwasuddsen deg 6 deg ctember 2026, yellan iwekked deg-sen ɣef wannaw asnuddsan n usenfar-aya yellan d tuzwirt taɣelnawt, yerni yesseddi ɣef usɣawel n useḍrew-nnes bac ad yebdu deg umeẓlu ɣer uneggaru n 2028.

Izireg abruzzlan Dzayer-Tamenɣest yesɛa tixxutert tameqqṛant deg udhal n ukala n usnegmu aɣelnaw