Imzikknen-a ttgensisen-d tiṛmisin yemmuzzgen deg tesmekta n kramraw n yifurka yeqqnen ɣer fuares n tnegwa d usisi n yimeẓla deg tɣula n tmeṣkiwt, imahilen inagduden d yimeẓla iẓewranen, ɣer yidis n yisfaren yeqqnen ɣer ugzum n teẓwert, ɣef wakken d-nnan yimsuddsen.

Tamesrit-a (gar 19 d 22 yennayer) tesmahay-d isfaren iwennaḍanen d yimsigren yernu d wid mani sqedcen tinegwa d yisgulaf imeswanen ilmend n tukci n tefratin d titrarin i iwatan i twennaḍt tanirant, ɣef wakken d-rnan.

Yenna-d Abdelhalim Benzianni, anemhal atwilan n teṛmist n Novachem, yettmahalen deg twilayt n Tubiret yernu temmuzzeg deg ufares n yifarisen ikruranen n tmeṣkiwt, dakken adraw-nnes deg tmesirt-a d afur akken ad yesmussen ifarisen imaynuten n teṛmist d tefratin-nnes tisfaranin d usides-nsen ɣer yimsaduren n tmeṣkiwt, am wakken d-yerna dakken aya daɣ d talemmiẓt i umsenfal n tmuzayin gar yimsaduren n ugzum.

Seg yidis-nnes, iwekked-d Omar Mokdad, agensas n teṛmist n Lucobit, yellan d ablag gar Dzayer, Lalman d Tutrict, dakken adraw-nnes deg tmesrit-a d talemmiẓt ilmend n usides n yimeẓla d tefratin titwilanin n teṛmist-a ɣer yimsaduren n yigzumen n yimahilen inagduden d tkerrazt, ladɣa deg unẓul, mani llant tlemsiwin tinezwanin d timaẓlayin.
Tamesrit-a tamsadurt tagraɣlant d tin daɣ mani ara d-ilin yimyagren d yimsemhal idamsanen, iɣelnawen d yiwerdaniyen, am wakken ara d-smahin yisdawanen, imuzayen d yimguranen ineskinen itwilanen ɣef yisenfaren n yimahilen inagduden, d yicqirrwen yellan deg unrar, asnummed n yifarisen imaynuten deg tdumṣukin n uzadur, d tmeṣkiwt tamiɣist d tunzigt deg temnaḍin tiniranin.

Asaɣed n tmeskant-a tadamsant d asuteg n unezmar adamsan n temnaḍin n unẓul, asebɣes n usfukti aɣelnaw d uwerdani, deg tdumṣukt d yisenfaren iẓewran en, ɣer yidis n usskan n yisenfaren imeqqranen d waɣad asnuddsan n uwanak deg tɣult-a.

Tamesrit-a tessuddes-itt teṛmist n “Souf-foire” n tmesriyin d temzikknin, s udhal n teṛmisin tiɣelnawin, ddaw leɛnaya n uneɣlaf n yimahilen inagduden d tdumṣukin n uzadur d uwali n Waregla.

Waregla: Arẓam n teẓrigt tis 5 n Tmesrit Tagraɣlant n Batisud