Yella-d umyager-a s tihawt n yimaslaḍen n tnarit taɣelnawt n Tdukli Tamatut n Yimsenza d Yinḍen Idzayriyen, yernu yella-d d « talemmiẓt i urẓam n uskasi d alqayan ɣef wammaken n usdusu n unmireg d usemuddes gar uɣlif d Tdukli Taɣelnawt n Yimsenza d Yinḍen Idzayriyen deg wayen yerzan timsal yemgirrden yeqqnen ɣer ugzum anezzan d udamsan, ladɣa deg wayen yerzan amesni, ilmend n wawwas deg uselhu n umeẓlu anagdud d udhal n urmud adamsan i ubaɣur n uɣerman ».

Deg umyager-a, iwekked-d Mass Sayoud dakken aɣlif “atan da akken ad yessidew yernu ad d-yefk tallalt-nnes”, yernu yezzireg-d ɣef tmeɣsiwt n ugzum-nnes akken ad yeḍkel iɣeblan n yimsaduren yernu ad imahel akken ad d-yaf tifratin d timsekranin s usemyuddes d yineblagen yemgirrden, deg ukatar n temyadast tadrawant i ubaɣur n uɣerman.

Yumel-d daɣ uneɣlaf ussisen i tga Tdukli Tamatut n Yimsenza d Yinḍen Idzayriyen deg wayen yerzan asegrer d usidew n yimsaduren deg unrar, d usmal n yidles n udiwenni d umciweṛ, yernu iwekked-d ɣef temlilt n wadas i tetturar Tdukli deg usiweḍ n yiɣeblan n yimsenza d yinḍen deg twilayin yemgirrden n tmurt, ladɣa imi Tadukli-a tesdukkel ddaw tḥacit-nnes 44 n yinmula iɣelnawen, gar-asen semmus (5) ttmahalen deg tɣult n umesni.

Seg yidis niḍen, iger-d tiɣri Mass Sayoud i usuddes n yimyagren iwalayen ilmend n uḍman n ukemmel n umciweṛ d usemyuddes ɣef yikaramen yemgirrden n tnafut tubligt d usdusu n tsemsedda n umahil adrawan, ɣef wakken d-yerna ulɣu-a.

Seg yidis-nnes, yumel-d uwnetlay amatu n Tdukli Tamatut n Yimsenza d Yinḍen Idzayriyen tadinamit d-yettilin, yernu yumer s unnerẓam n uɣlif i d-yettafken tameẓẓuɣt i yiɣeblan n yimsaduren yernu yesseḥbibir ɣef usidew-nsen, yernu aya d ayen i yettawsen deg usmal n urmud adamsan i tnafut tamatut.

Amesni: Yermes uwnetlay amatu n Tdukli Tamatut n Yimsenza d Yinḍen Idzayriyen