Aneɣlaf n tnezduɣt, aseqɛed amdinan, tamdint d useqɛed agelluyan, Mohamed Tarek Belaribi, yerẓem tamesrit s wudem unṣib, s tihawt n yimaslaḍen n unabaḍ, n uselway n Useqqamu Aɣelnaw Adamsan, Anmetti d Uwennaḍan, anemhal amatu n Tnegga Tadzayrit n Usmal n Usfukti, aneɣlaf awali n Dzayer, d yigensasen n tfekka tadiplumatit yettwawekkden deg Dzayer.

Tameskant-a tadamsant tettwassuddes seg 3 ɣer 7 mayu sɣur Teṛmist n Algeria Exhibitions, yellan d afurk n Tegrawt n SAFEX, ɣer yidis n teṛmist n « Batimatec Expo », ddaw leɛn aya n uɣlif n tnezduɣt, aseqɛed amdinan, tamdint d useqɛed n ugelluy, yernu tettgensis-d asihaṛ d aqerḍal deg ugzum n yimahilen inagduden d-iḥuzan akk ifurka n tmeṣkiwt, tinegwa n tmeṣkiwt d yimahilen inagduden.
Taẓrigt-a d tin d-yeflalin s udraw n waṭas n yimzikknen, gar-asent tiṛmisin tiɣelnawin, tinagdudin d tusligin, d teṛmisin tiwerdaniyin d-yettgensisen tasmekta n 15 n tmura, am Ccinwa, Ṭṭerk, Ṭṭelyan, Spenyul d Puṛtugal, ɣer yidis n udraw n 40 n tgemma yettmahalen deg yirmuden yemgirrden yeqqnen ɣer ugzum n tmeṣkiwt d yimahilen inagduden.

Tamesrit-a tla ahil d anesbaɣur n yisaragen yuɣden i yimsaduren d yisdawanen, yernu d wid ara d-gen yimuzayen, gar-asen ikataren n uɣlif n tnezduɣt, aseqɛed amdinan, tamdint d useqɛed n ugelluy, ɣef wakken d-nnan yimsuddsen.,

Isaragen-a ad d-ḥazen mennaw n yisgumen yeqqnen ɣer usfar d tgemma deg tɣult n tmeṣkiwt, tinegwa n tmeṣkit d yicqirrwen iwennaḍanen deg ugzum n tmeṣkiwt am yisgalen n ukaṛbun deg temguri n tnegwa n tmeṣkiwt ɣer yidis n usidrem n yisenfaren isfaranen d usnummed n usfar deg tɣult n tmeṣkiwt tunzigt.

Ssefran daɣ ad ssuddsen taẓrigt tis kraḍt n umsazwar n usfar deg tmeṣkiwt n « INNOV BAT » ilmend n usduqqes n usfar deg tetwilin n tmeṣkiwt, asebɣes n unadi n tefratin d-yemyezgen d tilawt d tesnakalt tadzayrit d udhal n yiẓwaren d tissugriwin tiɣelnawin.

Arẓam n teẓrigt tis 28 n Tmesrit Tagraɣlant n « Batimatec »