Ahil n useggas-a llan deg-s yigzumen d imedduranen n tdamsa taɣelnawt am temguri, timeṣkiwt d yimahilen inagduden, taẓwert, takerrazt, tamguri n tuččit, tadawsa, tamguri tawesfart, amesni, tamerrit, tawennaḍt d yimeẓla, ɣef wakken d-tesseddi Algeria Exhibitions, yellan d afurk n tegrawt n Safex.

Tidyanin-a ad d-ilint deg wafriwen yemgirrden n Ugemmiw n Tzikknin mani llant “tallunin n tzikkent yeddan d yisuɣnen itwilanen d yilujistanen n yimzikknen, s uzrak n tegna timsadurin yettwasnasen deg wayen yerzan asuddes n tmugrin d tmesriyin tigraɣlanin”, ɣef wakken d-yezzireg uɣbalu-a.

Gar tedyanin ara d-yilin aseggas-a, tella teẓrigt tis 57 n Tmugert Tagraɣlant n Dzayer gar 22 d 27 yunyu, Tamesrit Tagraɣlant n Tmeṣkiwt, Imahilen Inagduden d Tnegwa n Tmeṣkiwt (Batimatec) seg 3 ɣer 7 mayu, Tamesrit Tamsadurt n Temguri Tanuččit (Djazagro) gar 12 d 15 yebrir, Tamesrit Tagraɣlant n Tkerrazt, Takessawt d Temguri Tanuččit (Sipsa-Filaha) gar 18 d 21 mayu, Tamesrit Tagraɣlant tis 29 n Udlis n Dzayer (SILA) seg 28 tubeṛ ɣer 7 wamber, Tamesrit Tagraɣlant n Tmerrit d Usikel (SITEV) seg 11 ɣer 14 yunyu, Tamugert n Ufares Adzayri d Tmesrit n Tbankiwin, Asenkid d Yifarisen Idrimanen (Expo Finances) ara d-yilin i snin seg 17 ɣer 26 dujembeṛ.

Tidyanin niḍen i yuɣalen nezzɣent-d ugar n tgerrawt d “Remḍan deg Ugemmiw” seg 12 fuṛaṛ ɣer 14 meɣres, d Tmugert n Wuɣal Aɣurbiz (Lemsid) seg 17 ɣer 27 ctembeṛ.

S wahil-a anesbaɣur d umanuḍ, “Algeria Exhibitions tettales tettwekkid-d amirew-nnes akken ad tedrew adraw d urmid deg tdinamit tadamsant s urẓam n tewwurt i yimsenfalen, asidew n yimsemhal idamsanen d usmal n tugna n Dzayer s yisem-nnes d taɣerwaḍt tamnaḍant n tedyanin tidamsanin, d uḍman n tallunin n umyager ara yeǧǧen imeggiyen yemgirrden ad msebḍun timuzayin-nsen yernu ad d-gen iblagen”, ɣef wakken tt-d-yekwes ulɣu-a.

Ad yermes Ugemmiw n Tzikknin 60 n tedyanin tidamsanin deg 2026