Iwekked-d Oualid deg Ṛuma ɣef tesnuddest n Dzayer deg wayen yerzan taɣellist tanuččit

DZAYER TAMANEƔT – Iwekked-d uneɣlaf n tkerrazt, asnegmu awmazir d usulem, Yacine El Mahdi Oualid, ass n ukras deg Ṛuma, ɣef yigellusen igejdanen n tesnuddest i tesmemmi Dzayer i usdusu n tɣellist-nnes tanuččit d useḍru n unegmu unzig, ladɣa deg wasunen iwmaziren d yiniranen, yernu yella-d waya mi ydrew deg yimahilen n tɣemlilt tis 49 n Useqqamu n Yinebbaḍen n Usenduq Agraɣlan n Usnegmu Akerrazan, ɣef wakken d-yenna yiwen n ulɣu n uɣlif.