Dzayer d tamurt tis snat deg umaḍal Aɛṛab d Tefriqt deg ufares n timẓin

DZAYER TAMANEƔT – teṭṭef Dzayer amḍiq wis sin gar tmura timeqranin n ufares n temẓin deg umaḍal Aɛṛab d Tefriqt, s ufares n qrib 1,2 n yimelyunen n yiṭunen deg tsemhuyt n 2024/2025, ɣef leḥsab yiwen n umlu i d-yessuffeɣ Uɣlif Amarikani n Tkerrazt.

Teṭṭef Dzayer amḍiq wis sin deg umaḍal aɛṛab, srid deffir Lɛiraq, imi afares-nnes yewweḍ ɣer 1,4 n yimelyunen n yiṭunen deg tsemhuyt-a, ɣef leḥsab n yisefka n Umeẓlu n Tkerrazt Tuffiɣt yeqqnen ɣer Uɣlif n Tkerrazt n Marikan, i yessersen daɣ Dzayer deg umḍiq wis sin deg Tefriqt deffir n deffir Ityupya, i yessawḍen ɣer ufares n 2,48 n yimelyunen n yiṭunen deg yiwet n tsemhuyt.

Yekles ufares n temẓin deg Dzayer i tsemhuyt n 2024/2025 timerniwt s 17% s usnemhel ɣer tsemhuyt n 2023/2024, mani yerni yuli seg 1,03 n yimelyunen n yiṭunen ɣer 1,23 n yimelyunen n yiṭunen, ɣef wakken i d-yenna uɣbalu-a.

Afares anmaḍal yewweḍ azal n 143,33 n yimelyunen n yiṭunen, yernu yekles aktam (adar) ameẓyan s uktamur n 0,13% s usnemhel ɣer tsemhuyt n 2023/2024 (143,51 n yimelyunen n yiṭunen).