Deg wawal-nnes ilmend n yiwet n terzi n umahil ɣef twilayt-a, ilmend n usfugel n « Wass n Tmussni », tenna-d tneɣlaft dakken agzum-nnes « yettmahal, s usnas n wahil n uselway n tegduda, akken ad yeḍmen tasnarrayt tussnant d tkadimat deg wakk ahilen-nnes d tsertiyin , ɣef leḥsab n temyadast d tamaynut yekkaten akken ad tesmel amlazmar yersen ɣef tissugra, yernu d aya iɣef sseḥbibiren yiɣsuren n usileɣ d ulmud yemmuzzgen yeqqnen ɣer ugzum ».

« Asaɣed n waya d asiweḍ ɣer tmellilt yettwaggunin ilmend n usmal n tigawt tanmettit deg tmurt ɣef leḥsab n yimatawen d itraren yernu deg uswir n yicqirrwen inimiren ».

Mi terza ɣef wammasen asnafsanen-isensegmanen d yisuda imuzzigen deg temnaḍin yemgirrden n twilayt, am win n « El Hayet » deg tɣiwant n Geṛṛaṛa, twekked-d Massa Mouloudji ɣef tḍullit n « usenyuddu n wussisen deg waken yerzan aksab ussnan, asfar d tfazit, am wakken i yessefk ad yili uwekked ɣef wawwas ussnan, asegman d udelsan n umezruy-nneɣ yeččuṛen d iseḍra ussnanen d waggaganen deg mennaw n tmezzugin ».

Tesmekti-d tneɣlaft, seg yidis niḍen, dakken tawilayt n Tɣerdayt tesfaydi-d, deg ukatar n yisenfaren n Tnegga n Unegmu Anmetti n 2025, seg mennaw n temhal yeqqnen ɣer wahil n unegmu amezday d wahil n yimahilen n tenfa tanagdudt n tneẓẓa tameqqrant n yimahalen.

Imi sin-a n wahilen d ixataren ilmend n usduqqes n unegmu adigan, asekmem n yisenfaren imezdayen d usebɣes n yinḍen d yinesmalen imecṭuḥen, ɣetsen ad fken 20 n yisenfaren imaynuten i twilayt-a deg useggas n 2026.

Ɣef umedya, taɣiwant n Lɛaṭef tesfaydi-d seg useɣnew n tebniqt tamadust d tamaynut, ilmend n usdusu n tebniqin timadusin n temsetlelt yellan deg tɣiwanin yemgirrden n twilayt-a.

Deg terzi-a, tsagg tneɣlaft ɣef uciri n usenfar n useḍru n yiwen n wammas asnafsan-asensegman i yigerdan deg tɣiwant n Geṛṛaṛa, s ukettur n 120 n yideggen, d usidef deg umeẓlu n yiwen n wammas asnafsan-asensegman deg tɣiwant n Lɛaṭef, d win ara iremsen 115 n yibalmuden imeɛdaṛ, yernu d win ara d-yelhun s tmezzugin timguranin d twenḍiyin. Ammas-a yesfaydi-d, deg 2025, seg yiwet n temhelt n usiney.

Dima deg telmsalt-a, aɣerbaz n yigerdan iɛeẓẓugen n Metlili d wammas asnafsan-asensegman n yigerdan n Daya Benḍeḥwa, yesfaydi-d, aseggas yezrin, seg temhelt n usiney, ɣef wakken d-ssegzan.

Taneɣlaft n temsetlelt taɣelnawt tkemmel tirzi-nnes n unrar s usidef deg umeẓlu n wammas asnafsan-asensegman n tɣiwant n Zelfana, am wakken i teẓẓunẓa yiwet n tzikkent d-yellan i tiddukliwin d-yesfaydin seg wahil n unegmu amezday yettwassuddsen deg wammas asnafsan-asensegman n yimeɛdaṛ n yimer n Metlili.

Taɣerdayt: Twekked-d Mouloudhi ɣef tesnarrayt tussnant ilmend n tmellilt n tigawt n temsetlelt