Adfel d-iwten s waṭas deg twilayt n Tizi Uzzu yegla-d s umdal n ubrid aɣelaw 15 yeqqnen tiwilayin n Tubiret d Tizi Uzzu deg tizi n Tirurda (Taɣiwant n Yifeṛḥunen), d ubrid aɣelnaw 33 yeqqnen snat-a n twilayin deg Ɛessul (taɣiwant n Wayt Bumehdi).

Adfel yergel daɣ abrid aɣelnaw 30 yeqqnen tiwilayin n Tubiret d Tizi Uzzu deg Tizi n Kwilal (taɣiwant n Yibudraren), abrid n twilayt 253 yeqqnen tiwilayin n Bgayet d Tizi Uzzu deg tizi n Yicellaḍen (taɣiwant n Yillilten).

Deg twilayt n Tubiret, kelsen-d yimeẓla n temsetlelt taɣelnawt amdal n ubrid aɣelnaw yeqqnen tiwilayin n Tubiret d Tizi Uzzu deg tizi n Tirurda (taɣiwant n Uɣbalu), abrid aɣelnaw 30 yeqqnen tiwilayin n Tubiret d Tizi Uzzu deg Tizi n Kwilal (taɣiwant n Ṣṣhariǧ) d ubrid aɣelnaw 33 yeqqnen snat-a n twilayin deg Ukuker (taɣiwant n Beclul) d Tgejda (taɣiwant n Leṣnam).

Deg twilayt n Leblida, alluy n uswir n waman yemdel abrid n twilayt 110 yeqqnen tiwilayin n Leblida d Tipaza, s tseddi deg tlemmast n Ben Ḥemdani, deg tɣiwant n Benxlil.
Deg twilayt n Temsilt, yebbi ubrid n twilayt yeqqnen tiwilayin n Temsilt n Buṛǧ Buɛṛiṛiǧ deg yiɣrem n Wlad Menṣur, deg tɣiwant n Lemɛaḍid, ɣef lǧal n ukunner n udfel.

Deg twilayt n Buṛǧ Buɛṛiṛiǧ, yebbi udfel abrid n twilayt yeqqnen tiwilayin n Buṛǧ Buɛṛiṛiǧ d Sḍif, s tseddi, deg tɣiwant n Genzat, abrid n twilayt yeqqnen tiɣiwanin n Wayt Ǧeɛfeṛ d Lqulla, deg ugelluy n tɣiwant n Wayt Ǧeɛfeṛ, d ubrid n tɣiwant n tɣiwanin n Tqelɛit d Ɣilasa, s tseddi, deg ugelluy n tɣiwant n Tqelɛit.

Deg twilayt n Suq Ahṛas, abrid aɣelnaw 82 yeqqnen Suq Ahṛas ɣer Ṭṭaref isul yemdel deg tɣiwant n Wlad Dris, am wakken yemdel ubrid aɣelnaw 20 yeqqnen tiɣiwanin n Wlad Dris d Ɛin Zana.

Mennaw n yibriden i yebbin ɣef lǧal n tegnawt n diri