imadrawen-a ad msizewren deg tedyant-a, i d-yellan ddaw leɛnaya n uselway n tegduda, Abdelmadjid Tebboune, deg Wammas n Yisaragen n Mohamed Ben Ahmed. Tafugla n urẓam ad d-tili deg Usuddis Ulimpi n Miloud Hedfi, s usiggi n Uneɣlaf Amenzu, Sifi Ghrieb, s tihawt n labas n wudmawen iɣelnawen d yigraɣlanen.

Deg usarag n tɣamsa i d-yellan awra, twekked-d tneɣlaft n ussileɣ d ulmud amsadur, Nassima Erhab, dakken tadyant-a i d-yellan arma d 21 wember, d « aḥric agejdan deg usegder n unagraw n tmussniwin deg Dzayer yernu d asurif asnuddsan deg ukatar n tmuɣli taɣelnawt i yesɛan iswi n usegder n tzemmar, d udhal n yilemẓiyen d umtawa jar usileɣ d yiswan n tdamsa d usuteg n yisaduren itwilanen d yimsaduren.

Yerni tetthenna tneɣlaft blelli Ulimpyad-aya yexḍa d tayaka uberk, netta d asurif asnuddsan ɣer tmeṣkiwt n tesuta izemren ɣef usnulfu d tyaka deg ulẓuẓ n umahil, ɣef way-a akala-aya ad yili d tagidit igedren ɣef usnegmu n Tdamsa taɣelnawt d tikli ɣer yisaduren n yimal.

Ugar n 8.000 n yilemẓiyen d telmeẓyin seg 58 n twilayin i d-iderwen deg temsizewrin tidiganin d temnaḍin, yernu ttgensisen-d tiɣbula d yinurar imsaduren yemgerraden.

Imsizewren-aya ad msizewren deg yiḥricen isdawan yeqqnen ɣer tesnatwilin n tmeṣkiwt d yimahilen inagduden, tisnatwilin n usselɣu d teɣwalt, imeẓla, tiẓuriwin d tmucuha n usnulfu, d umesni d tlujistikt.

Timsizzlin titwilanin deg ukk tuzzigin seg wass n usinas deg Wammas n Yisaragen "Mohamed Ben Ahmed", ddwi leɛnaya n yiwet n tesmilt n unezraf aydeg llan yiselmaden d yimsaduren n ugzum n ussileɣ amsadur d usselmed, igensasen n ugzum adamsan, d yimuzzayen deg taɣult-aya. Tasmilt-a tesɛa tawuri n uktazel n yisenfaren i d-ssumren yimsizewren.

Tadyant-aya ad temmir s usmahi n tzalɣiwin I yya I d-irebḥen deg ugaran-aya, akked tizalɣiwin n I ayet bab n yisnulfa d termiṣin n usileɣ d termiṣin tidamsanin yugiren tgara n yilemẓiyen-aya.

Wehran ad tessuddes Ulimpiyad n yisaduren 2025