Tamyaqqant n ublag gar Teṛmist Taɣelnawt n Temguriwin Tiliktṛunanin d Tnegga n Yinebrusen

SIDI BELƐEBBAS – Tezmel Teṛmist Taɣelnawt n Temguriwin Tiliktṛunanin (ENIE) n Sidi Belɛebbas, tamyaqqant n ublag d Tnegga Taɣelnawt n Yinebrusen, ilmend n usdusu n unmireg gar sin-a n wudusen deg tɣula n usefrek d usuteg n yinebrusen, yernu d aya ara yawsen asmal n yimenzayen n tdamsa tawinsant d umesten n twennaḍt, ɣef wakken d-yenna uselway-anemhal amatu n teṛmist-a, Abdesselam Bouab.