Yessegzi-d uɣbalu belli timlilit-aya i d-yeḍran deg wass n uynas s tihawt n yikataren seg tedbelt tammasant, yemmug ɣef uskasi ɣef tmuɣliwin n unmireg jar Dzayer d Wammas afriqi n uɣnas mgal waḍanen d umesten seg-sen, d tarrayn n usegder n ublag deg tɣulin n uɣnas seg waḍanen, tiririt i tutribin tidawsanin, asegder n tɣellist tadawsant, tgara n usileɣ d umesni n tirmitin, ilmend n umeẓlu n yiswan n tnaya tadawsan deg uswir n umenẓaw afriqi.

Deg wattal-aya, yessnemmer Mass Kaseya azal n Dzayer deg uswir afriqi n taɣult tadawsant, d yiseḍra-nnes i tt-yuɛan d amedya n udhal n tuddsiwin tidawsanin d usegder n tɣellist tadawsant deg umenẓaw, yerni yessumer twuriwin n wamas afriqi d tmuɣli-nnes yesɛan iswi n tmeṣkiwt n yinagrawen idawsanen ifriqiyen izemren ad mestnen seg waḍanen, yerni ad ucen tiririt i tutribin tidawsanin.

Seg way-a, iwekked ɣef tixxutert n usfayet seg tirmitin tidzayriyin deg wahilen n Wammas afriqi, yerni yessenfali ɣef taflest-nnes deg tezmert n Dzayer ad tkemmel deg tmellilt-nnes tameqqṛant deg umeẓlu n umenẓaw d usegder n unmireg afriqi deg tɣulin tidawsanin.

Deg tama-nnes, ammek I d-yeber ulɣu, ibeyyen Mass Ait Messaoudene, ismeskal imeqqranen yellan deg ugzum, ɣef usnas n tannaḍin n uselway n Tegduda, Mass Abdelmadjid Tebboune, d usegder n tnaya tadawsant taɣelnawt, d usegder n wazal n Dzayer d asfaylu agelluyan d ufriqi deg taɣult tadawsant.

Yebder uneɣlaf belli Dzayer, yesɛan takdit tameqqrant I umezruy-nnes, d umirew-nnes afriqi d umdanan, tettkemmal deg usmuni n yiwanaken awmaten d ubeṭṭu n tirmitin, ilmend n tmuɣli, yellan yettwekkid fella-s uselway n Tegduda deg yal tikkelt, ibedden ɣef usegder n timsetlelt tafriqit d umeẓlu n yiɣerfen n umenẓaw.

Deg uneggaru n timlilit-aya, ulsen yidisen amirew -nsen s usegder n unmireg jar Dzayer d Wammas afriqi n uɣnas n waḍanen d umesten seg-sen, d usgeɛmer n tɣulin n ublag ɣef udhal n tɣellist tadawsant deg umenẓaw, asegder n tzemmar-nnes deg umesten seg waḍanen, tirirt i tutribin tidawsanin, asemhez n ufares adigan n yiwesfaren, ilmend n ulɣu.

Aneɣlaf n Tdawsa yermes anemhal amatu n Wammas afriqi n uɣnas mgal waḍanen d umesten seg-sen