Deg ukatar n « usdusu n wassaɣen n unmireg asindisan deg tɣult n tdawsa », yella-d umyager-a d talemmiẓt i wallus n uwekked ɣef « telqayt n wassaɣen igmatanen d yimezruyanen yellan gar Dzayer d Čad d tmeɣsiwt tubligt n usdusu n unmireg asindisan d usihrew n yiglan, ladɣa deg ugzum n tdawsa, ilmend n usedwet n wuggumen n sin-a n yiɣerfan aytmaten d uqabel n yicqirrwen idawsanen inimiren », ɣef wakken d-yenna uɣbalu-a.

Ilmend n waya, ssawlen sin-a n yidisan ɣef “waddad n unagraw n tdawsa deg snat-a n tmura, msenfalen timuɣliwin ɣef yibriden d wammaken n uselhu d usdusu n tmellilt-nnes », am wakken i skeyden tisemsedda n mamek ara tessidew Dzayer anagraw adawsan n Tegduda n Čad, ladɣa deg wayen yerzan aḥezzeb d umennuɣ mgal waṭṭanen ineṭṭḍen d usenger-nsen, deg ukatar n tdinamit d-yesskanayen iziɣer n temsetlelt d unmireg amellil gar snat-a n tmura ».

Ssawlent daɣ snat-a n tmura ɣef « yibriden d wammaken n uzeddi n ublag d amsekran s uzmal n umtawa n unmireg ara d-iḥazen mennaw n yigellusen uzwiranen, gar-asen amsenfal n tmuzayin d termitin deg snat n tɣula n uḥezzeb d uḍkal n waṭṭanen ineṭṭḍen d wid ur ineṭṭḍen, asdusu n yinagrawen n usefqed asenbayyuran, asnegmu n tissugriwin n yimahalen n tdawsa deg tɣult tasnajyant, tagfusant d tdisnajyant, d usefrek asegnafan d udeblan ».

Ilmend n waya, msegzan sin-a n yidisan ɣef “tixxutert n usdusu n temhelt n usiknew d tesnajya tanemgagt gar yiɣsuren d temṣukin tidawsanin n snat-a n tmura, asebɣes n umsenfal n terza d tmuzayin d udhal n tmeskar yelhan deg uḍman n uḍkal adawsan, yernu d aya ara yesselhun taɣara n yimeẓla yernu ad yesmel aḍkal n yimuḍinen deg Tegduda n Čad, tamurt taweltmat ».

Deg tgara n umyager-a, ulsen wekkden-d sin-a n yidisan ɣef umirew-nsen i “usekmem n wayen iɣef msegzan deg unrar, s wahilen ubligen n tigawt d yisenfaren ikmamen ara yesdusen anmireg asindisan d usali n uswir n ublag asnuddsan unzig deg tɣult n tdawsa, d win yersen ɣef unmireg amyaɣ, tanafut tubligt d wazalen n temsetlelt d tegmat ibelgen sin-a n yiɣerfan aytmaten ».

Yermes Mass Ait Messaoudene tuta-nnes ačadi