Taḍra tafugla n uciri n temhelt-aya yellan tudef deg ukatar n unmireg jar Dzayer d Nijir deg taɣult n Tnazent, s tihawt n labas n yimasayen d yigensasen n tsuda ɣef terza temsalt seg yiwanaken-aya.

Yus-d usenfar-aya deg wattal n usegder n unmireg asidisan d usemhez n tḍumṣukt n teɣwalt d tuqna tumḍint jar Dzayer d Nijir, s matta ad idehlen asgeɛmer n tzeḍwa n teɣwalt d usegder n n umyefk deg tɣulin n teɣwalt.

yisireg asegdan-aya yetteqqne jar Temdint n In Gezzam n Dzayer d temnaḍt n Arlit-Agadez n Nijer, deg i temmug s tarrayt tamaynut n umesni seg i tudef deg umeẓlu, s uktamur n 100 GB, ilmend n usifses n usiweḍ n tnefka jar yiwanaken ilmend n yiḥwajiyen n teɣwalt d umyefk umḍin.

Yessegzi-d Mass Zerrouki belli afran n temdin n Asamaka iqerben seg temdint n In Gezzam ɣef usuddes n tsennit-aya tasnuddsant yesɛa azamul axatar, deg i d-yella usenfar-aya yudef deg ukatar n Tseqqimt n tuqqna n yisireg asegdan azgerniran yeɛnan sḍis n yiwanaken ifriqiyen yellan : Dzayer, Mali, Nijir, Muriṭanya, Nijirya d Ččad.

Ibeyyen uneɣlaf deg wattal-aya belli asenfar-aya d asurifa axatar deg taɣult n usegder n tuqqna tumḍint d udhal n tdamsa tumḍint deg temnaḍt n Usaḥel, ladɣa deg uselhu n wassaɣen n yizeḍwa n teɣwlat jar yiwanaken ineblagen d usefses n umussu n tnefka d tmussniwin.

Yerni yessenfali uneɣlaf ɣef usirem-nnesbac ad yili usenfar-aya d aksan ameṣkiwan n udhal n tuqqna tumḍint jar yiwanaken ineblagen, yerni yessnemmer tuta-nnes anijiri ɣer urmas yelhan, akked ikataren d teɣlamin titwilanin yeqqnen ɣer termiṣin n Dzayer d Nijirya ɣef uwwas-nnes deg useḍrew n usenfar-aya asnuddsan.

Teḍra tafugla n uciri s tihawt n unmazul n Dzayer ɣer Nijir, d unesmir n Aɣadiz tgara n labas n yikataren d yimasayen n yiwanaken sg sen-aya n yiwanaken.

Aciri n wammad n yisireg asegdan azgerniran jar Dzayer d Nijir