Deg wayen yerzan asiggez ɣer uɣerbaz asmutgan, yerzan igerdan d-ilulen gar 1u n yennayer d 31 dujembeṛ 2021, imarawen zemren ad fernen gar yiwen d semmus n yiɣerbazen imenza i ilan tineɣriyin tismutganin niɣ yiwen n uɣsur deg wayen yerzan wid yeɣsen ad ssiggzen arraw-nsen deg uɣerbaz uslig, ɣef wakken d-yesseddi ulɣu-a.

Deg wayen yerzan asiggez asurfan deg useggas amezwaru n uswir amenzu, yerzan igerdan d-ilulen gar 1u n yennayer d 31 meɣres 2021, imarawen zemren ad fernen yiwen kan n uɣerbaz amenzu gar wid i ilan ideggen isensegmanen, ɣef wakken d-yerna uɣbalu-a.

« Isiggzen isurfanen deg useggas amezwaru n uswir amenzu ad d-ilin ɣef leḥsab n yideggen yellan, yernu amḍan n yibalmuden deg tegrawt tasensegmant ur yessefk ara ad yekk i 34 », ɣef wakken d-yessegza uɣlif, d-yesseddin dakken « mer ur yettili ara udeg asensegman, agrud ad yettwassiggez wurmani deg tneɣrit tasmutgant deg yiwen seg yiɣerbazen ara fernen yimarawen-nnes ».

Imarawen zemren ad sfeqden igmaḍ n yisutren-nsen n usiggez seg wass n ukwas 1 tubeṛ, s yimiḍanen-nsen udmawanen deg tallunt-nsen deg tɣerɣert.

Umuɣen n yibalmuden yettwaqeblen ad d-rsen daɣ deg yiɣerbazen imenza i terza temsalt d yiɣsuren usligen n usegmi d ulmud.

Igerdan yettwaqeblen deg tneɣriyin tismutganin niɣ deg useggas amezwaru n uswir amenzu, ad bdun tizrawin deg yiɣerbazen-nsen seg wass n usamas 4 tubeṛ, ɣef wakken d-yesseɣmes uɣlif, yernu yezzireg-d dakken asiggez n yal agrud deg useggas amezwaru ad yettwasemmet mer agrud-a ur d-yettas ara ad yezrew ayyur deffir usulleɣ n yigmaḍ. Agrud-a ad yawi adeg-nnes ugrud yersen deffir-s deg wumuɣ.

Deg ulɣu-nnes, yeccaɣli-d uɣlif dakken s kra n usiggez deg tneɣriyin tismutganin niɣ aseggas amezwaru n uswir amenzu ara d-yilin beṛṛa i tɣerɣert n ugzum ad tettwaḥseb ur teṣliḥ ara.

Asiggez ɣer uɣerbaz asmutgan d useggas amezwaru n uswir amenzu seg 13 ɣer 24 ctembeṛ