Ad yeḍmen uɣlif n tillumẓa “aḍfar n tumant-a tasnallunant s usgedwi n yiqusisen n tesnallunt yeqqnen ɣer yiɣsuren n tillumẓa, d tiddukliwin yemmuzzgen yellan d tineblagin n ugzum, yernu ad d-yili waya deg mennaw n tenqiḍin n wannay deg twilayin yemgirrden n tmurt ».

Tella-d tsentayt-a deg ukatar n « tesnuddest n uɣlif ilmend n usebɣes d usnegmu n yirmuden ussnanen deg yiɣsuren n tillumẓa, deg ukatar n wahil n 'Tinnuzɣa n uɣsur’, ilmend n usdusu n unnerẓam n yiɣsuren n tillumẓa ɣef tussniwin d tmussniwin d urẓam n tewwurt i yilemẓiyen d yigerdan ɣef tallunin n tɣara ara ten-yeǧǧen ad derwen deg yirmuden ussnanen yernu ad ssnen yernu ad ḍefren tumanin tisnallunanin deg ukatar d udwis yernu d uɣlis ».
Deg ukatar-a, « ad d-tesfaydi temdint n Tnes seg wahil alemmas d ugejdan n wannay yerzan ilemẓiyen d yimaslaḍen n yiqusisen n tesnallunt n yiɣsuren n tillumẓa, am wakken ara d-iḥaz wahil-a taftist n Yijdi n Wureɣ, deg Zzradla (Dzayer Tamaneɣt), mani aktamur n udrag n yiwnes afukan ad yaweḍ ɣer tesmekta n 97% ».

Deg ukatar n wahil-a aɣelnaw, “ad ilint tenqiḍin n wannay d usegrer ussnan daɣ deg mennaw n twilayin n tmurt, s udraw n yiqusisen d tiddukliwin n tesnallunt d tillumẓa yellan d tineblagin n ugzum, yernu d aya ara yefken afur i yigerdan d yilemẓiyen akken ad ḍefren tadyant-a tasnallunant yernu ad ssnen idisan-nnes ussnanen, yernu ad d-yili waya deg yiswaɣ mani ara teddukkel tmussni, tagrut d umzel ».

Ilmend n uḍman n « wannay d uɣlis n tumant-a, ad yesseḥbiber yiwen n uẓeḍwu n yiɣsuren n tillumẓa akken ad yeḍmen asegrer d amuzzig d wammaken yessefken i uḍfar n umihaɣ s tukci n waɣaden d yisemtar ussnanen yessefken », d uḥettet ɣef « tḍullit n useqdec n wammaken iwatanen n umesten n tiṭṭawin ilmend n usinef i umeɣzan i izemren ad d-yekk seg wannay usrid n tfukt ».

Ammaken n wannay n tumant-a deg temnaḍin yemgirrden n ugelluy aɣelnaw ad tent-id-kecfen deg yisragen d-itteddun, ɣef wakken tt-id-yextem ulɣu-a.

Aɣlif n tillumẓa: Asuddes n temhelt taɣelnawt tameqqrant akk n wannay n umihaɣ afukan