Iger-d tiɣri uɣlif i wid i terza temsalt akken ad zerken aɣtas-a aɣedman yernu ad mahlen ɣef leḥsab n wakaten-nnes ilmend n uḍman n ukemmel n umuzel amagnu n yiɣsuren inagduden n tdawsa.

“S uzrak n tsunḍa tutribt d-tessuffeɣ tnefut tadeblant n Leblida s wuṭṭun 01182/26, d tsemselt taslekmant uṭṭun 216/26, yernu tettwazen i unmalu i terza temsalt s usnazel, aɣlif n tdawsa yesseɣmas-d dakken yettwanṭeq-d uɣtas anagdud yernu d ihawan i usuneḍ n usigel n usunded d-yettwassulɣen sɣur Unmalu Aɣelnaw Afulman n Yinallalen n Usduzu d Usduy n Tdawsa Tanagdudt, yessefran ad yessuddes asunded aɣelnaw ussan n 2 d 3 yunyu 2026”, ɣef wakken d-yenna ulɣu-a.

Iger-d tiɣri uɣlif n tdawsa i wakk inallalen isnajyanen n usdusu d usduy akken “ad zerken aɣtas-a aɣedman yernu mahlen ɣef leḥsab n wakaten-nnes akken ad ḍemnen akemmel n umuzel amagnu n yiɣsuren inagduden n tdawsa, ilmend n uḥraz n tnafut tamatut d uḍman n uḍkam awakkay n yimuḍinen”, ɣef wakken d-yenna uɣbalu-a.

Yesmekti-d daɣ uɣlif dakken “tettwassuddes tɣimit n usemsuɣal ass n 24 mayu 2026 deg ukatar n wussisen d-yettilin ilmend n usmuken n yiɣeblan imsaduren d-yettwabedren”, yernu yezzireg-d dakken “tiregwa n udiwenni d umciweṛ ad qqiment reẓment i yineblagen inmettiyen deg unezwu n umyezrak, s uzrak n wakaten usḍifen d yiglugnanen yettwasnasen, ilmend n uḍman n umesten n yizerfan n yimahalen d ukemmel n umeẓlu anagdud n tdawsa”.

Yules iwekked-d uɣlif “amirew-nnes akken ad ikemmel adiwenni ameṣkiwan d umciweṛ amasay s yisem-nsen d tasemseddut tareslant i usmuken n temsal tinmettiyin-timsadurin yemgirrden ilmend n tnafut tamatut d uḍman n ukemmel n yimeẓla n tdawsa i yiɣermanen deg tegnatin timuyafin”, ɣef wakken tt-id-yextem uɣbalu-a.

Asunded n yinallalen isnajyanen n usduzu d usduy: Tasunḍa i usigel-nnes