Yesseddi-d uɣbalu-a dakken tirzi-a, d-yellan ass n usinas, tella-d ɣef lǧal n tixxutert tasnuddsant i tla tlessist tadeblant n Berraqi « ɣef lǧal n tneẓẓa taskenɣerfant tameqqrant yellan deg-s, tagnit-nnes taseknakalant d tjumma-nnes tameqqrant, yernu ttilin-d deg-s yisenfaren d ixataren hullan ».

Ilmend n waya, ibedd Mass Rabehi deg tsawart n useqɛed n wadaf n tɣiwant n Berraqi yessawaḍen ɣer tlemmast n temdint d tɣiwant n Sidi Musa, deg ubrid n twilayt uṭṭun 14, yernu tin d tama mani d-sseḍrayen tallunin tizegzawin. Agellus-a llan deg-s yisenfaren d ixataren am teɣsert n umiṭru n Umeɣrus Mohamed Belarbi, ineɣmer n wannagen d teɣsert n yiṭaksiyen.
Yesweḍ daɣ « addad n twaẓit n usenfar n Ugemmiw n Yidles d Yimezlan yeṭṭfen tajumma n 10 n yiqeṭṭaren, yernu d win d-yellan deg ukatar n unmireg agraɣlan gar Dzayer d Tegduda Taɣerfant n Ccinwa, d win mani ara tili tzeqqa n tegsarut, amezgun, kraḍt n tnerdab, inurar imadusen, takrict d uzebriz n yilemẓiyen ».

Ilmend n uḍkal n yigmamen izdaɣanen, ibedd Mass Rabehi deg ugmam n Benṭelḥa, yiwen seg yigmamen imeqqranen akk s tneẓẓa i yekkan i 32.000 n yimezdaɣen, yernu iwala-d din addad n twaẓit n usuddis addalan n ugmam-a, am wakken i yessefqed isenfaren n useqɛed n twennaḍt n yigmamen, am usmuynet n yiẓeḍwan yemgirrden n yigmamen n « Ben Youb », 360 n Tnezduɣin n Umeɣrus Dekkani Boualem, 700 n Tnezduɣin n Umeɣrus Rahmouni Ahmed, « Mettijet » d Ugmam n Ugenses Saad deg tɣiwant n Sidi Musa d uɣaram n Umeɣrus Hassane Khouali deg tɣiwant n Kalitus.

Tirzi-a d tin daɣ mani i ibedd uneɣlaf deg usenfar n uzegret n ubrid n twilayt uṭṭun 14 deg tɣiwant n Sidi Musa deg umeccaq n tesmekta n 4 n yikilumitren, d useqɛed n ugellus-a deg uḥric-nnes yeqqnen agmam n Bucagur ɣer Benṭelḥa (deg tɣiwant n Berraqi) s tizzegret n 1,5 d akilumitren, d ubrid n Meṛmla yessawaḍen ɣer uɣaram n Djilali, am wakken i isagg ɣef uciri n yimahilen n yisenfaren d-yettilin ilmend n useqɛed awennaḍan gar yigellusen yemgirrden n temdint n Berraqi, ladɣa aseqɛed n ubrid yeqqnen ibriden n twilayt 14 d 115 s tizzegret n yiwen n ukilumitren, d useqɛed n ubrid awmazir uṭṭun 2 yeqqnen abrid n twilayt ɣer ugam n Ben Ghazi d ugmam n Merǧa 2.

Yesweḍ daɣ mennaw n yisenfaren deg ugmam n Ccṛaṛba, mani i llant 22 n tegrummiwin tizdaɣanin s uɣrud n 70.000 n yimezdaɣen. Agmam-a yesfaydi-d seg usenfar n unarir s tṣeddarin, yernu ssagzen daɣ asenfar n tzeqqa takaddalt d usenfar n useqɛed uffiɣ d useɣnew n tallunin tizegzawin i ubaɣur n ugmam-a.

Dima deg ukatar n terzi-a, « yettwasweḍ yiwen n waṣuk, i llan naqal tteddun ad t-rren d ammas adelsan, maca imir-a, ssefrayen ad t-slekten d tamṣukt tadeblant, yernu d win mani ara tili tnazent, tinariyin n tliɣwalt d tewsi, deg ukatar n usides n tedbelt ɣer uɣerman ».

Zzirgen-d, ilmend n waya, ɣef “usdusu n tɣiwant n Kalitus s yinariren ara izerken tigna ilmend n usuddes n tyakiwin tunṣibin, am unarir n Umeɣrus Mouloud Zerrouki, anarir n ugmam n Tegduda, d unarir n ugmam n Dalia Tamaynut. Ad d-nger tamawt dakken taɣiwant-a tla yakan 9 n tzeɣwa n waddal, kra seg-sent ttwaremsent, deg wakud mani tiyaḍ sulent ttwasseḍrayent-d niɣ atenti deg takkayt n tsekkirin tideblanin akken ad ttwareẓment.

Deg takkayt taneggarut n terzi-a, ibedd Mass Rabehi deg ubrid awmazir uṭṭun 6 n tɣiwant n Kalitus mani ara d-ilin yimahilen n usihrew yernu ad d-sseḍrun inezzi deg tegsara n ugmam n Lamir Ɛebdelqader, deg ukatar n usenqes n udafas abridan d usifses n wadaf ɣer Ccṛaṛba, ɣef wakken d-yenna uɣbalu-a.

Yesweḍ Rabehi addad n twaẓit n yisenfaren n usnegmu n tlessist tadeblant n Berraqi