Deg Qsenṭina, yerza uwali, Abdelkhalek Sayouda, ɣer yidis n yigensasen n twacult tagrawlant d tmetti taɣarimt, ɣef usemḍel n yimeɣrusen n Ukilumitren Wis Sa, mani i ssulin takbabt taɣelnawt, ssukken-d imseɣret aɣelnaw, ssersen tadla n tjeǧǧigin sdat tmenzit n umekti yernu ɣran-d Tarẓamt i usiweḍ n tmella i yimeɣrusen.

Deg Txencelt, yesselwi uwali Salim Harizi, deg usadus akaddal, tafugla n tejmilt i teɣlamin i izelɣen deg tberza taddalant tagtegzumant yettwassuddsen deg Remḍan yernu yesselwi, deg tzeqqa tagetwurant n Wlad Ṛeccac, tafugla n uxtam n umsazwar wis 7 n « El Wahyayn » n uskatu n Uqran Uqdis.

Deg Ɛennaba, ssadfen deg umeẓlu anarir anɣiwan n Boumaiza Younes deg tɣiwant n Sidi Ɛemmaṛ, deffir am ssanyen-t yernu ssan-as tuga tasemlilant.

Deg Tbatent, ssuddsen deg tɣiwant n Tkeslant irmuden n tejmilt i yesselwi uwali, Riadh Benahmed, s tihawt n yimjahden d yiɣermanen d usemḍel n yimeɣrusen n yifɣel n Wlad Ḥemmud mani i ssersen tadla n tjeǧǧigin yernu ɣran-d Tarẓamt n Uqran Uqdis i usiweḍ n tmella i yimeɣrusen. Tha tmagla-a deg yiwen n usarag amezruyan yettwassuddsen deg tesnawit n Amar Chehili yernu tessaweḍ tamella i yimeɣrusen deg tmenzit n usmekti i d-gan d tajmilt i teɣtas n tdalust n yifri n Ɣar Ucṭuḥ d-yellan ussan n 21, 22 d 23 meɣres 1959 tama n yiɣrem n Terciwin, mani nɣan 118 n yiɣarimen irumrigen.

Ma deg twilayt n Ṭṭaref, ulsen ssadfen deg umeẓlu tazeqqa n usemgel n tdigent n Gergur, deg yiɣefdeg n twilayt, deffir ma ssanyen-tt s tjellabt tadrimant n 11 n yimelyunen n yidinaṛen.

Sakkin, sselwin yiduba inagduden asidef deg umeẓlu, deg uɣsur anagdud asegnafan n El Hadi Bendjedid, n snat n tyunin n tsengadt d tegfust n ushuski d tmerɣiwin, sakkin sselwin tafugla n usedger n yimseddayen d yikamyunen deg yifergan n tɣiwant n Cceṭṭ, Ben Mhidi d Buḥǧaṛ.

Caren-d, deg Temsilt, asenfar n usiney n yimsegraw igejdanen n usedwes deg uɣaram n Sonitex, deg yiɣefdeg n twilayt, am wakken i ẓẓunẓan asenfar n usdusu n ubrid aɣelnaw 45, deg uḥric n 9,5 n yikilumitren gar tɣiwanin n Cellal d Temsilt.

Sselwin yiduba n twilayt n Sḍif, ɣer yidis n twacult tagrawlant d yimeggiyen n tmetti taɣarimt, yiwet n tfugla n ulsemḍal n umeɣrus Amr Amroun deg usemḍel n yimeɣrusen n tɣiwant n Ɛemmuca d usidef deg umeẓlu n usenfar n tuqqna n tegriwt tawmazirt n Takuka, deg tɣiwant n Ɛin Ɛebbasa.

Deg twilayt n Skikda, yesselwi uwali Said Akhrouf, ɣer yidis n yiduba idiganen, tafugla n usemmi n yiwen n uzeglal s yisem n « 20 Ɣuct 1955 », sakkin yerza ɣef tzikkent tamezruyant i yessuddes usalay amnaḍan n Ali Kafi deg tzeqqa takaddalt d tzikkent niḍen i gan ɣef yifarisen ineẓgiyen.

Yessers uwali n Suq Ahṛas, Abdelkrim Ziani, ilmend n tlemmiẓt-a, adɣaɣ amezwaru n usenfar n tnerdebt tamadust deg tɣiwant n Mṛahna, am wakken i d-caren taselfawt n tuẓut n 1000 n tsekla rrif n ubrid aɣelnaw 81.

Deg Mila, asfugel n tmeɣra-a d win mani ssadfen deg umeẓlu asenfar n tuqqna n yifɣel n Mellal ɣer wurrig agaman deg tɣiwant n Ɛmira Aras, mani i rran daɣ tajmilt i yimaslaḍen n twacult tagrawlant d yibalmuden imaklalen deffir tfugla n usiweḍ n tmella d-yellan deg usemḍel n yimeɣrusen, am wakken i ssuddsen irmuden d tzikknin ilmend n waya.

Amulli wis 64 n Tmeɣra n Trennawt: Asidef n yisgulaf inagduden deg umeẓlu deg twilayin n ugmuḍ