Tasawart-a teba-d deg yulyu n 2014, yernu d tin yerzan aṣeggem d alqayan n waṣuk-a yellan d azamulan, d win yettweṣken deg 1912 yernu d win ttwalin d aseddag asegdan d umerran aqerḍal deg « Temdint n Tleggiyin Yuglen », ɣef wakken d-yenna Mass Bachir Belouahem, amasgad anemciweṛ ɣer Teṛmist n Usfukti Asensan yellan d myal n wawir.

Imahilen rzan ladɣa asuggel n temṣukt d usuteg n wudem-nnes amezruyan, am wakken d-ssezgan asensu-a ɣef leḥsab n yisuɣnen imiranen deg wayen yerzan taɣellist d unures, ɣef wakken d-yezzireg uɣbalu-a.

Yerna-d dakken sqedcen ammaken itwilanen d itraren yernu d iwatanen i uḍman n tuggla n waṣuk-a, gar-asen tamṣukt tamɣuzant d yisireg n ukaṛbun ara yesdusen tamṣukt-a s yimek d unzig, yernu d aya ara yeǧǧen asensu-a ad yuɣal d anezbay hullan, am wakken ara yeḥrez udem-nnes asegdan.

Asezgi n usensu-a ɣer tegna yella-d daɣ ɣer yidis n usuteg n tmeẓri tanaymurit n tdumṣukt-nnes, yernu d aya i yettaǧǧan Asensu n Sirta ad ili udem d ayiwnan, ɣef wakken d-yerna uɣbalu-a.

Asensu-a yettwasmun deg taggayt n “Usensu Agemmiw”, yernu d win yesdukklen tasrifa tagemmant d tegna tisensanin n uswir unnig yernu asefrek-nnes yettwassedwa i Teṛmist n Usfukti Asensan, ɣef wakken d-iwekked uselway-anemhal amatu n teṛmist-a, Moulay Larbi, i ihan deg tfugla n uẓunẓu-nnes ɣer yidis n yiduba idiganen.

Aselway-anemhal amatu n Teṛmist n Usfukti Asensan iwekked-d ɣef tusurt n temhelt-a d-yellan deg ukatar n tsertit n uwanak deg wayen yerzan asetrer n yisensa deg tmurt, yernu yenna-d dakken Asebsy n Sirta yerẓem tasmekta n 70 n yinsaten n umahil, yernu amḍan-a ad yernu akken ad yaweḍ ɣer tesmekta n tmiḍi.

Seg yidis niḍen, llan-d yisemɣar d imeqqranen deg usensu-a (ineɣmar, tinerdebt d yisaguren itwilanen), yernu d aya i yesmeɣren tajumma n usensu-a seg 1.750 n yimitren imkuẓen (m2) ɣer 8.000 n yimitren imkuẓen, ɣef leḥsab n telɣa d-yettunefken din.

Asenfar n uṣeggem n Usensu n Sirta, i yuɣalen ila 54 n teswitin, yernu aya yessuter-d asfukti n 7 n yimelyaṛen n yidinaṛen, ɣef wakken d-nnan.

S uẓunẓu-a, tuɣal Qsenṭina tla aɣsur asensan amaynu n ulameɣ, d win ara yuraren tamlilt d tanumast deg usmal n tmerrit, tigemmi d tugna n temdint-a, ama deg uswir aɣelnaw, ama deg uswir agraɣlan.

Qsenṭina: Allus n urẓam n Usensu n Sirta deffir ma tella-d temhelt d tameqqrant n usiney-nnes