Deg tazwara n yidewenniyen-a, Massa Boufedeche tbeggen-d « talqayt n wassaɣen n tammidwa d unmireg yellan jar Dzayer d Legrig », am wakken i d-tumel aswir ifazen yellan deg wassaɣen isindisanen, ladɣa deg tafat n « yigmaḍ umnigen d-yekkan seg imciwṛen isertiyen jar snat-a n tmura, am wakken d tuffɣiwin n Useqqamu n Unmireg Ublig yellan zemrent ad ilint d tiɣerɣert tadusant i usdusu n unmireg asindisan d usihrew n yiglan-nsen », ɣef wakken i d-yessegza ulɣu-a.

Deg ukatar-a, twekked-d ɣef tixutert n ukemmel n umahil i « ussemɣer n tɣula n ublag tadamsant jar Dzayer d Legrig, s waya, ad ttwasqedcent tzemmar yellan deg snat-a n tmura yernu ad reẓmen iglan itraren i yimsemhalen idamsanen, s matta ara ad imahlen i tnufa tubligin ».

ttwekked-d daɣ ɣef tixitert n usseǧhed n unmireg deg tallunt n tagrakalt, ɣer tmuɣli n wassaɣen imezruyanen d taseknakalt i yeqqnen iɣerfan n temnaḍt, am wakken i d-tenna dakken « yessefk ad yettwasseǧhed ussemyuddes d usenfel n termitin deg temsal i yesɛan anekni ublig, s matta ad yettekkin deg ushal n urkad d usnegmu d ussebɣes n umyadas jar n tmura d yiɣerfan n Yilel Agrakal ».

Deg wayen yerzan anmireg awamni, Massa Boufedeche tebder-d azal n « usmal n tdiplumasit tawamnit jar Dzayer d Legrig, ladɣa deffir n usdabu n Tegrawt n timmidwa tawamnit Tadzayrit-Tagrigit, d akatar asudan ara yesseǧehden taɣwalt talugant jar iwamnieyn (imazanen), d utekki deg uẓẓu n wassaɣen jar snat n tsuda tisiḍfanin ».

Seg yidis-is, aɣella n umni agrigi iwekked-d ɣef tixutert n ukemmel n useǧhed n wassaɣen idzayriyen-igrikiyen, ladɣa deg uswir amni, yesserse-d tafat ɣef matta i d-tettakf tdiplumatit tawamnit i usseǧhed n udiwenni akked umbiddel n tmuɣliwin ɣef temsal yerzan anekni ublig.

Iḥettet-d daɣ Mass Kaklamanis dakken yessefk ad d-yili umahil ɣef « usnegmu n unmireg adamsan d usihrew n tɣula n ublag jar snat-a n tmura, rnu-as asdusu n ussemyuddes d unmireg deg tallunt tagrakalt, s uzrak n telqey n wassaɣen i yesdukklen Dzayer d Legrig », ɣef wakken i d-yenna ulɣu-a.

Tesdiwen Massa Boufedeche d uɣella n umni agrigi