« Deg tdinamit n wussisen imezgiyen n umennuɣ mgal tremɣa d tejrimt yettwasuddsen s wakk talɣiwin-nnes, slekment tyunin d tsensirin n Tredsa Taɣelnawt Taɣerfant, deg twala gar 12 d 18 ɣuct 2026, mennaw n temhal yessawḍen ɣer yigmaḍ n tɣara d-yesskanayen tissudet tunnigt, taɣḍeft d tnamalt timezgit n yiɣallen-nneɣ umrigen deg wakk timnaḍin n ugelluy aɣelnaw », ɣef wakken d-yesseddi uɣbalu-a.

« Deg ukatar n umennuɣ mgal tremɣa, yefka-d iman-nnes uremmaɣ R.B., yettwassnen s yisem n « Abou Omar », i yiduba iredsanen n Buṛǧ Badji Mokhtar deg Temnaḍt Taredsant Tis 6, yernu ila id-s taberrawt n wazun n Kalashnikov, tanecta n tsineft d tɣawsiwin niḍen, deg wakud mani ubẓent tsensirin n Tredsa Taɣelnawt Taɣerfant 5 n yiferdisen n udhal n tegrawin tiremmaɣin deg temhal yemgirrden », ɣef wakken d-terna tecrawt-a.

Deg ukatar n umennuɣ mgal tejrimt yettwassuddsen yernu « s ukemmel n wussisen d-yettilin i urgal n ubrid i tsakrart n usetti n tehyufin deg tmurt-nneɣ, ṭṭfent-d tsensirin yeddukklen n Tredsa Taɣelnawt Taɣerfant, s usemyuddes d yimeẓla n tɣellist yemgirrden, 49 n yimsettiyen n tehyufin yernu sxeṣrent arram n usidef n 4 n yiqenṭaren d 4 n yikilugṛamen n yistim yettwasmuknen d-yekkan seg tlisa d Meṛṛuk, deg wakud mani 43,5 n yikilugṛamen n tkukayint d 1.946.091 n tɛeqqacin timettalliyin i yettwabren, yernu yella-d waya deg temhal yettwaslekmen deg temnaḍin tiredsanin yemgirrden ».

« Deg Tmenɣest, Buṛǧ Badji Mokhtar, Illizi d In Gezzam, ubẓent tsensirin n Tredsa Taɣelnawt Taɣerfant 319 n yiterrasen yernu ubrent 29 n yimseddayen, 112 n yisarawen, 97 n tefḍisin-timenqarin, tinectiwin n tertakt n wureɣ anusem d yidɣaɣen d yisgulaf yettwasseqdacen deg unadi arusḍif ɣef wureɣ ».

Taredsa: Yefka-d yiwen n uremmaɣ iman-nnes yernu ubẓen 5 n yiferdisen n udhal n tremɣa