Yewweḍ usefk n uɣlif n Temḥaddit taɣelnawt ɣer Nyami i Tredsa tanijirit

DZAYER TAMANEƔT – Asefk n uɣlif n Temḥaddit taɣelnawt i tefka i Tredsa tanijirit, deg-s 4 n tkuptirin s wakk isgulaf-nsent akked yimerniyen-nsen, yewweḍ tameddit n wass n usamas ɣer Nyami, aya deg ukatar n useḍru n tsusan n uselway n Tegduda, Aɣella unnig n Tdusiwin tumrigin, aneɣlaf n Temḥaddit taɣelnawt, Mass Abdelmadjid Tebboune, i d-yenna ass n uynas yiwen n ulɣu n uɣlif n Temḥaddit taɣelnawt.