Tirni n Uslelli Aɣelnaw (FLN) tusa-d deg udeg amezwaru s 90 n tesɣimin seg gar 407 n tesɣimin i d-yellan deg Ugraw Aɣerfan Aɣelnaw, sakkin, d Amsegrew Aɣelnaw Aɣerfan (RND) i d-yewwin 73 n tesɣimin, sakkin, d Tadukli n Yimal s 59 n tesɣimin, ma d Amussu n Tmetti i Talwit deg udeg wis 4, s 43 n tesɣimin.

Amussu aɣelnaw n lebni yusa-d deg udeg wis 5 s 38 n tesɣimin, ma d Ilelliyen usan-d deg udeg wis 6 s 32 n tesɣimin.

Deg wakud ideg la ttṛajun ad d-tessuffeɣ Tsenbert Tamenḍawant igmaḍ ineggura n tefranin-a, igmaḍ uɛḍilen usna-d akken ad d-seknen kra n yimataren i d-yellan deg ufrag asertan.

Ula ma FLN yeṭṭef adeg-is amezwaru, maca agenses-is yella-d deg-s unqas, imi amḍan n tesɣimin i d-yewwi yenqes seg 98 deg tefranin tisiḍfanin n 2021 arma d 90 deg tefranin n 2 yulyu.

Deg wakud mani, Agraw Aɣelnaw Amagday (RND) iga-d tiddit d tameqrant deg tefranin-a tisiḍfanin, yerna yessaweḍ ad yernu ugenses-nnes seg 58 n tesɣimin deg tefranin n 2021 arma d 73 n tesɣimin deg tefranin-a tineggura. Aya yeǧǧa-tt ad d-yerr alur seg wazal-nnes awamni, yerna yuli seg udeg wis 4 arma d wis sin, deg yiwen seg ilkaten i d-yeḍran deg unagraw amaynu n Ugraw Aɣerfan Aɣelnaw.

Tirni n Yimal tkeles anerni yettwakmamen, yerna teḍmen-d 59 n tesɣimin, ma d Akabar n Taɣect n Weɣref yewwi-d 17 n tesɣimin, yerna aya d anerni ameqran ɣef leḥsab n 3-nni n tesɣimin i yesɛa deg tefranin tisiḍfanin yezrin. Aya yettgensis-d yiwen seg iksaben iɣer wwḍen ɣer-s ikabaren isertanen deg tefranin-a.

Amussu n Tmetti i Talwit, teẓra anqas deg umḍan n tesɣimin-nnes, seg 65 arma d 43 n tesɣimin, deg wakud ideg Amussu Aɣelnaw n Lebni yeṭṭef agensas iqerben ɣer weswir-nnes aqbur, yerna yeḍmen-d 38 n tesɣimin.

Igmaḍ-a uɛḍilen-a sseknen-d daɣ imataren niḍen i d-yesskanayen tignatin n unagraw amaynu n wemni, yernu tella-d tilin n yilemẓiyen i d-yeffɣen seg tesdawit s waṭas i yesɛan igerdas isedwanen. Seg gar 407 n yimazanen n wemni, 312 sɛan aswir asedwan, yernu aya yesskanay-d tanila n usseǧhed n tesguriwin daxel n wemni.

Igmaḍ-a sseknen-d daɣ asemres ameqran n yilemẓiyen, yernu 128 n yimazanen ilmeẓyen ه yettwafernen. Aya d asekmem n tnila yellan iswi n usehrew n usedrew n taggayt-a deg tudert tasertant d usseǧhed n tedɣar daxel n tesdawiyin yettwafernen, d tin i ɣef d-iwekked uselway n tegduda, Abdelmadjid Tebboune, deg tegnatin yezrin.

Agraw Aɣerfan Aɣelnaw Amaynu llan deg-s 395 n yimazanen i d-yettgensisen tiɣiwanin daxel Dzayer d 12 n yimazanen i d-yettgensisen amɣiwan adzayri yeddren deg uzɣar, deffir ma yerna umḍan n tesɣimin i yettunefken i taggayt-a seg 8 ɣer 12 n tesɣimin.

Kra n yikabaren isertanen ugiren ɣer sdat ma d wiyaḍ uɣalen ɣer deffir