Aɣlif n Yiweẓla izɣaranen yesseddi-d tiskarin n ubeddel ara iqelɛen seg wass n 9 yulyu d afella

DZAYER  TAMANEƔT – Aɣlif n Yiweẓla izɣaranen icar-d, ass n usinas, dakken seg wass n 9 yulyu i d-iteddun, azemz ideg ara tqelleɛ, deg Dzayer, Amtawa n « La Haye » n 5 tuber 1961 i d-iḥettmen asḍaf n warraten inagduden izɣaranen (Amtawa Awerni), arraten inagduden ara d-ssufɣen mennaw n yigezda iɣlifanen ur ttuɣalen ara ad ḥwiǧen asḍaf n tqunṣulit, mi ara ttwasmahlen deg Yiwanaken isenyin Amtawa-a.