Yemdiwenni Boughali akked tuta-ines akini ɣef usnegmu n wassaɣen isindisanen

DZAYER  TAMANEƔT – Aselway  n Ugraw aɣerfan aɣelnaw, Mass Ibrahim Boughali yemdiwenni, ass n ukras  s Internet, akked tuta-ines akini, Mass Moses Wetangula, ɣef yiberdan akked wammaken  n useǧhed n unmireg awamni akked wassaɣen isindisan gar Dzayer akked Kinya, i d-yenna yiwen n ulɣu n Ugraw.