Deg yiwet n tseɣrut i tɣamsa i d-yepdran deffir n timlilit-is d uselway n tegduda, Abdelmadjid Tebboune, deg tesɣimt n tselwit n tegduda, Mass Álvarez yenna-d dakken timlilit-is d uselway n tegduda d tirzi-s ɣer Dzayer ttwekkiden-d “taɣara” n wassaɣen gar snat n tmura, iger-d tamawt dakken Dzayer d « taneblagt tasnuddsant yernu d tamurt tamidit ideg nebleg assaɣen imdanen d tnufa tubligin yerzan imal d urkad deg Yilel Agrakal d Tefriqt ».

Yerna-d dakken Dzayer d « tamurt tamidit yernu d taneblagt tasnuddsant yeqqen-aneɣ id-s adiwenni ummid d unmireg yettkemmilen i lfayda n sin-a n yiɣerfan », yesmekti-d dakken Aselway n Tegduda yessegz-as-d deg temlilit-a ɣef uɣtas-nnes n wallus n usigew n umtawa n tamidwa, n tdukli yelhan d unmireg gar Dzayer d Spenyul, i yellan seg Tubeṛ n 2002. yella-d daɣ umsegzu ɣef « ulsedder n tirziwin d temliliyin deg wakk iswiren ».

Deg yiwen n ukatar i d-yeqqnen ɣer waya, aneɣlaf aspenyuli n yiweẓla n uzɣar iger tamawt ɣef « tmerniwt tameqrant » deg ussiǧew aspenyuli ɣer Dzayer, yerna « tnnerna s kraḍ n tikkal ilmend n useggas yezrin », yebder-d daɣ « anerni deg ublaɣ n yimsenfalen inezzanen gar snat-a n tmura, mani yewweḍ 8,5 n yimelyaṛen n uṛuten deg 2025 ».

Aneɣlaf aspenyuli n yiweẓla n uzɣar yenna-d dakken, tillin n ugar n 100 n teṛmisin tispenyuliyin deg Dzayer d « ttbut n tdinamit n wassaɣen idamsanen », am wakken i d-yerna dakken ad yemlil tameddit-a d yirgazen n yiweẓla d teṛmisin tispenyuliyin i yettmahalen deg Dzayer akken « ad ugirent ɣef unya-a ».

Iwekked-d dakken Dzayer d nettat i yellan daɣ d « tamurt tulkint d turkidt d tusbiḍt deg urrig seg kraḍ n yiseggasen-a ineggura, yerni d nettat d tamurt timseigeẓt tamezwarut n wurrig i Spenyul », am wakken i d-iwekked tajmilt-nnes i uselway n Tegduda deg temsalt-a.

Yerna-d dakken yella-d umtawa i « usseǧhed n ublag asunuddsan deg tɣult n teẓwert ».

Deg weswir niḍen, aneɣlaf aspenyuli n yiweẓla n uzɣar iger-d tamawt dakken « deg tegnit-a tkelsertant i yellan ass-a, snat-a n tmura bḍant azalen d yimenzayen ubligen, am ferru n yimenɣiyen gar yiwanaken s talwit d tugi n umgaru ».

Nnig waya, Mass Álvarez yenna-d dakken tutlayt d yedles n Spenyul d « aferdis axatar deg wassaɣen » gar snat-a n tmura, yerna yenna-d ad yeddu ass n usimwas ɣer Wehran akken ad yerẓem Asudu n Cervantes.

« Dzayer d taneblagt tasnuddsant d tamurt tamidit »