Yettwarmes Uneɣlaf Amenzu deg I d-yexleḍ ɣer unafag n Niyami agraɣlan s ɣer Uneɣlaf Amenzu n Tegduda n Nijir Mass Ali Lamine Zeine Mahaman.

Tirzi-aya tudef deg wattal n usegder n wassaɣen n tewmat d unmireg jar yiwanaken, mani tella d talemmiẓt ɣef usegder n udiwenni asertan asindisan deg yiswiren unnigen, d usegder n ublag asnuddsan s matta I d-yudfen deg yiswan n unummed agelluyan d umenẓawan.

Terni tettbeyyan leɛnaya n Dzayer, ddwi alway n uselway n Tegduda, ɣef usegder n temlilt-nnes d asegbar agellusan deg udhal n ukala n unummed afriqi, ilmend n umezruy-nnes yeččuren s udhal n tmusal n umenẓaw, d usegder n timsetlelt jar yiɣerfen-nnes.

Yetturaja ad tedhel tirzi-aya tunṣibt deg usegder n unmireg agetdisan, ladɣa deg usɣawel n tnaya n usnas n yisenfaren isnuddsanen ubligen yesɛan yidis agelluyan, am ubrid azgerniran, d usenfar n yisireg asegdan, d usenfar n yiseldaten n wurrig azrernira, akked asegder n ublag deg tɣulin n tɣellist d teẓwert, ladɣa tmerɣa d teẓwar d-yettuɣalen.

Ahil n tirzi yesɛa asɣeɛmer n tɣulin n unmireg bac ad ɛeddan ɣer yigzumen imedduranen teyyiḍ, seg-sen tadrimt, takerrazt, tamguri, tamguri tawesfart, tadawsa, taḍumṣukt, almud unnig d usileɣ amsadur,mani yetturaja ad ttwazemlen labas n yimtayen d tsektayin n umwata ad yessismlen assaɣen idamsanen d yinezzanen jar yiwanaken ɣer yiswiren yelhan.

Deg wttal-aya ad yettwasuddes usarag n yimahilen adzayri-anijiri, s udraw ameqqṛan n yisegbaren idamsanen seg yigzumen amatu d uslig, yesɛan iswi n usnirem n tlemmiẓin n usfukti d usegder n ublag adamsan asindisan.

Tirzi-aya tus-d i uwekked ɣef legder n wassaɣen yessdukklen jar Dzayer d Nijir, ibedden ɣef imenzayen n uqader n yiwanaken yellan deg yidisen-nsen, d timsetlelt, deg wattal n tmeɣsiwt tubligt n yiselwayen n yiwanaken ɣef usuddes n tdinamit n unmireg tamaynut, ad yadfen deg yimeẓla ubligen d usegder n unummed agelluyan d umenẓawan.

Aneɣlaf Amenzu yella deg tirzi tunṣibt ɣer Nijir