Imidyaten iɣelnawen ssaẓren taseflawt n Fransa mgal Dzayer

DZAYER TAMANEƔT – Aṭas n yeɣmisen iɣelnawen I D-yessaẓren tiseflawin tisertanin d tilɣudanin i d-sselḥayen kra n tɣiwanin tifransiyin yeɛdawen n Dzayer, deffir ma twekked-d tnefrut n Tiz Uzzu taneɣsut i d-yellan mgal uneɣmas afṛensis Christophe Gleize. Gleize yella yekcem-d ɣer Dzayer s tugna n umerray s yiswi n usiweḍ n tullist tasugnant i d-yeɣlin deg ukatar n leqdic n usfata, i lfayedt n tuddsa n tremɣa (MAK).