ⴰⵔⵔⴰⵣⴻⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ ⵏ 2019: ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ 4 ⵏ ⵡⴰⵔⵔⴰⵣⴻⵏ

Yeffeɣ-d ass n : ⴰⴽⵡⴰⵙ, 09 Yennayer 2020 10:06   Ɣran-t : 0 n tikkal
ⴰⵔⵔⴰⵣⴻⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ ⵏ 2019: ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ 4 ⵏ ⵡⴰⵔⵔⴰⵣⴻⵏ

ⵀⵓⵔⴳⵀⴰⴷⴰ (ⵎⴰⵚⴻⵔ) – ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ 4 ⵏ ⵡⴰⵔⵔⴰⵣⴻⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 28 ⵏ ⵡⴰⵔⵔⴰⵣⴻⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ) ⵜⴰⵎⴻⴷⴷⵉⵜ ⴷⴻⴳ ⵀⵓⵔⴳⵀⴰⴷⴰ (ⵎⴰⵚⴻⵔ), ⵢⵉⵡⴻⵏ ⵙⴻⴳ-ⵙⴻⵏ ⴷ ⴰⵔⵔⴰⵣ ⵏ ⵜⴻⵖⵍⴰⵎⵜ ⵜⴰⴼⵔⵉⵇⵉⵜ ⵜⴰⵎⵓⵢⴰⴼⵜ ⵉⵎⵉ ⴰⵢ ⵜⴻⵔⴱⴻⵃ ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ 2019.

ⴰⵔⵔⴰⵣⴻⵏ ⵏⵉⴹⴻⵏ ⴰⵢ ⵜⴻⵔⴱⴻⵃ ⵍⴻⵣⵣⴰⵢⴻⵔ ⴷ ⵡⵉⴷ ⴰⵢ ⵢⴻⵡⵡⵉ ⵢⵧⵓⵛⴻⴼ ⴱⴻⵍⴰⵉⵍⵉ ⴰⵢ ⵢⴻⵜⵜⵡⴰⴼⴻⵔⵏⴻⵏ ⴷ ⴰⵎⵓⵔⴰⵔ ⴰⴼⵔⵉⵇⵉ ⴰⵎⵓⵢⴰⴼ, ⴷⵊⴰⵎⴻⵍ ⴱⴻⵍⵎⴰⴷⵉ ⴷ ⴰⵙⵍⴻⵖⵎⴰⵢ ⴰⵎⵓⵢⴰⴼ ⵏ ⵜⴻⵖⵍⴰⵎⵜ ⵏ ⵢⵉⵔⴳⴰⵣⴻⵏ ⴷ ⵔⵢⴰⴷ ⵎⴰⵀⵔⴻⵣ ⵉ ⵢⵉⵙⵡⵉ ⴰⵎⵓⵢⴰⴼ ⴷⴻⴳ ⵓⵙⴻⴳⴳⴰⵙ.

ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵣⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ, ⴽⵀⴻⵉⵔⴻⴷⴷⵉⵏⴻ ⵣⴻⵜⵛⵀⵉ, ⴰⵢ ⴷ-ⵢⴻⵟⵟⴼⴻⵏ ⴰⵔⵔⴰⵣ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵙ ⵢⵉⵙⴻⵎ-ⵏⵏⴻⵙ ⴷ ⵜⴰⵖⵍⴰⵎⵜ ⵜⴰⵎⵓⵢⴰⴼⵜ ⴷⴻⴳ ⵜⴻⴼⵔⵉⵇⵜ ⴷⴻⴳ 2019, ⵢⴻⵏⵏⴰ-ⴷ ⴷⴰⴽⴽⴻⵏ « ⵢⵓⵎⵎⴰⵔ ⵢⴻⵔⵏⵓ ⵢⴻⵜⵜⵣⵓⵅⵅⵓ » ⵉⵎⵉ ⴰⵢ ⵢⴻⵜⵜⴻⴽⴽⴰ ⴷⴻⴳ ⵜⵓⵇⵇⵍⴰ ⵏ ⵍⴻⵣⵣⴰⵢⴻⵔ ⵖⴻⵔ ⵡⴰⴷⵓⵔ ⴰⵎⴻⵣⵡⴰⵔⵓ ⵏ ⵜⴻⵖⵍⴰⵎⵉⵏ ⵜⵉⴼⵔⵉⵇⵉⵢⵉⵏ ⵜⵓⵥⵡⵉⵔⵉⵏ ⵉⵎⵉ ⴰⵢ ⵜⴻⵔⴱⴻⵃ ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ 2019 ⴷⴻⴳ ⵎⴰⵚⴻⵔ 29 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵜⵉⵏ ⴰⵢ ⵜⴻⵔⴱⴻⵃ ⴷⴻⴳ ⵍⴻⵣⵣⴰⵢⴻⵔ.

ⵎⴰ ⴷ ⴰⵙⵍⴻⵖⵎⴰⵢ ⴰⵖⴻⵍⵏⴰⵡ, ⴷⵊⴰⵎⴻⵍ ⴱⴻⵍⵎⴰⴷⵉ, ⴰⵢ ⵢⴻⵜⵜⵡⴰⴼⴻⵔⵏⴻⵏ ⴷ ⴰⵙⵍⴻⵖⵎⴰⵢ ⴰⵎⵓⵢⴰⴼ ⵏ ⵜⴻⵖⵍⴰⵎⵜ ⵜⴰⴼⵔⵉⵇⵉⵜ ⵏ ⵢⵉⵔⴳⴰⵣⴻⵏ, ⵢⴻⵀⴷⴰ ⴰⵔⵔⴰⵣ-ⴰ ⵉ ⵓⵖⵔⴻⴼ ⴰⵣⵣⴰⵢⵔⵉ, ⵉ ⵢⵉⵎⵓⵔⴰⵔⴻⵏ ⴰⵢ ⵢⴻⵍⵍⴰⵏ ⴷ ⵏⵉⵜⵏⵉ ⴰⵢ ⴷ ⵉⵎⴻⴳⴳⵉⵢⴻⵏ ⵉⴳⴻⵊⴷⴰⵏⴻⵏ ⴷⴻⴳ ⵓⵏⵔⴰⵔ ⴰⴽⴽⴻⴷ ⵢⵉⵎⴰⵀⴰⵍⴻⵏ ⵉⵜⵡⵉⵍⴰⵏⴻⵏ.

ⴰⵇⴻⴱⵟⴰⵏ ⵏ ⵢⵉⵣⴻⴳⵣⴰⵡⴻⵏ, ⵔⵢⴰⴷ ⵎⴰⵀⵔⴻⵣ, ⵢⴻⵜⵜⵓⵏⴻⴼⴽ-ⴰⵙ ⴷⴰⵖ ⵡⴰⵔⵔⴰⵣ ⵏ ⵢⵉⵙⵡⵉ ⴰⵎⵓⵢⴰⴼ ⵏ ⵓⵙⴻⴳⴳⴰⵙ, ⴷ ⵡⵉⵏ ⴰⵢ ⵉⴳⴻⵔ ⴷⴻⴳ ⵓⵣⴳⴻⵏ ⵏ ⵜⴳⴰⵔⴰⵏⵜ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2019 ⵎⴳⴰⵍ ⵏⵉⵊⵉⵔⵢⴰ ⴷⴻⴳ ⵢⵉⵡⴻⵜ ⵏ ⵜⵢⵉⵜⴰ ⵜⵉⵍⴻⵍⵍⵉⵜ ⵜⵓⵙⵔⵉⴷⵜ ⴷⴻⴳ ⵡⴰⴽⵓⴷ ⴰⵎⴻⵔⵏⴰⵏ ⵢⴻⵔⵏⵓ ⵙ ⵡⵉⵏ ⴰⵢ ⵜⵄⴻⴷⴷⴰ ⵍⴻⵣⵣⴰⵢⴻⵔ ⵖⴻⵔ ⵜⴳⴰⵔⴰⵏⵜ ⵎⴳⴰⵍ ⵙⵙⵉⵏⵉⴳⴰⵍ ⴰⵢ ⵜⴻⵔⵏⴰ ⵙ 1 ⵖⴻⵔ 0.

ⴱⴻⵍⴰⵉⵍⵉ, ⴰⵢ ⴷ-ⵢⴻⵇⵇⵍⴻⵏ ⵙ ⵍⵊⴻⵀⴷ ⴷ ⴰⵎⴻⵇⵔⴰⵏ ⵖⴻⵔ ⵜⴻⵖⵍⴰⵎⵜ ⵏ ⵢⵉⵣⴻⴳⵣⴰⵡⴻⵏ, ⴷ ⵢⵉⵡⴻⵏ ⵙⴻⴳ ⵢⵉⵎⵓⵔⴰⵔⴻⵏ ⴰⵢ ⴷ-ⵢⴻⴼⵍⴰⵍⵉⵏ ⴰⴽⴽ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⴷⴻⴳ ⵎⴰⵚⴻⵔ, ⵢⴻⵔⵏⵓ ⵢⴻⵡⵡⵉ ⴰⵔⵔⴰⵣ ⵖⴻⴼ ⵓⵥⵡⴰⵔ-ⵏⵏⴻⵙ ⴷⴻⴳ ⵜⵙⴻⵎⵀⵓⵢⵜ ⵏ 2019 ⴰⵢⴷⴻⴳ ⴰⵢ ⴷ-ⵢⴻⵙⵙⴻⵔⴱⴻⵃ ⴰⵔⵔⴰⵣⴻⵏ ⵉ ⴻⵙ ⵜⵓⵏⴻⵙ ⴷ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ.

ⴰⵔⵔⴰⵣⴻⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ ⵏ 2019: ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ 4 ⵏ ⵡⴰⵔⵔⴰⵣⴻⵏ
  Yeffeɣ-d ass n : ⴰⴽⵡⴰⵙ, 09 Yennayer 2020 10:06     Taggayt : ⴰⴷⴷⴰⵍ     Ɣran-t : 0 n tikkal   Bḍu