ⵜⴰⵛⵉⵔⴹⴰⵔⵜ: ⴷ ⵍⴻⵣⵣⴰⵢⴻⵔ ⴰⵢ ⴷ ⵜⴰⵖⵍⴰⵎⵜ ⵜⴰⴼⵔⵉⵇⵉⵜ ⵜⴰⵎⵓⵢⴰⴼⵜ ⴰⴽⴽ ⴷⴻⴳ 2019

Yeffeɣ-d ass n : ⴰⵙⵉⵎⵡⴰⵙ, 27 ⴷⵓⵊⴻⵎⴱⴻⵕ 2019 12:22   Ɣran-t : 0 n tikkal
ⵜⴰⵛⵉⵔⴹⴰⵔⵜ: ⴷ ⵍⴻⵣⵣⴰⵢⴻⵔ ⴰⵢ ⴷ ⵜⴰⵖⵍⴰⵎⵜ ⵜⴰⴼⵔⵉⵇⵉⵜ ⵜⴰⵎⵓⵢⴰⴼⵜ ⴰⴽⴽ ⴷⴻⴳ 2019

ⴱⴰⵔⵉⵙ – ⴷ ⵜⴰⵖⵍⴰⵎⵜ ⵜⴰⵣⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ, ⵢⴻⵍⵍⴰⵏ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ, ⴷ ⵏⴻⵜⵜⴰⵜ ⴰⵢ ⴷ ⵜⴰⵖⵍⴰⵎⵜ ⵜⴰⵎⵓⵢⴰⴼⵜ ⴰⴽⴽ ⴷⴻⴳ 2019 ⵖⴻⴼ ⵍⴻⵃⵙⴰⴱ ⵏ ⵓⵙⴻⵜⵜⴻⴼ ⴰⵢ ⴷ-ⵜⴳⴰ ⵜⴻⵙⵖⵓⵏⵜ ⵏ ⵊⴻⵓⵏⴻ ⴰⴼⵔⵉⵇⵓⴻ.

ⵉⵣⴻⴳⵣⴰⵡⴻⵏ ⵅⴻⵍⴼⴻⵏ-ⴷ ⵎⴻⵕⵕⵓⴽ ⵖⴻⴼ ⵢⵉⵖⴻⴼ ⵏ ⵓⵙⴻⵜⵜⴻⴼ, ⵢⴻⵔⵏⵓ ⵜⴻⵣⵡⴰⵔ ⴷⴰⵖ ⵙⵙⵉⵏⵉⴳⴰⵍ, ⵏⵉⵊⵉⵔⵢⴰ, ⵜⵓⵏⴻⵙ ⴷ ⵎⴰⴷⴰⴳⴰⵙⴽⴰⵕ.

ⵍⴻⵣⵣⴰⵢⴻⵔ, ⴰⵢ ⴷ-ⵉⵔⴻⴱⵃⴻⵏ ⵜⴰⵇⴱⵓⵔⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⴷⴻⴳ ⵎⴰⵚⴻⵔ ⴷⴻⴳ ⵓⵏⴻⴱⴷⵓ ⵢⴻⵣⵔⵉⵏ, ⵢⴻⵔⵏⵓ ⵉⴱⴰⵏ ⴷⴰⴽⴽⴻⵏ ⴰⴷ ⵜⴻⵟⵟⴻⴼ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵙⴻⵜⵜⴻⴼ ⵏ ⵜⴻⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ ⵜⵉⴼⵔⵉⵇⵉⵢⵉⵏ ⴷⴻⴳ 2019.

« ⵡⴻⵔⴵⵉⵏ ⵜⴻⵟⵟⵉⴼ ⵍⴻⵣⵣⴰⵢⴻⵔ ⵉⵖⴻⴼ ⵏ ⵓⵙⴻⵜⵜⴻⴼ-ⴰ. ⴰⵎⴽⴰⵏ-ⴰ ⴰⵎⴻⵣⵡⴰⵔⵓ ⵜⵓⴽⵍⴰⵍ-ⵉⵜ ⵙ ⵜⵉⴷⴻⵜ ⵉⵎⵉ ⴰⵢ ⴷ-ⵜⴱⴰⵏ ⵜⴻⵥⵡⴻⵔ ⵢⴻⵔⵏⵓ ⵜⵓⵔⴰⵔ ⵓⵔⴰⵔ ⵏ ⵜⵖⴰⵔⴰ. ⴷⴻⴳ ⵎⴰⵚⴻⵔ, ⴰⵏⴷⴰ ⴰⵢ ⵜⵜ-ⵡⴰⵍⴰⵏ, ⵏⴰⵇⴰⵍ, ⴷ ⵜⴰⵖⵍⴰⵎⵜ ⵓⵔ ⵢⴻⵏⵏⵓⵎⴻⵏ ⴰⵔⴰ ⵜⴻⵜⵜⴰⵡⴻⴹ ⵖⴻⵔ ⵜⴳⴰⵔⴰⵏⵜ, ⵜⴰⵖⵍⴰⵎⵜ ⵏ ⴷⵊⴰⵎⴻⵍ ⴱⴻⵍⵎⴰⴷⵉ ⴷⵉⵏⴷⵉⵏ ⵜⴻⵙⵙⴽⴻⵏ-ⴷ ⴷⴰⴽⴽⴻⵏ ⵜⴻⵣⵎⴻⵔ ⴰⴷ ⵜⴻⵔⴱⴻⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵊⴻⵓⵏⴻ ⴰⴼⵔⵉⵇⵓⴻ.

« ⵜⵓⵔⴰⵔ ⵜⵓⵣⵣⵢⴰ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⵙ ⵜⴻⴱⵍⴰⵍⵜ – ⴽⵔⴰⴹⵜ ⵏ ⵜⵔⴻⵏⵏⴰⵡⵉⵏ, ⴳⴰⵔ-ⴰⵙⴻⵏⵜ ⵢⵉⵡⴻⵜ ⵎⴳⴰⵍ ⵙⵙⵉⵏⵉⴳⴰⵍ ⵙ 1 ⵖⴻⵔ 0- ⵙⴰⴽⴽⵉⵏ ⵜⴽⴻⵎⵎⴻⵍ ⴰⵎⴻⵛⵡⴰⵕ-ⵏⵏⴻⵙ ⴷⵉⵎⴰ ⵙ ⵓⵙⵡⵉⵔ ⵓⵏⵏⵉⴳ, ⵍⴰⴷⵖⴰ ⵎⵉ ⵜⴻⵔⵏⴰ ⵏⵉⵊⵉⵔⵢⴰ ⴷⴻⴳ ⵓⵣⴳⴻⵏ ⵏ ⵜⴳⴰⵔⴰⵏⵜ ⵙ 2 ⵖⴻⵔ 1 ⵙ ⵢⵉⵙⵡⵉ ⴰⵢ ⵉⴳⴻⵔ ⵎⴰⵀⵔⴻⵣ ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⵎⴰⵛⴰ ⵙ ⵜⵉⵥⴻⴹⵜ. ⴷⴻⴳ ⵜⴳⴰⵔⴰⵏⵜ, ⵙⵙⴰⵡⴹⴻⵏ ⵢⵉⵣⴻⴳⵣⴰⵡⴻⵏ ⴰⴷ ⵔⵏⵓⵏ, ⵓⵍⴰ ⵎⴰ ⵙ ⵢⵉⵡⴻⵏ ⴽⴰⵏ ⵏ ⵢⵉⵙⵡⵉ, ⵜⴰⵖⵍⴰⵎⵜ ⵏ ⵙⵙⵉⵏⵉⴳⴰⵍ, ⵙ ⵡⴰⵢⴰ, ⵀⴷⴰⵏ ⵜⴰⵇⴱⵓⵛⵜ ⵜⴰⴼⵔⵉⵇⵉⵜ ⵜⵉⵙ ⵙⵏⴰⵜ ⵉ ⵜⵎⵓⵔⵜ-ⵏⵙⴻⵏ ⴷⴻⴼⴼⵉⵔ ⵜⵉⵏ ⴰⵢ ⴷ-ⵔⴻⴱⵃⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ 1990 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴽⴻⵎⵎⴻⵍ ⵜⴻⵙⵖⵓⵏⵜ-ⴰ.

ⵙ ⵜⴻⵎⵚⵓⴽⵜ-ⵏⵏⴻⵙ ⵉⵊⴻⵀⴷⴻⵏ (ⵎ’ⴱⵓⵍⵀⵉ, ⴱⴻⵏⵏⴰⵛⴻⵔ, ⴱⵓⵏⴻⴷⵊⴰⵀ, ⴼⴻⴳⵀⵓⵍⵉ, ⵎⴰⵀⵔⴻⵣ), ⵍⴻⵣⵣⴰⵢⴻⵔ ⵜⴻⵔⵏⴰ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⵓⴽⵍⴰⵍ ⴰⴷⴻⴳ-ⵏⵏⴻⵙ ⴰⵎⴻⵣⵡⴰⵔⵓ ⴷⴻⴳ ⵜⴻⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⴽⵓⵍⵓⴱⵢⴰ (3 ⵖⴻⵔ 0) ⴷ ⵙⵏⴰⵜ ⵏ ⵜⵔⴻⵏⵏⴰⵡⵉⵏ ⴰⵢ ⵜⴳⴰ ⵢⴰⴳⵉ ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵢⵉⵏ ⵏ ⵓⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵜⴻⵇⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2021, ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵜⴻⵅⵜⴻⵎ ⵊⴻⵓⵏⴻ ⴰⴼⵔⵉⵇⵓⴻ.

ⵜⴰⵛⵉⵔⴹⴰⵔⵜ: ⴷ ⵍⴻⵣⵣⴰⵢⴻⵔ ⴰⵢ ⴷ ⵜⴰⵖⵍⴰⵎⵜ ⵜⴰⴼⵔⵉⵇⵉⵜ ⵜⴰⵎⵓⵢⴰⴼⵜ ⴰⴽⴽ ⴷⴻⴳ 2019
  Yeffeɣ-d ass n : ⴰⵙⵉⵎⵡⴰⵙ, 27 ⴷⵓⵊⴻⵎⴱⴻⵕ 2019 12:22     Taggayt : ⴰⴷⴷⴰⵍ     Ɣran-t : 0 n tikkal   Bḍu