ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ: ⵎⵓⵍⵓⴷⵉⵢⵢⴰ ⵏ ⵍⴻⵣⵣⴰⵢⴻⵔ ⵜⴻⴹⵎⴻⵏ ⴰⵄⴻⴷⴷⵉ ⵖⴻⵔ ⵜⴻⴼⴽⵓⵥⵜ ⵏ ⵜⴳⴰⵔⴰⵏⵜ

Yeffeɣ-d ass n : ⴰⴽⵡⴰⵙ, 18 Meɣres 2021 12:59   Ɣran-t : 44 n tikkal
ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ: ⵎⵓⵍⵓⴷⵉⵢⵢⴰ ⵏ ⵍⴻⵣⵣⴰⵢⴻⵔ ⵜⴻⴹⵎⴻⵏ ⴰⵄⴻⴷⴷⵉ ⵖⴻⵔ ⵜⴻⴼⴽⵓⵥⵜ ⵏ ⵜⴳⴰⵔⴰⵏⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴹⵎⴻⵏ ⵎⵓⵍⵓⴷⵉⵢⵢⴰ ⵏ ⵍⴻⵣⵣⴰⵢⴻⵔ ⴰⵄⴻⴷⴷⵉ-ⵏⵏⴻⵙ ⵖⴻⵔ ⵜⴻⴼⴽⵓⵥⵜ ⵏ ⵜⴳⴰⵔⴰⵏⵜ ⴷⴻⴳ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⵛⵉⵔⴹⴰⵔⵜ ⵏ ⵜⴻⴼⵔⵉⵇⵜ ⵎⵉ ⵜⴻⵔⵏⴰ, ⴰⵙⵙ ⵏ ⵓⵙⵉⵏⴰⵙ ⵜⴰⵎⴻⴷⴷⵉⵜ, ⵜⴰⵖⵍⴰⵎⵜ ⵜⴰⵙⵉⵏⵉⴳⴰⵍⵉⵜ ⵏ ⵜⴻⵓⵏⴳⵓⴻⵜⵀ ⴼⵛ ⵙ 1 ⵖⴻⵔ 0 ⴷⴻⴳ ⵓⵏⴰⵔⵉⵔ ⵏ 5 ⵢⵓⵍⵢⵓ, ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⵡⵉⵙ 4 ⵏ ⵡⵓⵔⴰⵔ ⵏ ⵜⴻⴳⵔⴰⵡⵜ ⴷ ⴷⴻⴳ ⵜⴰⴽⴽⴰⵢⵜ ⵏ ⵜⴽⴻⵎⵎⵓⵛⵉⵏ.

ⴰⵙⵍⴻⵖⵎⴰⵢ ⴰⵡⴻⵍⵣⵣⴰⵢⴻⵔ ⴰⴱⴷⴻⵍⴽⴰⴷⴻⵔ ⴰⵎⵔⴰⵏⵉ ⵢⵓⴽⵉ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⴷ ⵜⴰⵅⴰⵜⴰⵔⵜ ⵢⴻⵔⵏⵓ ⵖⴻⴼ ⵡⴰⴽⴰ ⴰⵢ ⵢⴻⵙⵙⴻⴷⵔⴻⵡ 4 ⵏ ⵢⵉⵎⵓⵔⴰⵔⴻⵏ ⵉⵎⴻⵏⵟⴰⴳⴻⵏ ⵢⴻⵔⵏⵓ ⵡⵉ ⴷ ⴱⴻⵏⴰⵍⴷⵊⵉⴰ, ⴱⴻⵍⴽⵀⴻⵉⵔ, ⴼⵔⵉⵡⵉ ⴷ ⴰⴱⴷⴻⵍⵀⴰⴼⵉⴷ.

ⴰⵔⵎⵉ ⴷ ⵜⵉⵎⵉⵍⵜ ⵜⵉⵙ 20 ⵏ ⵡⵓⵔⴰⵔ ⴰⵢ ⴰⵙ-ⴷ-ⵜⵚⴰⵃ ⵉ ⵎⵓⵍⵓⴷⵉⵢⵢⴰ ⵜⴻⴳⵏⵉⵜ ⵜⴰⵎⴻⵣⵡⴰⵔⵓⵜ ⴰⴷ ⵜⴻⵙⵙⵉⴷⴻⴼ ⵉⵙⵡⵉ ⵙ ⵜⵢⵉⵜⴰ ⵏ ⴱⴻⵍⴽⵀⴻⵉⵔ, ⵎⴰⵛⴰ ⵢⴻⵙⵙⵓⴼⴼⴻⵖ-ⵉⵜⵜ ⵓⵎⴹⵉⴼ ⴰⵙⵉⵏⵉⴳⴰⵍⵉ ⵉⴱⵔⴰⵀⵉⵎⴰ ⵏⵉⴰⵙⵙ.

ⴰⵃⵕⴰⵙ-ⵏⵏⵉ ⴰⴼⴻⵙⵙⴰⵙ ⴰⵢ ⴷ-ⵢⴻⵍⵍⴰⵏ ⵙⵖⵓⵔ ⵢⵉⵡⴻⵍⵣⵣⴰⵢⵔⴻⵏ ⵢⴻⵇⵇⴻⵍ ⵢⴻⵡⵡⵉ-ⴷ ⴰⴱⴰⵖⵓⵔ ⵎⵉ ⵉⴳⴻⵔ ⴱⴻⵏⴰⵍⴷⵊⵉⴰ ⵉⵙⵡⵉ ⴰⵢⵉⵡⵏⴰⵏ ⵏ ⵜⴻⵎⵍⵉⵍⵉⵜ-ⴰ ⴷⴻⴳ ⵜⵉⵙ 26. ⴷ ⴰⵏⴻⵎⵣⴰⵖ ⵀⴰⴷⴷⴻⴷ ⴰⵢ ⴰⵙ-ⵢⵓⵣⵏⴻⵏ ⵜⴰⵛⵉⵔⵜ.

Last modified on ⴰⵙⵉⵏⴰⵙ, 30 Meɣres 2021 13:28
ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ: ⵎⵓⵍⵓⴷⵉⵢⵢⴰ ⵏ ⵍⴻⵣⵣⴰⵢⴻⵔ ⵜⴻⴹⵎⴻⵏ ⴰⵄⴻⴷⴷⵉ ⵖⴻⵔ ⵜⴻⴼⴽⵓⵥⵜ ⵏ ⵜⴳⴰⵔⴰⵏⵜ
  Yeffeɣ-d ass n : ⴰⴽⵡⴰⵙ, 18 Meɣres 2021 12:59     Taggayt : ⴰⴷⴷⴰⵍ     Ɣran-t : 44 n tikkal   Bḍu