« ⴰⴷⵔⴰⵡ ⵏ ⵣⵣⴰⵢⴻⵔ ⴷⴻⴳ ⵜⴻⴷⵡⵉⵍⵜ ⵜⵉⵙ 39 ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⵢ ⵢⴻⴱⴷⴰⵏ ⵜⴰⵏⴻⵣⵣⴰⵢⵜ-ⴰ ⵉⵙⵡⵉ-ⵏⵏⴻⵙ ⴷ ⴰⵙⴷⵉⵡⴻⵏⵏⵉ ⵖⴻⴼ ⵓⵙⴻⵏⴼⴰⵔ ⵏ ⵓⵎⴰⵔⵓⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵓⵎⵉⴹⴰⵏ-ⵏⵏⴻⵙ ⵏ ⵜⵡⵉⵜⵜⴻⵔ.
ⵉ ⵍⵎⴻⵏⴷ ⵏ ⵡⴰⵢⴰ, « ⵏⵡⴻⴽⴽⴻⴷ-ⴷ ⵖⴻⴼ ⵜⴹⵓⵍⵍⵉⵜ ⵏ ⵓⵙⵎⴻⵖⵥⴻⵏ ⵏ ⵓⵙⴻⵇⴷⴻⵛ ⵏ ⵜⴻⵖⴱⵓⵍⴰ ⵜⵉⴷⵔⵉⵎⴰⵏⵉⵏ ⵜⵉⴳⴻⵏⵙⵉⵢⵉⵏ ⴰⴽⴽⴻⵏ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⵜⴰⴳⴻⵍⵜ ⵎⴻⵇⵇⵔⴻⵏ ⵖⴻⵔ ⵢⵉⵏⴻⴱⵍⴰⴳⴻⵏ ⵉⴳⵔⴰⵖⵍⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
ⵜⴰⴷⵡⵉⵍⵜ ⵜⵉⵙ 39 ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵜⴻⴱⴷⴰ ⴰⵙⵙ ⵏ ⵓⴽⵡⴰⵙ ⴷⴻⴳ ⴰⴷⴷⵉⵙ ⴰⴱⴻⴱⴰ. ⴳⴰⵔ ⵢⵉⵙⴻⵏⴼⴰⵍ ⴰⵖⴻⴼ ⴰⵔⴰ ⴷ-ⴰⵡⵉⵏ ⴰⵡⴰⵍ, ⴰⴷ ⵢⵉⵍⵉ ⵓⵙⴻⴹⵔⵓ ⵏ ⵜⴻⵙⵎⴻⴽⵜⴰⵢⵜ ⵏ 2063 ⴷ ⵢⵉⴳⵍⴰⵏ ⵏ ⵓⵙⴻⵊⵀⴻⴷ ⵏ ⵓⵏⵎⵉⵔⴻⴳ ⴳⴰⵔ ⵜⵎⵓⵔⴰ ⵏ ⵓⵎⴻⵏⵥⴰⵡ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴽⴰⵖⵔⴻⴼⵜ ⵏ ⵓⵏⴼⴰⴼⴰⴷ ⴱⵓ ⵜⴻⴷⵔⵉ.
ⵜⴰⴷⵡⵉⵍⵜ-ⴰ ⴷ ⵜⵉⵏ ⴷⴰⵖ ⴰⵔⴰ ⵢⴻⵙⴽⴻⵢⴷⴻⵏ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⵉⴳⴰⵡⵜ ⵜⴰⴼⵔⵉⵇⵉⵜ ⵜⵓⵛⵔⵉⴽⵜ ⴷ ⵡⴰⵎⵎⴰⴽⴻⵏ ⴰⵔⴰ ⴷ-ⵢⴻⵜⵜⵡⴰⵀⴻⵢⵢⵉⵏ ⵉ ⵍⵎⴻⵏⴷ ⵏ ⵡⴰⵢⴰ ⴰⵎ ⵓⵎⵏⵉ ⴰⴼⵔⵉⵇⵉ. ⴰⴷ ⴼⴻⵔⵏⴻⵏⵜ ⴷⴰⵖ ⵜⵎⵓⵔⴰ ⵜⵉⵎⴰⵙⵍⴰⴹⵉⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵙⵉⵏ ⵏ ⵢⵉⵏⴻⵙⵎⵉⵍⴻⵏ ⵏ ⵜⴷⵓⴽⵍⵉ.