ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵢⵉⵎⴽⴻⵔⵔⴰⵣⴻⵏ ⴷ ⵢⵉⵎⴻⴽⵙⴰⵡⴻⵏ ⵉⵣⵣⴰⵢⵔⵉⵢⴻⵏ ⴰⵢ ⴷ-ⴹⴻⴼⵔⴻⵏⵜ ⵜⴻⵎⵍⵉⵍⵉⵢⵉⵏ ⴳⴰⵔ ⵜⴻⵕⵎⵉⵙⵉⵏ, ⵏⵏⴰⵏ-ⴷ ⴽⵔⴰ ⵏ ⵢⵉⵎⵙⴻⴼⵜⵉⵢⴻⵏ ⵉⵎⴰⵔⵉⴽⴰⵏⵉⵢⴻⵏ ⴷⴰⴽⴽⴻⵏ ⵙⵙⴰⵔⴰⵎⴻⵏ ⴰⴷ ⴳⴻⵏ ⵉⵙⴻⵏⴼⴰⵔⴻⵏ ⴷ ⵓⵛⵔⵉⴽⴻⵏ ⴷⴻⴳ ⵣⵣⴰⵢⴻⵔ ⵡⴰⵔ ⵍⴻⵄⴹⵉⵍ.
ⵉ ⵍⵎⴻⵏⴷ ⵏ ⵡⴰⵢⴰ, ⴷⵧⵏ ⵔⵧⴱⴻⵔⵜⵙ, ⴷ ⴰⵎⴽⴻⵔⵔⴰⵣ ⵢⴻⵔⵏⵓ ⴷ ⴰⵎⴻⴽⵙⴰⵡ ⵉⵍⴰⵏ ⵓⴳⴰⵔ ⵏ 5.000 ⵏ ⵜⴼⵓⵏⴰⵙⵉⵏ ⵏ ⵓⴽⴻⴼⴼⴰⵢ ⴷⴻⴳ ⵓⵡⴰⵏⴰⴽ ⵏ ⵓⵜⴰⵀ ⵢⴻⵔⵏⵓ ⴷ ⴰⵎⴰⵙⴰⵢ ⵏ ⵜⴻⵕⵎⵉⵙⵜ « ⵔⵧⴱⴻⵔⵜⵙ ⵍⴻⴳⴰⵛⵢ ⵍⵍⵛ » ⵢⴻⵎⵎⵓⵣⵣⴳⴻⵏ ⴷⴻⴳ ⵓⵙⵖⵉⵡⴻⵙ ⵏ ⵜⵏⵉⴳⵔⵉⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴷⴰⴽⴽⴻⵏ ⴰⵏⵔⴰⵔ ⴰⵣⵣⴰⵢⵔⵉ ⵉⵡⴰⵜⴰ ⵉ ⵓⵙⴻⴼⵜⵉ ⴷⴻⴳ ⵜⵖⵓⵍⵜ ⵏ ⵜⴽⴻⵔⵔⴰⵣⵜ.
ⵎⴰ ⵙⵜⴰⵀⴻⵍⵉ ⴷⴰⵠⴻ ⵢⴻⵍⵍⴰⵏ ⴷ ⴰⵙⴻⴼⵔⴰⴽ ⵏ ⵜⴻⴳⵔⴰⵡⵜ ⵏ ⵙⵜⴰⵀⴻⵍⵉ ⵡⴻⵙⵜ ⵢⴻⵎⵎⵓⵣⵣⴳⴻⵏ ⴷⴻⴳ ⵢⵉⵙⴳⵓⵍⴰⴼ ⵉⴽⴻⵔⵔⴰⵣⴰⵏⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⵣⵓⵣ ⴰⵣⵣⴰⵢⵔⵉ ⴷ « ⵓⵔⵥⵉⵎ ⵎⵍⵉⵃ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴳⴰⵍⴻⴼ ⴰⴽⴻⵔⵔⴰⵣⴰⵏ ⴰⵎⴰⵢⵏⵓ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⴷⴻⵍⵍ ⴳⵉⴷⴻⵧⵏ, ⵢⴻⵍⵍⴰⵏ ⴷ ⴰⵙⴻⴼⵔⴰⴽ ⵏ ⵎⴻⵏⵏⴰⵡ ⵏ ⵜⴻⵕⵎⵉⵙⵉⵏ ⵏ ⵓⴼⴰⵔⴻⵙ ⵏ ⵜⵢⴰⴼⵓⵜⵉⵏ ⵜⵉⴽⴻⵔⵔⴰⵣⴰⵏⵉⵏ ⵢⴻⵎⴳⴻⵔⵔⴰⴷⴻⵏ, ⵜⵉⵎⴰⵇⵓⵙⵉⵏ ⵜⵉⵎⴻⵏⴳⴰⵏⵉⵏ ⴷ ⵢⵉⵏⴰⴳⵔⴰⵡⴻⵏ ⵏ ⵓⵙⵙⵡⴰⵢ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴰⵔⴰⵎ ⴰⴷ ⵢⴻⵙⴷⵓⵙ ⴰⵙⵙⴰⵖⴻⵏ-ⵏⵏⴻⵙ ⵏ ⵓⵏⵎⵉⵔⴻⴳ ⴰⵢ ⵉⵍⴰ ⵢⴰⴽⴰⵏ ⴷ ⵢⵉⵏⴻⴱⵍⴰⴳⴻⵏ ⵉⵣⵣⴰⵢⵔⵉⵢⴻⵏ.