« ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵜⴻⵖⵜⴻⵙ ⵉ ⵡⴰⴽⴽⴻⵏ ⴰⴷ ⵃⴰⵍⴻⴱ ⵖⴻⴼ ⵡⴰⵢⴻⵏ ⵉ ⴷ-ⵜⵃⴻⵍⵍⴰ ⴰⴽⴽⴻⴷ ⵜⴻⵎⵍⵉⵍⵜ-ⵉⵙ ⴷⴻⴳ ⵢⵉⴳⴻⵔ ⴰⵙⵍⵉⵥⵔⴰⵏ ⴰⵣⵣⴰⵢⵔⵉ », ⵉ ⴷ-ⵢⴻⵙⵙⴻⵖⵔⴻⵜ ⵎⴰⵙⵙ ⴳⴰⵉⴷ ⴷⴻⴳ ⵢⵉⵏⴰⵡ-ⵉⵙ ⵉ ⴷ-ⵢⴻⵖⵔⴰ ⴷⴻⴳ ⵢⵉⵎⵓⵀⴰⵍ ⵏ ⵡⴰⵙⵙ ⵏ ⵓⵣⵔⴰⵡ ⵉ ⵜⴻⵙⵙⵓⴷⴷⴻⵙ ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵢⵉⵙⴰⵔⴰⴳⴻⵏ ⵉ ⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 60 ⵏ ⵓⵙⴻⵖⵏⴻⵡ-ⵉⵙ, ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ ⵢⴻⴼⴽⴰ « ⴰⵣⴰⵍ ⴰⵎⴻⵇⵇⵔⴰⵏ » ⵉ ⵜⵉⴽⵍⵉ-ⵢⴰ.
ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ « ⵜⴻⵖⵜⴻⵙ ⴰⴽⴽⴻⵏ ⴰⴷ ⵜⴻⵇⵇⵉⵎ ⴷ « ⵜⴰⵡⴻⵍⵀⴰ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵥⵍⵓ ⴰⵏⴰⴳⴷⵓⴷ ⵉ ⵓⵔⴰⴼⴻⵇ ⵏ ⵓⴽⴰⵍⴰ ⵏ ⵍⴻⴱⵏⵉ ⴰⵖⴻⵍⵏⴰⵡ ⵢⴻⵔⵏⴰ ⴰⴷ ⵜⵓⵖⴰⵍ ⴷ ⵍⴱⵓⵇ ⴷⴻⴳ ⵓⵎⴰⴹⴰⵍ ⵜⴻⴷⴳⵉⵡⵉⵏ ⵏ ⵓⵎⴻⵏⵣⴰⵢ ⴰⵎⴰⵣⵔⴰⵢ ⵏ ⵍⴻⵣⵣⴰⵢⴻⵔ ⵉ ⵍⴼⴰⵢⴷⴰ ⵏ ⵜⵏⴻⴼⵍⵉⵜ, ⵏ ⵜⴻⵍⵡⵉⵜ, ⵏ ⵜⵖⴻⵍⵍⵉⵙⵜ ⴰⴽⴽⴻⴳ ⵓⵏⵎⵉⵔⴻⴳ ⴰⵎⵏⴰⴹⴰⵏⵜ ⴰⴽⴽⴻⴷ ⵜⴻⴳⵔⴰⵖⵍⴰⵏⵜ, ⵉ ⴷ-ⵢⴻⵏⵏⴰ ⵎⴰⵙⵙ ⴳⴰⵉⴷ.
ⴷⴻⴳ ⵓⴽⴰⵜⴰⵔ ⵏ ⵓⴽⴰⵍⴰ-ⵢⴰ ⵏ ⵓⵙⴻⵜⵔⴻⵔ, ⵜⵛⴰⵔ ⵎⴻⵍⵎⵉ ⴽⴰⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵢⵉⵡⴻⵏ ⵏ ⵓⵎⴰⵣⵔⴰⵔ ⵏ ⵜⵏⴻⵎⵙⴰⵍ ⴷⴻⴳ ⵜⴻⵎⵙⵓⴽⵉⵏ-ⵉⵙ ⵏ ⵜⵉⵔⴰ ⵉ ⵓⵙⵏⴻⴼⵍⵉ ⵏ ⵢⵉⵎⴻⵥⵍⴰ ⵉⵏⴰⴳⴷⵓⴷⴻⵏ ⴰⴽⴽⴻⴷ ⵓⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⴼⴰⵔⵉⵙⴻⵏ-ⵉⵙ, ⵍⴰⴷⵖⴰ ⴰⴼⴰⵔⵉⵙ-ⵉⵙ ⵏ ⵓⵣⴰⴷⵓⵔ, ⵜⵓⵣⵣⵉⵍⵜ, ⴰⵎⴰ ⵙⴻⴳ ⵢⵉⴷⵉⵙ ⵏ ⵜⴰⵍⵖⴰ ⵏⴻⵖ ⵙⴻⴳ ⵡⵉⵏ ⵏ ⵓⴳⴱⵓⵔ, ⵉ ⵡⴰⴽⴽⴻⵏ ⴰⴷ ⵏⴻⵔⵔ ⵖⴻⴼ ⵡⴰⵢⴻⵏ ⵉ ⵍⴰ ⵜⵜⵔⴰⴵⵓ ⵉⵎⴻⵍⵜⴰⵖ ⴰⴽⴽⴻⴷ ⵢⵉⵎⴷⴰⵏⴻⵏ ⵙ ⵓⵎⴰⵜⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵏⴻⴳⴳⴰ ⵍⴰ ⵜⴻⵙⵙⴻⵏⴼⴰⵍⴰⵢ ⴷⴰⵖⴻⵏ ⵉⵎⴻⵥⵍⴰ-ⵙ ⵏ ⵓⵙⴻⴷⵍⴻⴼ, ⵜⵠⵉⴷⵉⵢⵓⵜⵉⵏ ⴰⴽⴽⴻⴷ ⵓⴼⴰⵔⴻⵙ ⵏ ⵢⵉⴳⴱⵓⵔⴻⵏ ⵉⴳⵜⴻⵍⵖⴰ.