Menu principal

Menu principal

LEZZAYER TAMANEƔT – Aselway n Tfidiralit tazzayrit n tcirḍart (FAHB), Habib Labane, yenna-d ass n uynas (letniyen) dakken akayad n Teqbuct n Lezzayer 2019-2020, asihel-is yella deg ccek, "taswiɛta ur yettwakkes ara", kra n wussan kan aya ssumren-d aḥbas-is ɣef ssebba n waṭan n Unfafad Bu Tesmert Covid-19.
LEZZAYER TAMANEƔT – Yenna-d unmazul n uselway n Temɣunt n Tcirḍart Tamsadurt, Farouk Belguidoum, ass n ukwas, dakken « tuget » deg yiqusisen imsaduren ugin ad qqlen ɣer tyaka ay yettwassaglen deg tlemmast n Meɣres ɣef lǧal n tkaɣreft n unfafad bu uqacuc, yernu ssebba n waya d lexṣaṣ n yidrimen.
LEZZAYER TAMANEƔT - Isefraken n tzeqqiwin n waddal, yettwaḥettmen akken ad medlen tiwwura-nsen ugar n kraḍ n wayyuren, taɣẓint-is d aṭan n Unfafad Bu Tesmert Covid-19, ḥarent ad ten-id-yaweḍ ttesriḥ seg ɣur yiduba i wakken ad uɣalen s irmuden-nsen, weɛden s uqader n wakaten n uḥezzeb.
WEHRAN – Tasqamut n usuddes n turarin tigrakalin (COJM) ara d-yeḍrun deg Wehran deg useggas n 2022 tuɣal s irmuden-is unṣiben seg zrin kraḍ n wayyuren n uḥbas ɣef ssebba n waṭan n unfafad Bu Tesmert (Covid-19), deg taggara n yimalas, gan yinesɛuma-s yiwet n temlilit s wallal n usarag-tiliẓri akked mraw d sin n tesmilin-is titwilanin yemmuzgen.
LEZZAYER TAMANEƔT – Tella-d temlilit gar uneɣlaf n tillumẓa d waddal, Sid Ali Khaldi, d uselway s yimedzi n Tseqqimt Tulampit d Taddalant Tazzayrit, Mohamed Meridja, d tin aydeg ay d-nnan dakken ad mahlen i lmend n usewjed i yisihaṛen addalanen igraɣlanen ddukkli yernu ad nmirgen deg unezwi n talwit.
LEZZAYER TAMANEƔT – Yenna-d Uduktur Abderrahmane Ghlaimi, aselway n Tesmilt Tasnajyant n Tfidiṛalit Tazzayrit n Waddal n Yimeɛdaṛ dakken yessefk ad d-yili usefqed asnajyan n yinaddalen n tedɣert (ama d udwisen, ama d imeɛdaṛ) uqbel ma qqlen-d ɣer unrar.
LEZZAYER TAMANEƔT – 10 n telɣuɣilwin n userhu d userhu inezwer n temɣunin n tcirḍart n twilayt ay ifuken deg tsemhuyt-a n 2019-2020, ɣef wakken ay d-tenna, ass n usiḍyas, Tfidiṛalit Tazzayrit n Tcirḍart.
LEZZAYER TAMANEƔT – Semmus n Yizzayriyen imaynuten n Tfidiṛalit Tazzayrit n Tcirḍart ay yernan ttekkan deg tesmilin timezgiyin n Tkunfidiṛalit Tafriqit n Tcirḍart, ɣef wakken ay d-tenna tfidiṛalit taɣelnawt ass n ukras deg usmel-nnes unṣib.
LEZZAYER TAMANEƔT – Tsemmet teɣlamt tazzayrit n urugbi n 15 tiddit-nnes ɣer Kampala akken ad turar mgal temtilt-nnes tugandit deg ukatar n wass amezwaru n Teqbuct n Tefriqt n Yiɣlanen n 2020 ay yettwawexxren ɣer uzemz niḍen ɣef lǧal n tkaɣreft n unfafad bu uqacuc.
LEZZAYER TAMANEƔT – Aɣtas n ufaki n tsemhuyt taddalant n 2019-2020 n urdab d ayen ay yeǧǧan kra n yimsatwilen n waddal-a ad bdun asewjed, seg yimir-a, i tsemhuyt ay d-yetteddun, yernu gren-d tiɣri i uheyyi n uɣawas n umahil i lmend n waya war ma ttwattun yimerdaben n tedɣert.