Menu principal

Menu principal

LEZZAYER TAMANEƔT – Iqusisen n Temɣunt 1 n tcirḍart, iḥebsen seg 16 meɣres aneggaru almend n waṭan n Unfafad Bu Tesmert (Covid-19), ad zemren tura ad uɣalen s asleɣmu seg wass n usamas (lḥedd) d afella, i wakken ad qablen tasemhuyt tamaynut n 2020-2021, ara iqelɛen ass n 20 wamber i d-iteddun.
LEZZAYER TAMANEƔT – Tasmilt tagraɣlifant yettwakelfen s uheyyi n Uɣawas aɣelnaw n yilemẓiyen 2020-2024 tettwasers ass n usinas (ttlata) deg tesɣimt n uɣlif n Yilemẓiyen akked waddalen deg ugezdu n Lezzayer deg taggara n yiwen n umazrar n temliliyin n umciwer akked tuddsiwin akked tidduliwin n yilemẓiyen i yesbuɣren adiwenni akked usishel n umbiddel n tektiwin yezzin ɣef usenfar.
LEZZAYER TAMANEƔT – Talɣuɣa n Temɣunt Tamsadurt 1ut n Tcirḍart n tsemhuyt taddalant n 2020-2021 ad tebdu ass n usimwas 20 Wamber s uzrak n lewṣaya n uneɣlaf amenzu yernu deffir ma swejden-d ineggafen idawsanen yeqqnen ɣer waya, ɣef wakken ay d-yenna, ass n ukwas, yiwen n ulɣu n uɣlif n tillumẓa d waddal.
LEZZAYER TAMANAΓT - Iɛeggalen uselḥu n lbiru n Tegrawt tulambit tazzayrit sɛeddan ikaramen n yibeddi ɣer tefrant i wadeg n uselway anda i yettuɛeggen ad yettwefren deg wass wis 12 seg waggur n Ctamber, ma d akaram n tbeddit n Raouf Salim Bernaoui ur yettwaqbel, akka i teɛlem Tnegga isallen n Lezzayer seg tegrawt-agi.
LEZZAYER TAMANEƔT – Tenna-d tewnetlayt n uwanak d-yelhan s waddal n tedɣert, Salima Souakri, ass n ukwas deg Wammas n Usegraw d Usewjed n Teɣlamin Tiɣelnawin deg Sswidaneyya (tawilayt n Lezzayer), dakken inaddalen yessefk ad qadren aneggaf adawsan, yernu yella-d waya deg wawal-nnes i lmend n usefqed n unfafad bu uqacuc ɣer yinaddalen yuɣren ɣer Wuraren Ulampiyen d Wuraren Ulampiyen n Yimeɛdaṛ n 2021.
LEZZAYER TAMANEƔT – Ad tessuddes Tkunfidiṛalit Tafriqit n Tcirḍart, deg Dujembeṛ, amedru ɣef tenbaḍt n tcirḍart deg Tefriqt yernu d win wuɣur d-ttwaɛerḍent akk tiddukliwin tiɣelnawin yettekkan deg tkunfidiṛalit, ɣef wakken ay d-tenna Tfidiṛalit Tazzayrit n Tcirḍart ass n usinas deg usmel-nnes unṣib.
LEZZAYER TAMANEƔT – Iga uneɣlaf n tillumẓa d waddal, Sid Ali Khaldi, ass n uynas tameddit, timlilit n umciweṛ d tuddsiwin d tiddukliwin n yimemẓiyen, gar-asent Iskutiyen Inselmen Izzayriyen, i lmend n uttekki deg usebɣer n udiwenni d umsenfal n tmuɣliwin deg wayen yerzan aheyyi n uɣawas aɣelnaw n tillumẓa.
LEZZAYET TAMANEƔT – Twekkel Tdukli Taɛṛabt n Ubadminṭun tamurt n Lezzayer akken ad tessuddes taẓrigt n 2021 n telɣuɣa n yimeqranen/irgazen deg ugraw-nnes amatu anuman ay d-yellan deg tgara n yimalas yezrin s usarag n teẓrit, ɣef wakken ay d-tenna tsudut-a taɛṛabt deg usebter-nnes n Facebook.
LEZZAYER TAMANEƔT – Tanarit n tfidiralit tazzayrit n tcirḍart ur teẓri ara amek ara t-kemmel Teqbuct n Lezzayer 2019-2020, i iḥebsen deg wayyur n meɣres-a aneggaru almend n waṭan n Unfafad Bu Tesmert (Covid-19), yezzireg-d dakken deg uraǧu n tririt n uɣlif n Tmeḍrit akked Waddalen (MJS).
LEZZAYER TAMANEƔT – Tanarit n Tfidirali tazzayrit n tcirḍart (FAF), yemlalen ass n ukras (larebɛa) deg yiwet n temlilit tafeɣnamit, teqbel aḥbas n telɣuɣa n Temɣunt 1 ɣef ssebba n waṭan n Unfafad Bu Tesmert (Covid-19), rnan sɣerten-d dakken CR Belouizdad d talɣuɣt n tsemhuyt n 2019-2020.