Menu principal

Menu principal

LEZZAYER – Aselway n USM Lḥeṛṛac (Tamɣunt 1 tadzayrit n tkurt n uḍar) Mohamed Laib yezreɛ ccek deg wayen yerzan azekka-nnes ɣef yixef n teɣlamt n Lḥeṛṛac, setta wussan uqbel tgara n wemsazwer. « Ad d-iniɣ kan tidet, uwḍeɣ-d ɣer yiwet n tegnit aydeg qqleɣ ur zmireɣ ara ad ssedduɣ tiɣawsiwin, ɛyiɣ. Seg-a ar asmi ara d-qqimen sin kan n wussan uqbel telɣuɣa, ad ddmeɣ ṛṛay yerzan azekka-inu”, ay d-yenna i NSL yemḍebber amezwaru n USMH. Mohamed Kaib yexlef-d Fethi Obeidi deg 2007 ɣef yiɣef n teɣlamt n Lḥeṛṛac, yerna yeḍḍef yagi amkan-a deg yiseggasen n 1990. « Aḍebber deg teɣlamt deg Lezzayer yeqqel ass-a d taɣawsa iweɛṛen, imi ay kecment aṭas n temsal deg waya”, ay d-yenna Laib ay d-yesmeɛnen ɣef uttixer-nnes deg tgara n telɣuɣa. Yiwet seg ssebbat ara yilin jjant Laib ad yejbed iman-nnes d amennuɣ-nnes akk d Usrir anaddal amaswa, imi Takebbanit tanaddalt s tafulin ur testeɛṛef ara s ḍḍlaba n usrir-nni ay yuwḍen ɣer 9 n yimelyaṛen n yisantimen, ɣef leḥsab n tɣemsa n waddal. Mi d-yebder amecwaṛ n teɣlamt-nnes deg useggas-a, Mohamed Laib yenna-d dakken igmaḍ n Lḥeṛṛac « ur lhin, ur diri-ten ». « Nessaweḍ, ar ass-a, ɣer yegmaḍ ur yeɛdilen ara, yerna iswi-nneɣ agejdan netta d tiɣimit deg wemkan-nneɣ. Asettef n teɣlamin yusa-d yewɛeṛ ama seg yidis n teɣlamin timezwura, ama seg win tneggura, yerna kullec yezmer ad d-yeḍru deg tgara n wemsazwar », ɣef wakken ay d-yenna. Taɣlamt n USMH, ay ifuken talɣuɣa deg wemkan wis 5 (47 n tenqiḍin) deg usettef n tsemhuyt 2013-2014, attan imir-a deg wemkan wis 8 s 33 n tenqiḍin. Imariren n Boualem Charef ad ddun ass n ljemɛa ɣer Bgayet akken ad uraren d MOB deg wass wis 25 n telɣuɣa.
LEZZAYER – Aneɣlaf n Waddal Mohamed Tahmi, yeckeṛ-d ass n ttlata « ayen yelhan ay d-wwin » n wid yettekkan deg Tseqqamut gar yeḥricen i ussewhjed d ussuddes n tedyanin timeqranin n waddal, deg usserbeḥ n tedyanin ay d-yellan seg melmi kan deg Lezzayer, ladɣa Tuzzya Tameqrant n Lezzayer n temsizzelt n yiviluten (GTAC-2015). Aneɣlaf yeḥdeṛ deg wexxam n weɣlif n waddal, deg yixeddimen n tseqqamut-a deg wayen yerzan agmuḍ n telɣuɣa n Tefriqt n yimenɣi s ssif, imecwaṛen n telɣuɣa n umaḍal deg waddal-a, ma d igmaḍ n Tuzzya tameqrant n Lezzayer n temsizzelt n yiviluten, « aselway n Tfidiṛalit yextar ad iwexxer ass n uqeddem »-nsen, ɣef leḥsab n yiwen n welɣu n weɣlif n waddal. Tahmi ifuṛes akken ad yesnemmer « wid yettekkan deg Tseqqamut ay yeddan d Tfidiṛalit n yiviluten ay yettekkan deg usserbeḥ n GTAC-2015 akk d yemsazwaren n umaḍal d Tefriqt n yimenɣi s ssif ay d-yesseknen tizemmar n Lezzayer deg ussuddes n tedyanin (…) ». Seg yidis-nsen, wid yettekkan deg Tseqqamut gar yeḥricen n ussewjed d ussuddes n tedyanin timeqranin n waddal gren-d tamawt dakken yessefk « ad yettwassemɣer yerna ad yettwassejhed » weḥdaṛ n ttawilat n yisalan deg wakk tidyanin ay tetteg Lezzayer. Wid yettekkan deg tseqqamut-a nnan-d dakken ad yettwassuddes, seg-a ɣer sdat, uzgen n umaraṣun deg Bgayet (amenzu n Mayyu), d Warraz ameqran n tkurt tamafagt n tlawin (3-5 Yulyu) d telɣuɣa n umaḍal n waddal n « vovinam viet vo dao » (seg 28 Yulyu ɣer 2 Ɣuct).
LEZZAYER – Aselway n Useqqamu ulimpi d unaddal azzayri (COA) Mustapha Berraf yenna-d, ass n lexmis, d akken d « axeyyeb » i wid iḥemmlen takurt n uḍar imi Lezzayer ur tt-id-iṣaḥ ara ad tessuddes Taqbuct n Tefriqt n yeɣlanen n tkurt n uḍar (CAN-2017) deg Lezzayer, am wakken ay d-yerna d akken a win yufan « ad nbeddel awal», acku lxetyar « yella-d yagi ». Takunfiniṛalit tafriqit n tkurt n uḍar (CAF) tefka assuddes n teẓrigt tis 31 n CAN i tmurt n Gabun ay d-yettwaxtaren seg gar tmazwarin-niḍen i yellan d Lezzayer ed Ghana, yerna yella-d lxetyar-a deg yijifeṛ n wegraw amatu amagnu wis 37 ay d-yellan deg Lqahira. « Lezzayer tella tebɣa ad d-tili deg-s Teqbuct-a n CAN, maca maci d aya kan ay d ṣṣeḥ. Nella nebɣa ad nejj agdud azzayri ad yedder tameɣra-a n tkurt n uḍar n Tefriqt s lqerb. Aya yella-d d axeyyeb i wegdud, ladɣa ilemẓiyen. Takunfidiṛalit tafriqit n tkurt n uḍar textar, dɣa yessefk ad nezzi asebter yerna ad neddu ɣer sdat », ɣef wakken ay d-yenna Berraf i NSL. Imir-a, amennuɣ ur yenfiɛ i wacemma. Afud igerrzen i Gabun deg ussuddes n Teqbuct n Tefriqt n Yeɣlanen 2017 », ɣef wakken ay d-yenna Berraf. Deg Fuṛaṛ yezrin, aselway n Useqqamu ulimpi d unaddal azzayri yenna-d dakken Takunfidiṛalit tafriqit n tkurt n uḍar ad tefk assuddes n teqbuct n CAN-2017 i Gabun. Taqbuct n CAN-2017 tettunefk naqal i Libya uqbel ma tejbed tmurt-a iman-nnes ɣef ljal n yir tegnit n laman ay yellan deg tmurt-a. 
LEZZAYER TAMANEƔT – Taɣlamt n RC Laṛebɛa tɛedda ɣer tneggarut n Teqbuct n Lezzayer 2015 n ddabex n uḍar mi terna ASO Cclef deg tyita n yeswi anda ay tessekcem 3 ɣer 0 (0-0 sdeffir usseɣzef) deg temlilit n wezgen n tneggarut ay uraren ass n ssebt deg wennar n Omar-Hamadi n Buluɣin, deg Lezzayer Tamaneɣt. Sdeffir 120 n tedqiqin n wurar, snat-a n teɣlamin gant-d kan 0 ɣer 0, yerna d aɛessas n yeswi n Laṛebɛa, Fellah, ay yejjan taɣlamt-nnes ad tɛeddi imi ay d-yeḥbes tlata n tyitiwin timezwura n Yicelfiyen deg weḥric-nni n tyita n yeswi. RC Laṛebɛa ed MO Bgayet ad urarent taneggarut-nsent tamezwarut deg umezruy deg wass n 1 Mayyu ay d-yetteddun deg usarir n 5 Yulyu. MO Bgayet tessaweḍ ad tɛeddi ɣer tneggarut ass n ljemɛa mi terna ES Sḍif s tyitiwin n yeswi s 6 ɣer 5 (1 ɣer 1 sdeffir usseɣzef). Igmaḍ n wezgen n tneggarut: ES Sḍif - MO Bgayet 1-1 sdeffir usseɣzef (6-5 s tyitiwin n yeswi) RC Laṛebɛa - ASO Cclef 0-0 sdeffir usseɣzef (3-0 s tyitiwin n yeswi).
LONDON – Amarir alemmas agraɣlan adzayri Adlene Guedioura, ay yetturaren deg teɣlamt n Watford, yettwafren d netta ay d amarir imxeyyer deg temlilit ay terbeḥ teɣlamt-nnes mgal Millwall (2-0) ass n ssebt, deg wass wis 42 n telɣuɣa tanglizit n taẓunt, yerna d tikkelt tis tlata ɣef wesref ara yili d imxeyyer am wakka. Guedioura, ay la yetturaren s teẓwert tameqrant tagara-a, yessekcem iswi wis sin n Watford (deg tedqiqt tis 56), sdeffir ma yessekcem Matej Vydra iswi amezwaru deg tedqiqt tis 26. D win ay d iswi amezwaru ara yessekcem umarir-a adzayri deg teɣlamt n Watford deg tikkelt-a tis snat aydeg ara yettwarḍel i teɣlamt-a deg tsemhuyt-a. Uqbel temlilit-a, Guedioura iga snat n tikkal asɛeddi n takurt ay yessawḍen ɣer ussekcem n yeswi, yiwet deg temlilit ay d-yellan mgal Derby County (2-2), tayeḍ deg temlilit mgal Middlesbrough (2-0). S rrbeḥa-a, taɣlamt n Watford tessaram ad tekcem ɣer Temɣunt Tamezwarut deg tsemhuyt ay d-yetteddun, yerna attan imir-a teḍḍef amkan wis sin s 79 n tenqiḍin, deffir teɣlamt n AFC Bournemouth ay yeḍḍfen taqacuct. Guedioura (29 n yiseggasen), d areḍḍal kan ay t-terḍel Crystal Palace i teɣlamt n Watford. D tikkelt tis snat aydeg ara yettwarḍel i teɣlamt-a deg tsemhuyt-a yerna yurar yagi deg-s gar Wambeṛed Dujembeṛyezrin (d tallit aydeg ay yessekcem 2 n yeswan deg 6 n temliliyin). Amarir-a adzayri alemmas n temḥaddit yettwaḥṛem seg wurar deg Teqbuct n umaḍal n 2014 d Teqbuct n Tefriqt n 2015 , am wakken ur as-d-ɣrin ara daɣdeg snat-nni n temliliyin timmidwanin ay turar teɣlamt taɣelnawt deg Dduḥa mgal Qaṭar (texṣer s 1 ɣer 0) ed Ɛuman (terbeḥs 4 ɣer 1).
LEZZAYER – Uqbel temliliyin n wezgen n tneggarut n Teqbuct n Lezzayer n tkurt n uḍar deg ara mlilent, deg taggara-a n dduṛt ES Sṭif d MO Bgayet akk d RC Laṛebɛa ed ASO Cclef, tella-d tegnit n wemjadel deg wayen yerzan assenzi n yitikiyen deg temlilit n ESS-MOB, d wanda ara d-tili temlilit n RCA-ASOC. Tamehla n MOB yellan d tamezwarut deg telɣuɣa n Temɣunt 1 (Ligue 1) ur as-yeɛjib ara wemḍan n yitikiyen d-iṣaḥeni yemfeṛṛjen-nnes ara ad ḥedṛen i temlilit-a ara d-yilin ass n ljemɛa deg wennar n 8 Mayyu 1945 deg Sṭif. Imḍebbren n teɣlamt n « Tfirɛeqqas » nnan-d d akken ssarmen lemmer ad ten-id-ṣaḥen 4000 n yitikiyen, maca ttunefken-asen ala 1500. D amḍan d-yellan « ddaw » n wanect ḍemɛen yemḍebbren ibgaytiyen, yerna wten-d s teqseḥdeg tmehla n teɣlamt n ESS ay d-yusan deffir-s deg usettef n teɣlamin iẓewren. Nnig waya, arraw n « Yemma Guraya » nnan-d d akken ur ten-jjin ara ad sleɣmun deg wennar n Lɛelma, d tamdint yettekkan deg twilayt n Sṭif yerna d tin ay fernen akken ad qqimen deg-s seg wass n laṛebɛa akken ad uraren ɣef Teqbuct. Tigin-a yessumel-itt-id uselway n MOB, Boubekeur Ikhlef yuwḍen armi yeggez ad yejbed iman-nnes seg temlilit. D aya izemren ad yernu zzit i tmes uqbel ma tella-d temlilit-a gar snat teɣlamin ay yeṭṭfen imukan imezwura deg tsemhuyt-a , ladɣa imi ula d yiwet seg-sent ur tebɣi ad d-temlil uguren deg webrid-nnes. Tagnit-a tḥettem imsuddsen n temlilit-a ad d-sneqsen ɣer 14000 amḍan n yitikiyen ara yenzen i yimarayen n snat-a n teɣlamin, ɣas ma yella asarir yesɛa 18.000 n yimukan. Wa d aḥezzeb, ɣef wakken d-nnan yemḍebbṛeni terza temsalt deg Sṭif. Ma d timlilit niḍen n wezgen n tneggarut d tin n RCA ed ASO, ula d nettat ur teslik ara seg wemjadel,…
LEZZAYER – Tiɣlamin ES Sṭif-MO Bgayet akk d ASO Cclef-RC Laṛebɛa ad urarent ass n ljemɛa d ssebt deg temliliyin n wezgen n tneggarut n Teqbuct n Lezayer n ddabex n uḍar akken ad ɛeddint ɣer tneggarut n teẓrigt tis 51 n teqbuct-a. MO Bgayet, tin d-ibanen aseggas-a yerna d tamezwarut n Temɣunt 1 n telɣuɣa taɣelnawt ad teddu ɣer Sṭif akken ad turar mgal texṣimt-nnes, ESS yetturaren deg tlata n tegrawin (Tamɣunt 1, taqbuct n Lezzayer, Tamɣunt n yelɣuɣen). Imariren n Kheireddine Madoui yessefk ad ḥadren iman-nsen sdat teɣlamt n MOB yetturaren s leḥṛaṛa yerna tessaweḍ ad tɛeddi ɣer wezgen n tneggarut sdeffir ma terbeḥ tlata n temliliyin gar ṛebɛa, yerna ta deffir ta. Ma yella ESS ad turar akken ad d-tawi taqbuct-a i tikkelt tis ttesɛa, MOB ad tettekki s lfeṛḥ deg tneggarut n Teqbuct n Lezzayer. Deg wennar n Omar-Hamadi deg Lezzayer Tamaneɣt, taɣlamt n RC Laṛebɛa, ad turar d ASO Cclef, tin ay irebḥen taqbuct n 2005. Ta d timlilit deg ara uraren sin n yexṣimen yesɛan aswir kifkif-it, yerna kullec yezmer ad d-yeḍru deg temlilit am ta. ASO Cclef tiwi-d amecwaṛ igerrzen taggara-ya, yerna iban-d waya deg uɛeddi-nnes ɣer tis 8 n tneggarut n Teqbuct n Tkunfidiṛalit (CAF) mi terna taɣlamt taginit Horoya Conakry. Deg telɣuɣa, Icelfiyen rnan daɣ ES Sṭif (1-0) d ayen ara ten-yejjen ad uraren timlilit-a n teqbuct s yifadden ijehden, ladɣa seg yidis n tnefsit. Seg tama-nnes, taɣlamt n RCA, ɣas terra-tt tmara ur tetturar ara deg Laṛebɛa, imariren-nnes d uselway-nsen, Djamel Amani, la ssaramen ad awḍen ɣer tneggarut-a ara ikecmen deg umezruy n teɣlamt-nsen.
LEZZAYER – Tafidiṛali tadzayrit n waddalen n yimeɛdaṛ ad tessuddes tineggura n telɣuɣa n Lezzayer n tkurt n uqecwal n yimeɛdaṛ (tilawin), takurt n yeswi (irgazen) d werfad n ljehd (irgazen d tlawin) ussan n ljemɛa, ssebt ed lḥedd, ɣef wakken ay aɣ-d-txebber tfidiṛalit ass n ttlata. Taneggarut n telɣuɣa taɣelnawt n tkurt n uqecwal n yimeɛdaṛ (tilawin) ad d-teii ussan n ljemɛa d ssebt deg tzeqqa n tagtaddalt n Ɛin Ṭṭerk. Seg wemsazwar-a n sin n wussan, ad d-iban welɣuɣ n Lezzayer i tsemhuyt n 2014-2015, yerna ad d-yili usettef n teɣlamin tidzayriyin timxeyyrin deg waddal-a i useggas-a. Tmanya n teɣlamin ara yettekkin, nitenti d: Waregla (talɣuɣt n Lezzayer), Khouloud Saida (Ssɛida), Ibtissama Oran, Khobzi Mokhtar (Tibeskert), 8-mars Mostaganem, Hodna M’Sila, Amel REI Ouaha (Waregla) ed Nour El Eulma. Ma deg tzeqqa n Bufarik, ad d-tili telɣuɣa n play-off n taẓunt n tkurt n yeswi (irgazen), ass n ssebt seg 9 n tṣebḥit d asawen. Talɣuɣa-a ad t-ili « d taɛlayant n weswir », ɣef leḥsab n yimuzzag n waddal-a, imi ara d-mlilent deg-s teɣlamin n weswir aɣelnaw, gar-asent talɣuɣt n Lezzayer, Wifak Alger, ara yuraren akken ad teṭṭef amkan-nnes. Menɣir taɣlamt n Wifak, ad ttekkint daɣ tlata n teɣlamin niḍen: Ines Alger, Etoile filante Boufarik d teɣlamt n Txencelt. Tiɣlamin-a ad urarent gar-asent. Tin ara d-irebḥen ugar n tenqiḍin d nettat ara yeqqlen d talɣuɣt n Lezzayer i tsemhuyt n 2014-2015. Amsazwar wis tlata ad d-yili tagara n dduṛt-a deg waddal n werfad n ljehd (irgazen d tlawin) deg 132 n yinaddalen ara yettekkin gar 11 ed 12 Yebrir deg tzeqqa n Busmaɛil (Tipaza) deg telɣuɣa n Lezzayer (d talɣuɣa taneggarut i tsemhuyt-a). 132-nni n yinaddalen ara yettekkin, gar-asen 46 n teqcicin, ad d-asen s yisem n 12 n teɣlamin: Amir Abdelkader (Tiɣennif), Salam (Mɛeskeṛ), Machaal (Bir Muṛad…
LEZZAYER – Tamarirt n tkurt tamafagt n teɣlamt n GS Pétroliers, Fatma-Zohra Oukazi, ay yellan imir-a deg Maṣer akked teɣlamt-nnes, yuweḍ-itt-id « s lfeṛḥ d ameqran » yisali n usemmi-nnes, ass n ssebt, akken ad tettekki deg wegraw amatu n Useqqamu ulimpi d unaddal azzayri (COA). « Aya d lfeṛḥ ameqran yerna d tajmilt i uklaleɣ i lmend n uxeddim seg wul ed leɛtab ay sɛeddaɣ deg wugar n 14 n yiseggasen », ay d-tenna Oukazi deg umiḍan-nnes n Facebook seg Lqahira, anda ay tt-id-iṣaḥ wemkan wis 5 deg Telɣuɣi n Tefriqt n yesriren ilɣuɣen. « Ssarameɣ axeddim seg wul, tugrint, tteṛbeyya yelhan ed tafrit tamsadurt ad ttekkin deg usserbeḥ n yinaddalen niḍen, yerna ad ten-yejj waya ad xedmen i lmend n waddal mi ara asen-yettwabeddel wemkan », ay d-terna. Salim Achouri, asleɣmay n GSP umi neɣra s usawal seg Lezzayer, yenna-aɣ-d dakken netta d wakk imaslaḍen niḍen n teɣlamt « feṛḥen-as mliḥ i Oukazi » ay yellan d tamarirt ay ttqadarent aṭas tmeddukal-nnes deg teɣlamt. « Nettat d taxeddamt, yerna tuklal aya. Nessaram-as ad ternu ad tṛuḥ mebɛid, acku rrbeḥ-nnes udmawan d rrbeḥ n teɣlamt, daɣ », ɣef wakken ay d-yerna wesleɣmay n GSP. Menɣir Fatima-Zohra Oukazi, COA isemma-d daɣ tamarirt n tkurt n ufus Saliha Bounemri d tamaslaḍt n wegraw-nnes amatu deg temlilit tamagnut ay d-yellan deg wexxam n tkebbanit n usawal n Mobilis deg Bab Zzewwaṛ (Lezzayer Tamaneɣt). S unekcum n snat-a n tugniwin ɣer umussu anaddal adzayri, agraw amatu n COA ad yeqqel yesɛa 81 n yimaslaḍen.
LEZZAYER – Aneɣlaf n waddal, Mohamed Tahmi, ad yeg tirzi n uxeddim deg Lqahira (Maṣer) seg 6 ɣer 8 Yebrir yerna ad yeḥdeṛ deg weḥric seg yixeddimen n useqqamu aselkam n Tkunfidiṛalit tafriqit n tkurt n uḍar (CAF) ara d-isemmin, ass n laṛebɛa, tamurt aydeg ara d-tili teqbuct n CAN-2017, ɣef wakken ay aɣ-d-ixebber weɣlif ass n lḥedd. « Tahmi ad yeddu ɣer Maṣer gar 6 ed 8 Yebrir akken ad yeḥdeṛ deg tɣimit n useqqamu aselkam n CAF akken ad d-iqeddem isalan ineggura ay d-yellan deg wayen yerzan timmazwert n Lezzayer deg CAN-2017 », ɣef wakken ay d-yenna uneɣlaf n waddal. Ṛebɛa n wussan ay d-yeqqimen uqbel ma terra-d CAF lexbar ɣef wanta ay d tamurt ara yessuddsen (organiser) taqbuct n CAN-2017 n tkurt n uḍar, maca ttawilat n uxebber ssuffɣen-d lexbar yella-d ussemɛen dakken d Ldzayer ay yezmer ad d-iṣaḥ waya, yerna yezmer lḥal ad yili waya « yeḍmen yagi ». Tahmi yenkeṛ seg lqaɛa, ass n ssebt, dakken tettunefk-as-d kra n ḍḍmana sɣur CAF. « D ayen ibanen dakken nebɣa s ccuq ad nessuddes tadyant am ta, maca nebɣa ad aɣ-d-iṣaḥ waya s webrid n lqanun, ladɣa s uqeddem n ukaram [dossier] yemmden ara asen-iɛejben i yimaslaḍen [membres] n CAF », ɣef wakken ay d-yenna uneɣlaf i lmend n terzi n ussefqed n usarir (stade) n 5 Yulyu. Ldzayer, Gabun, Ghana ed Maṣer d nitenti ay d timazwarin (candidats) ay d-yessersen iman-nsent i lmend n ussuddes n teqbuct n CAN-2017, deg wakud aydeg Libya tejbed iman-nnes ɣef ljal n tegnit n laman deg tmurt-a. Ma d tiqbucin n CAN-2019, 2021 ed 2023 ttunefkent i Kamrun, Côte d’Ivoire ed Ginya.