Menu principal

Menu principal

Akaraṭi: Arraz n uɣlif ajapuni n yiweẓla iwerdaniyen yettunefk i ukerwa azzayri Latreche

Yeffeɣ-d ass n : Aynas, 15 Ɣuct 2022 12:35   Ɣran-t : 47 n tikkal
Akaraṭi: Arraz n uɣlif ajapuni n yiweẓla iwerdaniyen yettunefk i ukerwa azzayri Latreche

 

ZZAYER TAMANEƔT – Yeɣtes unabaḍ ajapuni ad yerr tajmilt i ukerwa azzayri n ukaraṭi Mouloud Latreche s warraz n uɣlif n yiweẓla iwerdaniyen n Japun i 2022, ɣef wakken ay d-tenna tmazelt n Japun deg Zzayer deg yiwen n ulɣu.

« Deffir tanaḍt n 10 Ɣuct, yenna-d unabaḍ n Japun dakken yeɣtes ad yefk arraz n uɣlif n yiweẓla iwerdaniyen n Japun i ukerwa Mouloud Latreche », ɣef wakken ay d-yenna ulɣu-a.

Latreche yesɛa tabagust taberkant s udan wis tam (8), d amazzay agraɣlan yernu d aselway n Japan Karate Association Algeria (JKA) yernu d amaslaḍ deg tesmilt tatwilant tafriqit n ukaraṭi. Yerra-as unabaḍ ajapuni tajmilt akken ad t-yesnemmer ɣef udraw-nnes deg usmal n yimsenfalen addalanen d umsegzu gar Japun d Zzayer, ɣef wakken ay d-yenna uɣbalu-a.

Tafugla n tukci n warraz-a ad d-tili deg uzemz ara d-yettunefken sakkin, yernu ad d-tili tfugla-a deg tnezduɣt n unmazal n Japun deg Zzayer, ɣef wakken ay tt-id-yextem ulɣu-a.

Tiddukla n Ukaraṭi n Japun (Japan Karate Association) derwent deg-s 109 n tmura yernu tettɣimi-d d aɣerbaz ameqran akk deg umaḍal deg waddal-a. Tiyakiwin-nnes ur sɛint ara taggayin n usakel niɣ amesten. Aɣanib n ushotokan n tiddukla-a yettwassen s tdinamit-nnes d tetwilin-nnes tifexsayin (akime).
Seg was n 21 Meɣres 2012, tukez Japun tiddukla-a s yisem-nnes d tiddukla n tnafut tanagdudt. Ta d tiddukla yeqqnen ɣer uwanak yernu yettwakez d tawelha deg uselmed n ukaraṭi ansayan ama deg Japun, ama deg tmura niḍen n umaḍal.

 

 

Akaraṭi: Arraz n uɣlif ajapuni n yiweẓla iwerdaniyen yettunefk i ukerwa azzayri Latreche
  Yeffeɣ-d ass n : Aynas, 15 Ɣuct 2022 12:35     Taggayt : ADDAL     Ɣran-t : 47 n tikkal   Bḍu